Mwanafunzi ajiua mamake kumkera kwa kudai anagawa uroda kijijini

Na CHRIS ADUNGO na GERALD BWISA

MWANAFUNZI wa darasa la sita katika kaunti ya Trans Nzoia alijitia kitanzi baada ya mama yake kudai alikuwa na mazoea ya kushiriki ngono na wavulana kijijini.

Mercy Gathoni, ambaye ni mwanafunzi katika Shule ya Msingi ya Tuwani, alipatikana akining’inia kwa paa ya chumba chake cha kulala alichokodisha katika kitongoji cha Tuwani Jumapili jioni.

Naibu wa chifu, Jackline Sitoya alisema kuwa mwanafunzi huyo wa miaka 13 aliacha kijikaratasi kwa kitanda chake kilichosema kuwa alijitoa uhai kwa kuwa mamaye alikuwa akimsingizia kushiriki tendo la ndoa  na wavulana wa kijiji hicho.

“Mwanafunzi huyo alikorofishana na mamaye baada ya kushuku kuwa mwanawe alikuwa akiwalisha uroda wavulana kijijini, jambo ambalo lilimkera Gathoni,” akaambia Taifa Leo.

Mamaye hakuwepo wakati kisa hiki kilitendeka. Mwili wake ulipelekwa katika mochari ya Hospitali ya Kitale.

 

Gor kuchuana na Kakamega Homeboyz ‘tarehe nyingine’

Na CHRIS ADUNGO

MECHI ya KPL ya Gor Mahia dhidi ya Kakamega Homeboyz imeahirishwa baada ya Gor kuendelea kushiriki katika mashindano ya CAF Confederation Cup.

Mechi hiyo iliyopangiwa kuchezwa Jumamosi Aprili 14 imeahirishwa hadi tarehe nyingine. Hii ni kulingana na ujumbe kwenye Twitter uliowekwa na kampuni ya Ligi Kuu ya Kenya (KPL).

“Kutokana na ratiba ya timu ya Gor Mahia, mechi yake dhidi ya Kakamega Homeboyz iliyoratibiwa kuchezwa Aprili 14 imeahirishwa. Tarehe mpya itatolewa hivi karibuni.”

Vijana wa Dylan Kerr waliizima Super Sport United 1-0 katika raundi ya kwanza ya kufuzu kwa CAF Confederation Cup mechi ya makundi Aprili 8, na sasa ni zamu yao kusafiri jijini Pretoria, Afrika Kusini hapo Jumanne Aprili 17.

Kabla ya safari hiyo, Gor wataumiza nyasi dhidi ya Wazito FC ugani Machakos Aprili 11 katika mechi ya KPL. Ushindi dhidi ya Wazito utapunguza mwanya kati yao na Mathare United hadi pointi moja.

 

John Baraza sasa kuwaongoza ‘Batoto Ba Mungu’

Na CHRIS ADUNGO

MCHEZAJI wa zamani wa Harambee Stars John Baraza amepata nafasi ya pili kuongoza kikosi cha Sofapaka baaada ya kocha Sam Ssimbwa kujiuzulu. Taarifa kutoka kwa klabu hiyo imethinitiha haya.

Taarifa hiyo inasema kuwa Baraza, ambaye alipata ufanisi akiichezea ‘Batoto ba Mungu’, atakuwa kocha mkuu wa muda hadi pale klabu hiyo itapata kocha wa kudumu katikati ya msimu.

Baraza, ambaye alishinda ubingwa wa Ligi Kuu ya Kenya mnamo 2009, alichangia pakubwa timu hiyo kuponea 2016 wakati ilipitia wakati mgumu ligini na kupewa nafasi ya naibu kocha mkuu baada ya SSimbwa kuwasili Januari 2017 kutoka Uganda.

“Sofapaka ingependa kutangaza kuwa kocha kutoka Uganda Sam Ssimbwa alijiuzulu akilalamikia matokeo duni ya timu na kulemewa kuiletea ushindi.

“Nafasi ya Ssimbwa itachukuliwa na John Baraza kwa muda, hadi katikati ya msimu ambapo uongozi wa klabu utatathmini matokeo ya timu na kikosi cha ufundi. Baraza amekuwa naibu kocha wa timu hii,” ataarifa hiyo ilisema.

 

 

Lazima tuzime mashambulizi ya Liverpool, asema Guardiola

Na CHRIS ADUNGO

MAN City wanaikaribisha Liverpool uwanjani Etihad kujaribu kubadilisha kibao cha ushindi wa 3-0 wa vijana wa Jurgen Klopp ugani Anfield.

Lakini ikiwa wenyeji hao watapigwa bao moja tu na Liverpool, watajua itawabidi wafunge mabao matano ili kufuzu kwa nusu fainali.

Na kocha wao Pep Guardiola anajua uzito wa kazi iliyopo Jumanne usiku akiwa mzoefu wa michezo ya Klabu Bingwa Ulaya.

“Ili kufuzu, unafaa kucheza soka safi bila makosa” akasema kocha huyo katika kikao na wanahabari Jumatatu.

