Wanaotaka ugavana wamsuta Wetang’ula kupendekeza Lusaka

Wanaotaka ugavana wamsuta Wetang’ula kupendekeza Lusaka

Na BRIAN OJAMAA

WANASIASA wanaolenga kuwania ugavana Kaunti ya Bungoma, wamemtaka Seneta Moses Wetang’ula, kukoma kuelekeza wakazi kuhusu mgombea wanayefaa kuchagua katika Uchaguzi Mkuu mwaka 2022.

Wakiongozwa na Bw Zacharia Baraza, walilalama kuwa watu ambao wamekuwa wakipendekezwa kwa wadhfa huo hugeuka kuwa watepetevu katika utendaji kazi wao.

Akiongea Jumatatu mjini Bungoma, Bw Baraza alisema wakazi wanafaa kuachwa wajiamulie wawaniaji wa ugavana wanaowataka.

“Mnamo 2013, Wetang’ula alimleta Spika wa sasa Seneti, Bw Ken Lusaka kwa sababu waligawana vyeo katika kaunti kwa usawa. Baadaye alimtupa mnamo 2017 na akamleta Bw Wycliffe Wangamati ambaye tena amemtelekeza kwa kuamua kuunga mkono Bw Lusaka,” akaeleza Bw Baraza.

Mwanasiasa huyo, alidai Bw Wetang’ula ndiye wa kulaumiwa kwa ukosefu wa maendeleo katika Kaunti ya Bungoma “kwani huleta magavana wasio wachapa kazi.”

You can share this post!

Ni hatia kumsingizia mtu kuwa mchawi

Turkana kifua mbele katika usajili wa kura

F M