Marudiano kwenye raundi za tatu na nne katika Kombe la FA yafutiliwa mbali

By T L
December 20, 2021

Na MASHIRIKA

MARUDIANO ya mechi za raundi za tatu na nne katika Kombe la FA yamefutiliwa mbali msimu huu ili kupunguza mrundiko wa mechi ambazo zimeahirishwa kwa sababu ya janga la corona.

Baadhi ya mechi za Ligi Kuu ya Uingereza (EPL) na za daraja za chini ziliahirishwa wikendi iliyopita baada ya visa vya maambukizi mapya ya corona kuripotiwa. Katika kampeni za msimu wa 2020-21, hakuna marudiano yaliyofanyika katika raundi zote za Kombe la FA ili kupunguza presha iliyochangiwa na corona kwenye kalenda ya soka.

Mechi za raundi ya tatu kwenye Kombe la FA msimu huu zimepangiwa kufanyika kati ya Januari 7-10, 2022. Fainali itaandaliwa mnamo Mei 14 ugani Wembley.