“Tunahitaji kuunda nafasi za kufunga na kuhakikisha tumezima nafasi ya kufungwa. Mashambulizi ya Liverpool lazima tuyakabili kikweli.

“Tuna dakika 90 pekee na chochote cheza kutokea. Tunakachofanya ni kujaribu kushinnda.

 

“Tutafikiria kuhusu idadi ya mabao tutakayofunga baada ya kupata bao la kwanza.”

Naye kiungo mkabaji wa timu hiyo Fernandinho amesema ni jukumu lake pamoja na wachezaji wazoefu kuiinua Man City ambayo imepokea vichapo viwili ndani ya siku nne kwa mara ya kwanza msimu huu.

“Imekuwa wiki ngumu kwetu, vichapo viwili, lakini haya kwa sasa ni ya kale,” akasema Mbrazili huyo na kuongeza kuwa ili washinde, lazima wawe na matumaini.

Msiidhalilishe Man City, Klopp aonya

Na CHRIS ADUNGO

KIPIGO cha 3-0 kwenye robo fainali za Klabu Bingwa Ulaya kilitangulia kingine cha 3-2 kwenye debi ya Manchester baada ya kuongoza katika kipindi cha kwanza kwa goli mbili mtungi.

Hata hivyo, licha ya Liverpool kupigiwa upatu kuingia nusu failnali baada ya mechi ya marudiano ugani Etihad Jumanne usiku, kocha Jurgen Klopp hajabadilisha mtazamo wake kuhusu timuwatakayochuana nayo.

 

Alipoulizwa iwapo Man City walikuwa wepesi wa kuachilia mabao kuingia kwa lango lao, Mjerumani huyo alisema: “La hasha, sidhani kitu kama hicho.

“Wamekuwa na msimu bora zaidi lakini wao ni binadamu, shukuru Mola. Wamekuwa na matokeo mawili ambayo labda hakuna aliyetarajia.

“Man United walikuwa na bahati, katika kipindi cha kwanza, Man City wangefunga mabao sita na Man United hawakuwa na mechi ya katikati ya wiki, nayo City ilifanya mageuzi ya kikosi.

“Walipotupiga 5-0 mwanzoni mwa msimu, kila mtu alijionea makali ya City hata kama tulikuwa na kadi nyekundu. Wana kocha bora zaidi ulimwenguni.

“Ni kweli ni wazuri lakini hakuna mechi bila kufanya makosa duniani. Mchezo huu haukuruhusu kuwa bora kiasi cha kutofanya makosa.”

 

“Sidhani Barcelona wanafikiri kuwa washafika nusu fainali baada ya kupiga Roma 4-1, kwa kuwa hii ni soka na una nafasi ya kujinyayua na kupata ushindi.

“Man City wana nafasi ya kuingia nusu fainali. Watu wengi wanafikiri Liverpool inafuzu lakini wanaweza kupoteza. Pia tuna nafasi ya kushinda,” amesema kocha huyo.

 

FBI wavamia ofisi ya wakili wa Trump kuhusu ulaghai na filamu za ngono

Na CHRIS ADUNGO

WASHINGTON, AMERIKA

KIKOSI maalum cha polisi, FBI kimevamia ofisi ya wakili wa kibinafsi wa Rais Donald Trump,  Michael D. Cohen (pichani) katika Kituo cha Rockefeller usiku wa kuamkia Jumanne na kutwaa rekodi za biashara, baruapepe na stakabadhi kuhusu mada mbalimbali ikiwemo malipo ya filamu za ngono.

Lakini Rais Trump katika mrejesho wake wenye ghadhabu, alikejeli hatua hiyo baada ya kuibuka kuwa ofisi hiyo ilivunjwa ili kumchunguza wakili huyo kuhusu madai ya ulaghai wa benki.

Bw Trump aliisuta Idara yake ya Haki akisema hatu ahiyo inaongozwa na lengo fiche na kusisitia kuwa maafisa wa F.B.I ‘walivunja’ ofisi ya Bw Cohen.

Rais huyo aliyeongea katika ofisi yake ya White House, kabla ya ya kukutana na makamanda wa ngazi ya juu kuhusu uwezekano wa Amerika kuvamia Syria, alitaja uvamizi wa F.B.I kuwa “kitendo cha aibu” na “shambulizi la kikweli dhidi ya nchi yetu.”

Haijabainika iwapo maafisa hao walijitoma ndani ya ofisi ya Bw Cohen, lakini maajaenti hao walikuwa na kibali cha kuchakura ofisi hiyo, na hivyo wangewaarifu wafanyakazi wa hoteli hiyo kuwakubalia kuingia.

Stakabadhi zinaonyesha kibali hicho kilitolewa miaka mingi iliyopita.

Malipo yaliyotolewa kwa muigizaji wa filamu za ngono, Stephanie Clifford, anayejulikana kama Stormy Daniels, ni moja kati ya mda nyingi ambazo zinachunguzwa na FBI.

Kibali hicho ni mojawapo ya mbinu zinazotumiwa na viongozi wa mashtaka kuingilia biashara za siri za Rais Trump, na kinamkosesha usingizi.

