KUKABILI TATIZO: Uvimbe chini ya macho

NA MARGARET MAINA

WATU wengi hukabiliwa na uvimbe chini ya macho mara kwa mara.

Baadhi ya sababu ni kukosa usingizi usiku, mzio, au mlo wako, pamoja pia na vipodozi.

Eneo karibu na macho yako ndilo ngozi nyembamba zaidi katika mwili wako. Kwa hivyo, inaweza kuwa vigumu kuficha uvimbe kutokana na uhifadhi wa maji kutoka kwa mirija yako ya machozi, msongamano au kuvimba.

Pata usingizi wa kutosha

Unapokosa usingizi, mwili wako hutoa kemikali ambayo hubadilisha usawa wa chumvi katika mwili wako na kusababisha uhifadhi maji mwilini na kusababisha kuvimba kwenye uso wako. Kutopata usingizi wa kutosha ni kawaida.

Njia nzuri ya kuhakikisha unapata usingizi mzuri zaidi ni kuepuka pombe na kafeini karibu na wakati wako wa kulala. Pia jaribu kuzima kifaa chako cha kielektroniki angalau muda wa saa mbili kabla ya kulala.

Punguza ulaji wako wa chumvi

Uhifadhi wa maji ndio sababu kuu ya chini ya macho ya kuvimba, kwa hivyo inafaa kujiepusha na vyakula ambavyo vitachochea. Sodiamu ina jukumu muhimu katika kudhibiti maji katika seli za mwili, hivyo ikitokea tunakula chumvi nyingi, sodiamu hiyo ya ziada huongeza kiwango cha maji mwilini, nje ya seli zako.

Kupunguza chumvi katika mlo wako kunaweza kukusaidia kuzuia umajimaji kupita kiasi mwilini mwako.

Tumia barafu au chochote baridi

Kuweka barafu au vipande vya matango baridi kwenye macho yaliyo na uvimbe kwa sababu ya uchovu ni muhimu. Kupoza eneo karibu na macho yako hupunguza mtiririko wa damu, ambayo husaidia kupunguza uvimbe karibu na macho yako.

Mifuko ya majani chai baridi inaweza pia kusaidia, kwa kuwa kafeini inaweza kusaidia kupunguza mtiririko wa damu kwenye ngozi yako na kuifanya ionekane angavu na yenye kubana zaidi.

Krimu za macho

Krimu ya macho iliyo na kafeini itasaidia kukabiliana na duru nyeusi na mistari nyembamba, ambayo inaweza kupunguza mwonekano wa jumla wa macho ya kuvimba. Kampuni nyingi za vipodozi huuza mafuta ya macho yenye kafeini ili kupunguza uvimbe chini ya macho. Unaweza hata kuweka krimu ya jicho lako kwenye jokofu ili kuongeza uwezo wake wa kutuliza.

Sababu za uvimbe chini ya macho

Mzio

Unapokuwa na mmenyuko wa mzio, iwe kwa chavua, wanyama au chakula maalum, mwili wako hutoa histamini, ambayo hufanya mishipa yako ya damu kutanuka na kusababisha uvimbe karibu na macho yako.

Mlo na utumiaji wa pombe

Mlo usio na usawa na upungufu wa maji mwilini unaweza kuwa na athari inayoonekana kwenye ngozi yako, na uvimbe karibu na macho yako. Unapokosa maji mwilinia, ngozi chini ya macho yako inakuwa dhaifu, na kusababisha uvimbe. Ili kuepuka upungufu wa maji mwilini, hakikisha unakunywa kati ya glasi 8 na 10 za maji kwa siku, punguza unywaji wako wa pombe na kafeini, na upunguze matumizi yako ya sodiamu.

Kulia

Kuamka asubuhi baada ya kipindi cha kulia sana mara nyingi husababisha uvimbe chini ya macho.