MAPISHI: Makaroni na nyama

• By adminleo
• April 11, 2019

Na MARGARET MAINA

[email protected]

MUDA wa kuandaa: Dakika 25

Muda wa kupika: dakika 15

Walaji: 2

Vinanyohitajika

• Makaroni nusu pakiti (pima kulingana na mahitaji yako)
• Nyanya 4
• Nyanya ya kopo (tomato paste) vijiko 3
• Vitunguu maji 2
• Kitunguu saumu 1
• Pilipili mboga 1
• Soy sauce kwa kijiko kidogo
• Chumvi kijiko 1 kidogo
• Giligilani kijiko 1 kikubwa
• Gharam masala ¼ kijiko kidogo
• Binzari kijiko 1 kidogo
• Tangawizi ½ kijiko kidogo
• Nazi 1 iliyokomaa
• Njegere glasi 1
• Biringani 1, kate vipande virefu na vyembamba
• Italian seasoning kijiko 1 kidogo
• Pilipili ndefu 2; kata vipande vidogovidogo
• Cayenne pepper yaani udaha kijiko 1 kidogo

Maelekezo

• Andaa viungo – menya nyanya, vitunguu maji viwili, pilipili mboga na kitunguu saumu. Kata vipande vidogo. Kamua tui la nazi.
• Andaa njegere, zichemshe ila zisiive sana. Epua.
• Kwenye sufuria, weka maji na chumvi, acha yachemke.
• Weka makaroni, pika kwa dakika 10 kisha epua.  (fuata muda elekezi kwenye paketi ya makaroni)
• Chuja maji, hifadhi.
• Ni vizuri ukipika makaroni dakika moja au mbili chini ya muda elekezi kwenye paketi, hii itafanya makaroni yaive vizuri yakichanganywa na sauce na wakati wa kumalizia kupika.
• Weka mafuta ya kupikia kwenye sufuria, bandika jikoni.
• Acha mafuta yapate moto vizuri kisha weka kitunguu maji. Hakikisha moto ni mkali ili mboga ziive vizuri bila kuchuja maji.
• Pika kwa dakika mbili huku unakoroga.
• Weka kitunguu saumu, bizari, tangawizi, pilipili ndefu, giligilani ya unga, italian season na gharam masala.
• Koroga vizuri kisha weka nyanya. Koroga taratibu kisha acha ziive hadi zitengane na mafuta. Weka nyanya ya kopo (tomato paste) na biringani na ukoroge pamoja.
• Weka njegere, koroga pamoja. Weka soy sauce pamoja na chumvi kiasi.
• Weka makaroni kwenye sufuria. Changanya na sauce ya nyanya na njegere. Weka pilipili mboga, koroga na acha ziive kiasi, ili harufu iwe tamu na nzuri. Weka tui la nazi.
• Geuza mara kwa mara kisha acha chakula kichemke kidogo. Nyunyizia cayenne pepper na pilipili manga ichanganye na chakula kisha epua.

Chakula kikishakuwa tayari, pakua na ufurahie.

• Tags
• makaroni
• mapishi