 

SHANGAZI: Kila niendapo kwa duka lake, hulalama kuhusu mumewe

Mimi ni kijana na nilioa miaka mitatu iliyopita. Nina mtoto mmoja. Tatizo ni kwamba, kuna mwanamke mwenye biashara ya nguo. Niendapo kununua wakati ninapotoka, yeye huniandama na kunilalamikia kuhusu mume wake. Nifanyaje?
Kupitia SMS

Watu hulemewa na matatizo na huwa wanatafuta jinsi ya kutua mzigo wa mawazo na hofu. Hivyo labda huyu dada ameona unaweza kumsikiliza na kumsaidia kutua aliyo nayo. Hata hivyo ni muhimu kuwa mwangalifu ili usijipate umetekwa kimapenzi. Ni vizuri kufafanua kwake kwamba nia yako ni kumsikiliza na labda kumpa usaidizi wa kupata suluhu na wala sio vinginevyo.

 

Natafuta mke wa mtu
Naitwa Maguta kutoka Narok. Nina mke na watoto wawili. Natafuta wanawake wanene na pia wake za watu. Aliye tayari ajitokeze. Kupitia SMS

Nadhani unatamani kupigwa, ama umechoka kuishi.

 

Nashuku nina mimba
Mimi ni msichana wa umri wa miaka 24. Nina mume ambaye nikilala naye natokwa na maji na nina mimba ya miezi sita. Niko Mombasa. Kupitia SMS

Unapokuwa mjamzito ni muhimu mno kuwa makini na kinachoendelea mwilini mwako hasa inapohusu burudani. Siwezi kujua kwa uhakika kama hali hiyo ni kawaida ama la. Bali itakuwa vyema umuone daktari,akuangalie na akupatie jibu la kitaalamu. Kwa sasa pumzisha burudani na mumeo hadi utakapomuona daktari.

 

Namtafuta kidosho
Mimi ni kijana wa umri wa miaka 25. Natafuta mpenzi. Awe anajiweza na umri wa miaka 30. Awe Muislam hasa Muarabu. Kama uko jitokeze.
Mohamed. Mombasa. Kupitia SMS

Natumaini unayemtafuta atajitokeza.

 

Ninachukia wanaume
Nina umri wa miaka 19. Sina mpenzi na wanaume watatu wananiandama. Nawachukia wanaume. Je, hii ni sababu ya kukosa mpenzi? Nifanyaje waache kunifuata? Kupitia SMS

Inawezekana pia umri wako unachangia pakubwa hiyo chuki uliyo nayo kwa wanaume. Ingawa pia inaweza kuwa mambo yaliyokutokea wakati unakua ama yale ambayo uliyashuhudia kuhusiana na wanaume. Jipatie wakati ukue, ukomae zaidi.

 

Kuna dawa ya chuma?
Chuma changu ni nchi nne unusu. Je, ni kidogo? Na kuna dawa? Kama ipo inaitwaje? Niipate wapi? Hussein Ali. Umri wangu ni miaka 24.
Kupitia SMS

Haya maswali yako ni kama ya afisa wa upelelezi. Huna haja ya kujiuliza haya yote, bali unatakiwa kulenga mbinu na jinsi za kutumia ulicho nacho kumfurahisha mwenzako. Kwani raha ya mapenzi sio ukubwa wa chuma, bali mbinu za kukitumia.

 

Niko tayari kumwoa
Nina umri wa miaka 20. Jina langu ni Bihija. Niko tayari kuishi na Twaha. Kupitia SMS

Natarajia huyo mwenzako amesikia mwitikio wako.

 

Nampenda lakini hajui
Naitwa James kutoka Thika. Kuna mrembo ninayempenda sana lakini sijamwambia. Kwani yuko sekondari na nataka kumpa muda amalize. Lakini naogopa atapatwa na mwingine.
Kupitia SMS

Kama kweli unampenda, mpatie nafasi amalize masomo, kabla ya kuchafua akili yake na masuala ya mahaba.
Naogopa lakini namtaka

 

Naogopa wa kando sababu nimeokoka
Nimeolewa na nina mtoto mmoja wa kike. Mume wangu ananipenda sana. Lakini kuna jamaa ana mke na mtoto mmoja alinipenda. Lakini hatujakutana kimwili. Tatizo ni kwamba naogopa sababu nimeokoka lakini nisipoona sura yake sina raha.
Kupitia SMS

Majaribu na vishawishi ni kawaida katika ndoa na hata mahusiano. Tofauti inakuja jinsi unavyosuluhisha roho yako na uweze kuishi na amani. Kitu gani hasa unachokosa kwa mumeo ambacho unadhani utakipata ukienda nje. Labda hilo ndilo swali kubwa la kujiuliza na ujijibu na kisha uamue.

 

Ana wivu ajabu
Nimeolewa na mume wangu ana mwanamke pembeni. Na akiniona na mwanaume anakasirika. Niko Mombasa.
Kupitia SMS

Ina maana mmeoana na nyote wawili mnachakachua nje? Hii ni ndoa ama maradhi?

