Okutoyi aanza tenisi ya J2 Cairo kwa ushindi

Okutoyi aanza tenisi ya J2 Cairo kwa ushindi

Na GEOFFREY ANENE

MWANATENISI Angella Okutoyi alianza mashindano ya chipukizi ya daraja ya pili ya Shirikisho la Tenisi Duniani (ITF) ya J2 Al-Solaimaneyah kwa kubwaga Roisin Gilheany kwa seti 2-1 nchini Misri hapo Agosti 30.

Okutoyi, ambaye atamenyana na Mbelgiji Juliette Bovy katika raundi ya pili baadaye Agosti 31, ni msichana pekee Mkenya anayeorodheshwa ndani ya wachezaji 1,400-bora duniani katika nafasi ya 188.

Alimlemea Gilheany (392 duniani) kutoka Australia kwa alama 3-6, 7-6, 6-4 katika raundi ya kwanza naye Bovy akamlemea Mmisri Mariam Ibrahim 6-1, 6-2.

Okutoyi anashiriki mashindano yake ya tatu mfululizo jijini Cairo. Alikamilisha mashindano ya kwanza ya daraja ya tatu J3 Cairo katika hatua ya robo-fainali (Agosti 16-20) na kufika nusu-fainali katika mashindano ya pili ya J3 Cairo (Agosti 23-27).

Akimbwaga Bovy, Okutoyi atapepetana katika robo-fainali na mshindi wa mechi kati ya Mtunisia Feryel Be Hasen na raia wa Urusi Maria Sholokhova.

  • Tags

You can share this post!

Wanaraga Kenya Lionesses warushwa nafasi tatu hadi 28...

CECIL ODONGO: Azma ya Wanjigi ni mbinu ya ODM kupenya Mlima...