Mbunge apinga uvumi kwamba anaunga Jumwa mkono
MBUNGE wa Kilifi Kaskazini, Bw Owen Baya, amejitenga na uvumi kwamba atamuunga mkono aliyekuwa Waziri wa Jinsia, Bi Aisha Jumwa, kuwania ugavana katika Uchaguzi Mkuu wa 2027.
Kulingana na Bw Baya, msimamo wake wa kumuunga mkono Gavana Gideon Mung’aro wa ODM ungali thabiti.
Alisisitiza kuwa Chama cha UDA kimenuia kuweka makubaliano ili kumuunga mkono Bw Mung’aro kwa pamoja katika uchaguzi ujao.
“Sisi tuko broad-based (serikali jumuishi). Hakuna nafasi kwa wanafiki na wanachama wasio waaminifu ambao dai lao pekee la kutaka mamlaka ya kisiasa ni kupiga picha nami kwenye mazishi na kuzichapisha ili kujifanya wanakubalika,” akasema kwenye taarifa.