 

Ni ugonjwa ama nini?
Mimi nina mke na umri wangu ni miaka 22. Nikirushana roho ni raundi moja tu. Huu ni ugonjwa ama uzima? Kupitia SMS

Kwa kweli hapo mwanangu siwezi kujua. Wewe wajielewa na mwili wako vyema zaidi.

 

Rais wa zamani aanza kutumikia kifungo cha miaka 12 katika jela

Na AFP

RAIS wa zamani wa Brazil, Luiz Inacio Lula da Silva, alianza siku yake ya kwanza kutumikia kifungo cha miaka 12 gerezani Jumapili. 

Ingawa marais wengi waliowahi kuongoza Brazil wamekuwa wakikumbwa na matatizo ikiwemo kung’atuliwa mamlakani kupitia uamuzi wa bunge au mapinduzi, na kisa kimoja cha rais kujitoa uhai, Lula ni wa kwanza kuwahi kuhukumiwa kwa ufisadi na kufungwa jela.

Makao yake mapya sasa ni ya ukubwa wa futi 160 kwa mraba pekee, katika makao makuu ya idara ya polisi yaliyo Curitiba, jiji la kusini mwa nchi ambapo upelelezi kumhusu ulikuwa ukifanywa hadi alipokamatwa.

Lula alipatikana na hatia mwaka uliopita kwa kuchukua jumba la kifahari kama hongo kutoka kwa kampuni ya ujenzi, ingawa anasema hukumu yake si ya haki.

Rais huyo aliyehudumu kwa awamu mbili kuanzia mwaka wa 2003 hadi 2011, aliwasili gerezani Jumamosi jioni kwa helikopta iliyotua kwenye paa la makao makuu ya polisi Curitiba.

Wakati helikopta ilipokuwa ikitua, waandamanaji nje ya jengo hilo waliwasha fataki huku polisi wa kupambana na ghasia wakiwarushia gesi ya kutoza machozi, na kupelekea hewa kujaa moshi na milio ya vilipuzi.

Watu wanane walipata majeraha madogo katika maandamano hayo, ikiwemo mmoja ambaye alipigwa risasi ya mpira, kwa mujibu wa idara ya zimamoto.

Lula, ambaye licha ya sakata zinazomkumba anaongoza kwenye kura za maoni kuhusu uchaguzi wa urais wa Oktoba, alijaribu kufanya hukumu yake icheleweshwe kwa kuwasilisha msururu wa rufaa katika Mahakama Kuu ya Brazil mnamo Jumatano iliyopita.

Wakati hatua hiyo ilipogonga mwamba, alianza kuzozana na maafisa wa serikali katika mtaa wa Sao Bernardo do Campo anakotoka, viungani mwa Sao Paulo.

Huku akiwa amezingirwa na maelfu ya wafuasi katika jumba la chama cha wafanyakazi wa vyuma, alipuuza agizo la mahakama lililomtaka ajisalimishe Ijumaa.

Ilipofika Jumamosi, alikubali kupelekwa jela, lakini msafara wake ukazuiliwa na wafuasi wake ambao walikuwa wakiwika “usijisalimishe, baki hapa Lula!”.

Ilibidi ashuke kwenye gari akazingirwa na walinzi na kutembea hadi kwenye gari la polisi ambalo lilimpeleka katika uwanja wa ndege wa Sao Paulo, na kusafirishwa hadi Curitiba.

Hata hivyo, seli alimofungwa ina mandhari bora ikilinganishwa na zingine, ikiwemo bafu ya kibinafsi yenye maji moto na choo.

Wazazi watakiwa kuripoti visa vya watoto kunajisiwa na watu wa familia

NA KALUME KAZUNGU

IDADI ya visa vya watoto wadogo wanaonajisiwa kwa kubakwa na kulawitiwa katika kaunti ya Lamu inaibua maswali mengi.

Kwa mujibu wa Shirika la Kutetea Haki za Waislamu (MUHURI) tawi la Lamu, zaidi ya watoto 10 hudhulumiwa kingono kila mwezi bila ya waathiriwa kupata haki.

Katika mahojiano ya kipekee na Taifa Leo Jumatatu, maafisa wa MUHURI walisema cha kusikitisha zaidi ni kwamba watoto wengi wanaopitia madhila hayo huishia kufichwa na wazazi badala ya visa hivyo kuangaziwa ili waadhiriwa wapate haki.

Afisa Mkuu wa MUHURI eneo hilo, Bi Ummulkher Salim, alisema aghalabu wanaotekeleza vitendo hivyo kwa watoto husika ni wale wa uhusiano wa karibu, ikiwemo wajomba, mabinamu na pia akina baba wa watoto hao.

Alitaja sehemu za Tchundwa, Kiunga, na mji wa kale wa Lamu kuwa miongoni mwa maeneo ambapo visa vya ubakaji na ulawiti wa watoto wadogo vinaendelezwa kisiri.

Mwenyekiti wa CIPK tawi la Lamu, Ustadh Abubakar Shekuwe. Amelaani vikali ubakaji na ulawiti wa watoto eneo la Lamu, akisema vitendo hivyo ni kinyume cha dini. Ataka wahalifu kuadhibiwa kwa mujibu wa sheria. Picha/ Kalume Kazungu

Kwa mujibu wa Bi Salim, wazazi wamekuwa wakichangia pakubwa kukithiri kwa vitendo hivyo kutokana na kwamba wengi wao hukimbilia kutatua uhalifu huo kijamii badala ya kuwaripoti wahalifu ili wakabiliwe na mkono wa sheria.

