Manufaa ya karkadi (hibiscus)

NA MARGARET MAINA

[email protected]

KWA karne nyingi, watu wametumia mbegu za karkadi, maua, majani na shina katika chakula na dawa za kijadi.

Leo, unaweza kupata jamu, jeli, mchuzi na chai yenye ladha ya kakadi duniani kote.

Karkadi mekuwa ikitumika kutibu kila kitu kutoka kwa shinikizo la damu hadi shida ya mmengenyo wa chakula.

Faida za kiafya za chai ya karkadi

Kukabili radikali

Radikali husababisha uharibifu wa seli zinazochangia magonjwa kama saratani, ugonjwa wa moyo na kisukari. Karkadi huwa na uwezo wa kukabili radikali kama hizo.

Inapunguza shinikizo la damu

Shinikizo la juu la damu huathiri watu wengi, na kusababisha matatizo makubwa ya afya kama mshtuko wa moyo, kiharusi na ugonjwa wa figo. Kunywa chai ya karkadei kunaweza kupunguza shinikizo la damu kwa wanadamu.

Inapunguza lehemu

Lehemu ya juu ni shida nyingine ya kiafya ambayo huathiri mamilioni ya watu wazima na huchangia magonjwa makubwa kama mshtuko wa moyo na kiharusi. Karkadi inaweza kupunguza viwango vya lehemu kwa kusaidia kudumisha viwango vya lehemu nzuri.

Inasaidia afya ya ini

Karkadi husaidia kuweka ini kuwa na afya. Dondoo hulinda ini kutokana na aina mbalimbali za sumu, uwezekano kutokana na shughuli zake za nguvu za kioksidishaji.

Inaweza kusaidia kupunguza ukuaji wa bakteria

Bakteria ni vijidudu vyenye seli moja ambavyo vinaweza kusababisha maambukizo anuwai, kutoka kwa bronchitis hadi nimonia hadi maambukizo ya njia ya mkojo.

Mbali na kuwa na mali ya vioksidishaji karkadi inaweza kusaidia kulinda dhidi ya maambukizo ya bakteria.

Ni ya ladha na rahisi kutengeneza

Kando na wingi wa faida zake za kiafya, chai ya karkadi ni tamu na ni rahisi kutayarisha nyumbani.

Ongeza tu maua kavu ya karkadi kwenye birika na kumwaga maji ya moto juu ya karkadi. Wacha yatulie kwa dakika tano kisha chuja na uifurahie. Unaweza kuinywa chai ya karkadi ikiwa moto au baridi.