MWAKA mmoja baada ya kifo cha Raila Odinga, wengi wanajiuliza iwapo familia ya Jaramogi Oginga Odinga itaendelea kudumisha ufalme na kudhibiti siasa za nchi.

Kofia aliyobeba bintiye Winnie kutoka India, alikofariki Raila, imekuwa ishara ya urithi huo. “Mfalme amekufa, lakini taji linaishi,” alisema wakati wa mazishi ya baba yake.

Hata hivyo, swali ni nani atakayestahili kulivaa.

Familia ya Odinga, chama cha ODM na wafuasi wa Raila ni sehemu tatu za urithi wake, lakini hakuna inayohakikisha moja kwa moja uthabiti wa nyingine.

Winnie amejitokeza kama mmoja wa wanaowania kuendeleza urithi huo, lakini bado anahitaji kuungwa mkono na wajumbe wa chama, viongozi waliochaguliwa na wapangaji mikakati ya kisiasa.  Ndugu yake Raila Junior naye ana mipango yake ya kisiasa, huku kutokuwepo kwake katika hafla ya kumtambua Winnie kama mrithi wa kisiasa kukizua maswali kuhusu mshikamano wa familia.

Wakati huo, ami yao Dkt Oburu Oginga amekuwa akiongoza ODM, lakini wakosoaji wanahoji iwapo anaweza kukiunganisha chama na kukiandaa kwa uchaguzi wa 2027.

Ushirikiano wa ODM na serikali ya Rais William Ruto pia umeibua mgawanyiko miongoni mwa wafuasi wa Raila.

Ili ufalme wa Odinga udumu, ODM inahitaji uchaguzi wa haki wa viongozi, uteuzi wa wagombeaji ulio wazi na nafasi ya maoni tofauti.