“Ni masikitiko makuu kwamba watoto wengi hapa Lamu wamekuwa wakibakwa na kulawitiwa. Cha ajabu ni kwamba watu wa ukoo ndio mara nyingi hutekeleza vitendo hivyo. Hii ndiyo sababu wazazi wanakimbilia kutatua matatizo hayo kijamii badala ya kuhakikisha wahalifu wamekabiliwa na mkono wa sheria,” akasema Bi Salim.

Naye Naibu Afisa wa MUHURI eneo la Lamu, Bw Ali Habib, alisema shirika hilo tayari limeanzisha mpango wa kufadhili kesi kwa waathiriwa wa vitendo hivyo.

Kulingana na Bw Habib, wazazi wa waathiriwa au waathiriwa wenyewe wanahimizwa kuripoti visa hivyo kwa ofisi ya MUHURI ili hatua za kisheria zichukuliwe haraka dhidi ya wanaotekeleza vitendo hivyo.

Naibu Afisa wa MUHURI tawi la Lamu, Ali Habib wakati wa mahojiano na Taifa Leo ofisini mwake. Picha/ Kalume Kazungu

Wazazi wapige ripoti 

“Lengo letu kama MUHURI ni kuhakikisha haki imepatikana kwa watoto wanaofanyiwa unyama huo. Tunawahimiza  wazazi wa watoto husika kupiga ripoti kwa ofisi yetu.

Kama shirika, tutachukua malalamishi yao kisiri bila ya kumtaja yeyote atakayeripoti kwetu. Tuko tayari kudhamini kesi kama hizo na kuona kwamba haki imepatikana na visa hivyo vinakomeshwa kabisa eneo la Lamu,” akasema Bw Habib.

Wakati huo huo, Baraza la Maimamu na Wahubiri wa Kiislamu (CIPK) tawi la Lamu limelaani vikali vitendo hivyo dhidi ya watoto eneo hilo.

Mwenyekiti wa CIPK tawi la Lamu, Ustadh Abubakar Shekuwe aidha alipinga vikali madai kwamba kutoripotiwa kwa visa kama hivyo kunatokana na utamaduni wa kale pamoja na misingi ya dini ya kiislamu kwa wakazi wa Lamu.

Aliwashauri wazazi kutowaficha majumbani watoto wao punde wanapodhulumiwa.

“Kubakwa au kulawitiwa kwa watoto ni kinyume kabisa cha dini. Wanaotekeleza uhalifu huo sharti waandamwe kisheria. Dini inakataza zinaa na kufanywa kwa vitendo kama hivyo kwafaa adhabu kali,” akasema Ustadh Shekuwe.

ADUNGO: Chini ya Klopp, Liverpool inaweza kufanya lolote katika soka ya Uingereza na hata Ulaya nzima

Na CHRIS ADUNGO

INGAWA Manchester City walipigiwa upatu kunyakua jumla ya mataji matatu msimu huu, inaelekea kwamba kikosi hicho cha Pep Guardiola kitalazimika kuridhika na ufalme wa soka ya Uingereza na ubingwa wa League Cup pekee.

Hii ni baada ya Liverpool kudidimiza yake katika soka ya bara Ulaya (UEFA) kwa kichapo cha 3-0 katika mchuano wa mkondo wa kwanza wa robo-fainali za kivumbi hicho wiki iliyopita.

Ingawa Man-City wamekuwa na msimu mzuri ambao umewashuhudia wakicheza mpira wa kuvutia tangu mwanzo wa msimu hadi kufikia sasa, miamba hao wa Uingereza wana nafasi finyu ya kufikia nusu-fainali za UEFA msimu huu.

Ili kuweka hai matumaini ya kuwabwaga Liverpool katika marudiano ya UEFA wiki hii, ilitarajiwa Man-City wangalijituma zaidi na kuwakomoa watani wao Manchester United katika gozi la EPL lililowakutanisha mwishoni mwa wiki jana uwanjani Etihad.

Hata hivyo, utepetevu wa Man-City uliwaruhusu wageni wao kutoka nyuma kwa mabao 2-0 na hatimaye kuwabamiza 3-2 kwenye gozi hilo la kusisimua.

Wanapojiandaa kuwalaki Liverpool kesho, Man-City wana kibarua kigumu cha kujinyanyua baada ya makali yao kuzimwa na Man-United katika mchuano uliokuwa wa pili mfululizo kwa vijana wa Guardiola kupoteza msimu huu.

Kwa kuwalaza Man-City kwa idadi kubwa ya mabao, Liverpool ni mpinzani ambaye kwa sasa amedhihirisha kuwa ana uwezo mkubwa wa kunyanyua ufalme wa UEFA na hastahili kupuuzwa.

