Na GEOFFREY ANENE

WENYEJI Misri walifungua kampeni yao kwenye Kombe la Afrika (AFCON) kwa kupepeta Zimbabwe 1-0 katika mechi ya kusisimua ya kuanza makala haya ya 32 jijini Cairo, Ijumaa usiku.

Kiungo wa Kasimpasa, Mahmoud Ahmed Ibrahim Hassan almaarufu Trezeguet alifunga bao lililotofautisha washindi na washinde baada ya kubadilishana pasi na beki wa Alh Ahly, Ayman Ashraf kabla ya kumwaga kipa Edmore Sibanda kupitia kiki safi.

Mwanasoka bora wa Afrika mwaka 2017 na 2018 Mohamed Salah alisakata zote dakika 90 za mchuano huu ulioshuhudia Misri ikitawala idara zote muhimu zikiwemo umilikaji wa mpira asilimia 59, makombora 16-11, makombora yaliyolenga goli 9-2, korna 7-2, pasi 534-364 na pasi zilizokamilishwa 433-273.

Kasi ya Misri iliitatiza sana Zimbabwe, ambayo pia ilipata nafasi moja nzuri, lakini Mohammed El Shenawy alimnyima Khama Billiat baada ya kusoma mshambuliaji huyu aliyekuwa amebaki pekee yake na kipa huyo Mmisri kutokana na ikabu iliyopigwa kwa haraka.

Mashabiki walifurika katika uwanja wa Cairo International unaobeba mashabiki 74, 100.

Mechi ilikuwa ya Kundi A, ambalo pia linajumuisha majirani DR Congo na Uganda. Leopards ya DR Congo na Cranes ya Uganda zitakabiliana jijini Cairo leo Jumamosi.

Mechi za kundi B kati ya Nigeria na Burundi pamoja na ile inayokutanisha Guinea na Madagascar pia ni leo mjini Alexandria.

Timu                         P   W   D   L   F   A   GD   Pts

Kundi A

Egypt                        1     1     0   0    1    0  +1   3

DR Congo                0    0    0   0   0    0    0    0

Uganda                    0     0   0    0   0   0    0    0

Zimbabwe               1    0   0   1    0   -1      0    0

Kundi B

Nigeria                    0   0   0   0   0   0   0    0

Guinea                    0   0   0   0   0   0   0    0

Madagascar           0    0    0     0    0     0   0

Burundi                  0   0    0   0   0   0    0   0

Kundi C

Senegal                   0  0  0   0   0   0   0    0

Algeria                    0   0   0   0   0   0   0   0

Kenya                      0    0    0   0   0   0   0   0

Tanzania                 0   0   0   0   0   0   0   0

Kundi D

Morocco                   0   0   0   0   0   0   0   0

Ivory Coast              0   0   0   0   0   0   0   0

South Africa            0   0   0   0   0   0   0   0

Namibia                   0   0   0   0   0   0   0   0

Kundi E

Tunisia                     0    0   0   0   0   0   0   0

Mali                           0   0   0   0   0   0   0   0

Mauritania               0   0   0   0   0   0   0   0

Angola                       0   0   0   0   0   0   0   0

Kundi F

Cameroon                 0   0   0   0   0   0   0   0

Ghana                        0   0   0   0   0   0   0   0

Benin                         0   0   0   0   0   0   0   0

Guinea-Bissau         0   0   0   0   0   0   0   0