Chai ya muasumini na manufaa yake kwa binadamu

NA MARGARET MAINA

MUASUMINI hutumiwa kwenye ngozi ili kupunguza kiasi cha maziwa ya mama, kwa magonjwa ya ngozi, na kuharakisha uponyaji wa jeraha.

Kunusa jani la muasumini huboresha hisia, hupunguza mkazo, na kupunguza hamu ya kula.

Chai ya muasumini imepata umaarufu sana katika migahawa ya bara Asia. Ingawa chai hii kwa kawaida hunywewa ikiwa moto au baada ya milo, inaweza pia kufurahiwa ikiwa baridi siku ya jua kali.

Kuna aina kadhaa za chai ya muasumini inayopatikana kwenye soko. Muonekano, ladha, na bei za chai hutegemea asili na aina.

Faida za kiafya za chai ya muasumini

Pamoja na harufu na ladha ya kipekee, chai ya muasumini ina sifa nyingi za manufaa ambazo zinaweza kusaidia kupunguza mkazo na matatizo ya moyo na mishipa na inaweza kuboresha mfumo wa utumbo.

Inaweza kusaidia kupunguza uzito

Kila mtu anatafuta siri ya kupunguza uzito kwa urahisi na haraka. Ingawa hakuna njia mkato wa kupoteza uzito, chai ya kijani na ya muasumini inaweza kuwa nyongeza nzuri ya kusaidia kupunguza uzito. Chai hii huimarisha mifanyiko ya kimetaboliki na hufanya mazoezi kuwa ya ufanisi na kusaidia mwili wako kuchakata virutubisho haraka. Mifanyiko ya kimetaboliki ya haraka au yenye ufanisi zaidi husaidia kupunguza uzito.

Huimarisha mfumo wa kinga

Kipengele aina ya katekisimu kwenye chai ya muasumini kinaweza kuimarisha mfumo wa kinga.

Inaweza kupunguza maumivu

Katika dawa ya jumla, moja ya athari nzuri za chai ya muasumini ni kwamba inadhaniwa kusaidia katika kupunguza usumbufu wa muda mrefu unaohusishwa na maumivu ya pamoja na ugonjwa wa yabisi.