Ingawa Man-City iliwadhalilisha Liverpool katika mechi ya EPL mwanzoni mwa msimu huu kwa kichapo cha 5-0 ugani Etihad, kikosi cha kocha Jurgen Klopp kwa sasa ni timu tofauti kabisa. Chini ya mkufunzi huyo wa zamani wa Borussia Dortmund, viwango vya wachezaji wengi wa Liverpool vimeimarika maradufu.

Hili limedhihirishwa kupitia kwa ukali wa nyota Sadio Mane, Alex Oxlade-Chamberlain, Roberto Firmino na Mohamed Salah ambaye anapigiwa upatu kuibuka Mfungaji Bora wa EPL msimu huu. Hadi sasa, Liverpool na Man-United ndizo timu za pekee ambazo zimewashinda Man-City katika kampeni za EPL msimu huu.

 

Mashambulizi ya kutisha 

Silaha kubwa ya Liverpool ni uwezo wao wa kuanzisha mashambulizi ya kushtukiza kupitia kwa wachezaji wao wenye kasi sana na ambao hawahitaji nafasi nyingi ili kufunga mabao. Huu ndio upekee wa kikosi cha Klopp!

Kwa namna moja au nyingine, Liverpool ni timu ambayo ubora wake utadhihirika kila inapocheza na mpinzani aliye na mazoea ya kumiliki mpira kwa muda mrefu na amabye anacheza soka ya kushambulia kama mabingwa watarajiwa wa EPL, Man-City.

Mnamo 2013, Klopp aliwachochea Dortmund kutinga fainali ya UEFA baada ya kuwabandua Real Madrid kwenye nusu-fainali.

Ingawa kulikuwepo na klabu nyingi zenye vikosi bora zaidi kuliko Dortmund wakati huo, mfumo na upekee wa mbinu za ukufunzi wa Klopp uliwatambisha wapambe hao wa soka ya Ujerumani.

Man-City kwa sasa ina kikosi bora zaidi kuliko Liverpool. Hata hivyo, iwapo kuna timu iliyo na nafasi kubwa sana ya kusambaratisha kabisa ndoto za Man-City za kutwaa ubingwa wa UEFA, basi ni Liverpool inayonolewa na Klopp!

 

King’asti ampa Ronaldo ‘zawadi’ ya uchi wa mnyama

Na CHRIS ADUNGO

MWANAMITINDO maarufu mzawa wa Paraguay, Mirtha Sosa aliuduwaza ulimwengu wa soka kwa mara nyingine usiku wa Aprili 3, 2018 baada ya nyota Cristiano Ronaldo kufunga bao la Scorpion (nge) lililowachochea Real Madrid kuwabamiza Juventus 3-0 na hivyo kuwabandua miamba hao wa soka ya Italia kwenye robo-fainali za Klabu Bingwa Ulaya (UEFA) msimu huu.

Mirtha, ambaye anaaminika kuwa shabiki mrembo zaidi wa Real kuwahi kutokea nchini Paraguay, si mgeni wa kusalia uchi wa mnyama kila wakati Ronaldo anapowatambisha waajiri wake ndani na nje ya uwanja wa Santiago Bernabeu.

Akipania kumtia fowadi huyo mzawa wa Ureno kishawishini mapema wiki iliyopita, Mirtha alivua nguo zote na kutembea tupu katika hatua aliyoitaja kuwa ‘zawadi’ maridhawa na mahsusi kwa Ronaldo ambaye kwa sasa anatoka kimapenzi na kipusa Rhian Sugden, 31, anayetishia kuichukuwa nafasi ya Georgina Rodriguez aliyemzalia mwansoka huyo mtoto Alana Martina mwishoni mwa mwaka jana.

Akiwa fundi wa masuala ya ngono na gwiji wa kuvua nguo kwa lengo la kuwataka wanasoka wenye mishahara minono kuvutiwa na ukubwa wa makalio yake, Mirtha aliwahi pia kusalia uchi wa mnyama baada ya Ronaldo kutawazwa Mchezaji Bora Duniani mwishoni mwa 2017.

Wiki iliyopita, kichuna huyo alipakia tena picha za uzushi kwenye mitandao yake ya kijamii kwa kusherehekea ushindi Real na ufanisi wa Ronaldo kwa upekee aliouzoea. Kwenye mojawapo ya picha, Mirtha mwenye umri wa miaka 32 alionekana kuandika makalioni nambari saba kuashiria jezi anayoivalia Ronaldo kambini mwa Real na katika timu ya taifa ya Ureno.

“Ni picha mahsusi kwa Ronaldo ambaye penzi lake linachoma na kunitesa! Hongera kwa ufanisi wako mpenzi! Mashabiki lisheni macho, ila jueni mzinga mzima unamsubiri Ronaldo ambaye namtaka aache mwendo wa kobe; afanye hima aje ajirinie asali kiasi chake,” akaandika kidosho huyo aliye na takriban wafuasi 480,000 kwenye mtandao wa Instagram.

Isitoshe, Mirtha alitangaza kuwa kwa sasa yeye ni mtani na mpinzani rasmi wa mwanamitindo mzawa wa Brazil, Suzy Cortez, 26, ambaye pia amekuwa na mazoea ya kuvua nguo na kutumia ukubwa wa ghuba zake kuwatia kishawishini nyota wa Barcelona – Lionel Messi, Philippe Coutinho na Gerard Pique. Suzy alitawazwa mshindi wa Miss BumBum mnamo 2015 nchini Brazil.

