SWALI: Kwako shangazi. Nimeolewa na tuna watoto wawili. Ninashuku mume wangu ana uhusiano wa kimapenzi na mfanyakazi wetu wa nyumbani. Anapenda kusifia sana kazi yake na hata anapendekeza tumuongeze mshahara. Waonaje?

Jibu: Nahisi unamshuku bure mume wako. Si vibaya kwake kusifia kazi nzuri ya mfanyakazi wenu na mtu akifanya kazi nzuri anastahili mshahara bora. Tafuta ushahidi wa kutosha. Hata hivyo, hisia zako zina ujumbe. Kama kuna mabadiliko mengine yanayoambatana na hilo kwa mfano mume wako kukaa nyumbani bila sababu, kumtetea mfanyakazi kupita kiasi, au kukosa mipaka inayofaa kati yao basi hapo ni busara kuwa makini zaidi.

IMETAYARISHWA NA WINNIE ONYANDO