Habari za Kitaifa

Mshangao watahiniwa 23 wa KPSEA wakifanyishwa mtihani feki Eldoret

Na BARNABAS BII October 30th, 2024 Kusoma ni dakika: 1

HATIMA ya watahiniwa 23 wa mtihani wa Gredi ya Sita (KPSEA) katika Kaunti ya Uasin Gishu haijulikani baada ya kubainika kwamba walikalia mtihani feki.

Shule hiyo, Silver Bells Academy eneo la Kimumu, Eldoret haikuwa imesajiliwa na Baraza la Mitihani ya Kitaifa, Knec.

Wazazi wa wanafunzi katika Silver Bells Academy, Eldoret wahadithia kuhusu kisa ambapo wanafunzi walipewa mtihani feki wa KPSEA. Picha|Jared Nyataya

Sasa imebainika kwamba ‘mitihani’ waliyokalia tangu Jumatatu kumbe ni karatasi za mwaka jana zilizotolewa fotokopi.

Kikosi cha maafisa wa Wizara ya Elimu na Idara ya Upelelezi wa Jinai, DCI, kilivamia shule hiyo na kukamata wakurugenzi wawili wa shule hiyo.

Afisa wa DCI amnyaka mshukiwa wa mtihani feki wa KPSEA katika Silver Bells Academy, Eldoret, Jumatano. Picha|Jared Nyataya

Mtihani wa KPSEA umekamilika leo Jumatano ambapo watahiniwa zaidi ya milioni waliukalia kote nchini.

MAONI: Ruto si Zakayo, wa Biblia alikuwa msikiza ushauri