“Sawa na Suzy ambaye amefunguka kuhusu jinsi anavyoliwania penzi la baadhi ya wanasoka maarufu wa Barcelona, nami sioni nikimnyima Ronaldo tunda hili iwapo ataomba kulionja!” akasema Mirtha ambaye amekuwa akisafiri mbali na karibu kwa minajili ya kumshangilia Ronaldo kila anaposhuka dimbani kuongoza mashambulizi ya Real.

 

 

TAHARIRI: Magavana waelezane ukweli kwenye kongamano

Na MHARIRI

KILA mwaka, magavana hukutana kwenye kongamano la kutathmini hatua walizopiga tangu ugatuzi uanze rasmi mwaka 2013.

Mwaka huu, magavana wanakutana mjini Kakamega, ambapo wanatarajiwa kuangazia kwa kina ufanisi waliopata, na pia yale mambo ambayo yalikuwa changamoto kwa mfumo huo wa utawala, unaopeleka huduma na mamlaka karibu na mwananchi.

Ni katika kutambua hilo, ambapo Wakenya wengi wana imani ya mfumo huo wa uongozi.

Utafiti wa kampuni ya Ipsos unaonyesha kuwa zaidi ya nusu ya Wakenya waliohojiwa walisema wanaridhishwa na utendakazi wa magavana.

Wakenya wengi katika maeneo ya Nyanza na Pwani wanaunga mkono ugatuzi licha ya changamoto.

Baadhi ya changamoto ambazo zinashuhudiwa katika kaunti ni kucheleweshwa kwa pesa kutoka kwa Hazina Kuu.

Hili ni jambo ambalo hufanya kaunti nyingi kulazimika kulimbikiza madeni na wakati mwingine kukosa huduma muhimu kwa kutowalipa wanaosambaza vifaa kwa wakati ufaao.

Kwa kuwa Rais Uhuru Kenyatta ni miongoni mwa walioalikwa kuhutubu wakati wa kongamano la Kakamega, magavana wanapaswa kumweleza kwa uwazi kuhusu dhiki wanayopata.

Tatizo jingine ni kutumia kiwango kikubwa cha pesa kwa mishahara badala ya maendeleo.

Kaunti zinapaswa kubuni mikakati ya kuziwezesha kuwa na wafanyakazi ambao zinaweza kuwalipa vizuri, lakini wakati huo huo mshahara huo usichukue zaidi ya nusu ya pesa zinazotumwa kwenye kaunti.

Japokuwa Wawakilishi wa wadi wanaonekana kupunguza safari za nje ya nchi, yafaa kuwe na sheria ambapo magavana wataweza kuwadhibiti, bila ya kuangamiza wajibu wa kila upande kuufuatilia mwingine.

Magavana wanapaswa kuwa na uwezo wa kukataa kutishwa na MCA ambao hutaka wafanyiwe mambo yanayokiuka lengo la ugatuzi.

Kwa upande wao, MCA wana jukumu la kuhakikisha kwa hawatiwi mfukoni kiasi cha kutopinga sheria na mapendekezo ambayo yanaweza kumdhulumu mwananchi asipate matunda kamili ya ugatuzi.

Ingawa ni mapema mno kuzungumzia mada zitakazoshughulikiwa kwenye kongamano la mwaka huu, ni muhimu kwa masuala haya kupewa kipaumbele.

Ugatuzi ni wazo ambalo lina umuhimu mkubwa kwa Wakenya na hapana budi ila kuufanikisha.

 

Pasta ashangaza kuomba waumini idhini afurushe mkewe

Na TOBBIE WEKESA

KABATI, MURANG’A

PASTA wa kanisa moja la hapa aliwaacha wengi vinywa wazi alipowaomba ruhusa waumini ili amtimue mke wake.

Inasemekana pasta alitangazia waumini masaibu aliyokuwa akipitia mikononi mwa mkewe na akawaomba ruhusa aweze kumfurusha.

Kulingana na mdokezi, pasta alichukua nusu saa kuelezea kanisa sababu za kufikia uamuzi huo. Kulingana na pasta, mkewe alikuwa mtu asiyeaminika  katika ndoa.

“Nikiondoka kwenda semina, mke wangu pia huondoka. Haendi kwao. Anakoenda mimi sijui,” pasta alieleza.

Kila mtu kanisani alikuwa ange kumsikia pasta. Wengi waliofahamu tabia  za mkewe walitabasamu. Penyenye zinasema mkewe alikuwa  akimcheza pasta  kwa muda mrefu.

Kila wakati pasta akiondoka nyumbani kwenda mikutano ya maombi, kipusa alikuwa akiondoka kwenda kwa mipango ya  kando.

Pasta alieleza namna alivyong’ang’ana na majukumu nyumbani hata mkewe akiwa.

“Ni Mungu tu amenitunza. Nimepitia mengi. Naomba idhini yenu ili nimtimue,” pasta alieleza.

