Ratiba ya SportPesa Shield baada ya timu 5 kujiondoa

Na GEOFFREY ANENE

KLABU za Mathare United, Chemelil Sugar, Zoo Kericho, Thika United na Nakumatt kutoka Ligi Kuu zimesusia mashindano ya soka ya Kombe la Ngao yanayofahamika sasa kama SportPesa Shield.

Sababu ya klabu hizi kutokuwa makini na kombe hili linalotumika kuchagua mwakilishi wa Kenya katika Kombe la Mashirikisho la Afrika (Confederations Cup) haijabainika wazi.

Hata hivyo, burudani hili linatarajiwa kuwa moto baada ya klabu zingine 13 kutoka Ligi Kuu kutoa ithibati ya kushiriki.

Klabu hizo ni AFC Leopards (mabingwa watetezi), Bandari, Tusker, Posta Rangers, Kakamega Homeboyz, Ulinzi Stars, Nzoia Sugar, Vihiga United, SoNy Sugar, Wazito, Kariobangi Sharks, Gor Mahia na Sofapaka.

Mshindi Kombe la Ngao huzoa Sh2 milioni na kuingia Confederations Cup. Leopards inatetea taji ililonyakua baada ya kulipua Kariobangi Sharks 2-0.

Ratiba (SportPesa Shield):

Mwatate United vs Fortune Sacco

Ushuru FC vs Nunguni FC

Bandari FC vs Berlin FC (Garissa)

Tusker FC vs Taita Taveta FC

Leysa FC vs Emmausians (Tana River)

KCB FC vs Nanyuki All Stars

Sofapaka FC vs Re-Union

Equity Bank FC vs Baba Dogo United

Naivas FC vs Friend Zone FC

Zetech University vs Tandaza FC