Jinsi ya kuandaa milkshake ya tende

• By T L
• November 01, 2021

Na MARGARET MAINA

[email protected]

Muda wa kuandaa: Dakika 10

Wanywaji: 3

Vinavyohitajika

• tende 20
• maziwa glasi 1 na nusu
• karanga zilizosagwa robo kikombe
• siki ya tufaha robo kifuniko cha chupa yake
• maji ya ufufutende kikombe ½

Maelekezo

Toa mbegu kwenye tende upate nyama ya tende tu.

Weka kwenye jagi la blenda nyama za tende. Mimina maji kwenye blenda halafu acha tende ziloane kwa dakika kadhaa.

Weka maziwa kwenye jokofu.

Saga tende zako taratibu mpaka zisagike vizuri.

Mimina karanga kwenye jagi. Weka siki ya tufaha.

Mimina maziwa kwenye jagi lenye tende.

Saga mchanganyiko wako taratibu mpaka usagike vizuri.

Ikichanganyika vizuri, mimina kwenye glasi tayari kwa kunywewa.

Unaweza kuinywa milkshake yenyewe au na kitafunio chochote ukipendacho.

Tanbihi:

Usiache maziwa yakaganda hadi kuwa barafu ngumu. Yakifanya chenga tu inatosha kabisa.

Hakikisha unaondoa mbegu za tende vizuri.

• Tags