MAPISHI KIKWETU: Pancakes za shayiri, ndizi na iliki

NA MARGARET MAINA

[email protected]

Muda wa kuandaa: Dakika 10

Muda wa mapishi: Dakika 15

Walaji: 2

Vinavyohitaji

vikombe 2 vya shayiri
mayai 2
kikombe 1 cha maziwa
kijiko ½ cha mbegu za iliki
vijiko 2 vya sukari
nazi chache zilizoparwa
ndizi 1 iliyoiva vizuri

Maelekezo

Katika blenda ya chakula, ongeza shayiri. Changanya mpaka zipondeke tu. Ninapendelea yangu iwe sawa kwani ninapendelea kuwa na muundo wa saizi ndogo kwenye pancakes zangu. Pia, kwa kuruhusu shayiri zisiwe laini kabisa, huruhusu mwili wangu kupata nyuzinyuzi, ambazo zina manufaa makubwa.

Weka unga wa shayiri kwenye bakuli. Ongeza nazi yako iliyoparwa na uchanganye.

Ponda iliki yako na uiongeze kwenye bakuli ikifuatiwa na sukari. Changanya hivi vyote hadi vichanganyike sawasawa.

Piga mayai na uyaongeze kwenye bakuli pamoja na maziwa na uchanganye yote ndani. Bila shaka unaweza kurekebisha mgao wa maziwa:shayiri hadi kufikia kiasi unachopenda wewe.

Kutumia shayiri badala ya unga wa ngano ni mbadala mzuri kwa afya ya watu wote lakini ni ujasiri mzuri sana kwa watu walio na ugonjwa wa kisukari kwani husaidia kuweka viwango vya sukari sawa.

Mimina mchanganyiko wako kwenye kikaangio chako. Kabla haujakaa, ongeza vipande vya ndizi kwenye sehemu ya pancake inayokukabili kisha endelea kupika kama kawaida.

Unaweza kutumia matunda mengine yoyote. Shayiri ina vitamini B1 nyingi, zinki na magnesiamu na kuongeza matunda kwa hufanya kuwa lishe tajiri kwa virutubisho.

Acha kila upande uive wa takriban dakika tatu juu ya moto kisha epua.