Duru zinasema kabla ya kanisa kuanza, mwanadada huyo alikuwa amegundua mipango ya pasta. Aliamua kuondoka mapema akihofia kuaibishwa.

“Kama ni hayo unayopitia, pasta ruhusa tumekupa na utafute mwanadada mwingine atakayekutunza,” muumini mmoja alisimama na kumueleza pasta.

“Nimechoka kusikia hadithi mtaani. Jina langu limeharibika. Mke wangu hatulii. Sijui ameingiliwa na shetani gani,” pasta akasema.

Kulingana na mdokezi, waumini wote walikubaliana kwa kauli moja kumuunga pasta.

“Mfukuze. Tutakusaidia kupanga harusi nzuri. Huyo mke hata sisi tunajua mienendo yake,” muumini mmoja alisema kwa sauti huku wenzake wakikubaliana naye.

…WAZO BONZO…

MAKALA MAALUM: Wageukia magari ya serikali kusafirisha miti ili wasikamatwe

Na BERNADINE MUTANU

TANGU kupigwa marufuku kwa ukataji wa miti na uchomaji makaa, wafamyibiashara wa bidhaa hizo wamelazimika kuja na mbinu mpya.

Ripoti za majuzi, zinaonyesha kuwa watu hao sasa wanatumia magari ya serikali bila kushukiwa ingawa baadhi yao wamekamatwa.

“Biashara ya bidhaa hizo imenoga sana na ndio maana watu wametafuta mbinu za kusafirisha bidhaa hizo,” alisema afisa ambaye hakutaka jina lake kuchapishwa kwa sababu ya umuhimu wa suala hilo.

Kutokana na agizo la Naibu wa Rais William Ruto mnamo Februari, marufuku ya ukataji miti na biashara ya bidhaa za misitu kote nchini itaendelea kwa muda wa miezi mitatu.

Tangazo lake lilitokana na upungufu wa maji mitoni na ukame mkubwa ulioshuhudiwa nchini, kabla ya mvua ya masika kuanza kunyesha.
Kutokana na operesheni kali iliyoanzishwa, imewabidi wafanyibiashara kufanya biashara hiyo kwa njia ya siri kama ilivyobainika.

Gari la polisi liliponaswa eneo la Kapenguria likisafirisha mbao. Picha/ Oscar Kakai

Wiki iliyopita, malori matatu ya jela yalikamatwa yakibeba mbao katika eneo la Eldama Ravine. Kisa hicho kilitokea siku moja tu baada ya lori la polisi wa utawala (AP) kukamatwa eneo la Chepkworniswo.

Mnamo Machi 30, lori la askari wa utawala lilikamatwa katika eneo la Marereni, Kaunti Ndogo ya Magarini, Kaunti ya Kilifi likiwa na magunia 120 ya makaa.

Hata hivyo, afisa wa KFS wa ngazi ya chini akizungumza na Taifa Leo alitetea magari ya serikali kwa kusema kati ya magari 63 yaliyokamatwa tangu operesheni kuanzishwa, ni manne tu ya serikali yaliyokamatwa.

“Sio vyema kusema magari ya serikali ndiyo yanasafirisha bidhaa za msituni kwa sababu kati ya magari 63 yaliyokamatwa, ni manne pekee ambayo ni ya serikali,” alisema afisa huyo.

Aidha, wauzaji wa bidhaa za misitu wanasafirisha bidhaa hizo usiku ili kuepuka makachero wa Huduma ya Misitu (KFS) na maafisa wa polisi.

Kwa mfano, mwanzoni mwa Machi, dereva mmoja alikamatwa na kushtakiwa katika Mahakama ya Embu kwa kusafirisha magogo bila idhini.

Malori 3 ya jela yaliyokamatwa yakisafirisha mbao Eldama Ravine. Picha/Ayub Muiyoro

Malori ya kontena

Pia, malori yanayobeba kontena yanakisiwa kuingilia biashara hiyo ambayo kwa sasa imeharamishwa.

Wiki iliyopita, lori moja lilipigwa picha eneo la South B, katika Barabara ya Nairobi kuelekea Mombasa likimwaga bidhaa hiyo inayotumiwa na asilimia kubwa zaidi ya wakazi wa Nairobi.

Hii ni kutokana na kuwa malori ya kontena hayasimamishwi barabarani na polisi na pia ukweli kwamba huwa yamefungwa kabisa kutoka depo au chanzo cha bidhaa.

Pia, magari ya abiria na yale ya kibinafsi yanatumiwa kusafirisha makaa maeneo mbali mbali nchini.

“Hii ni biashara ambayo ina faida nyingi na ndio maana magari ya serikali yanatumiwa kuiendeleza,” alisema mdokezi mmoja.

Kufikia mwishoni mwa juma jana, magunia 300 ya makaa yalikuwa yamekamatwa eneo la Pwani tangu kuanzishwa kwa operesheni hiyo.

Licha ya hatua kali, bado biashara hiyo imeonekana kuendelea katika baadhi ya maeneo Kilifi na Tana River ambako malori saba, mabasi matatu na pikipiki sita yalikamatwa yakisafirisha aidha makaa au mbao.

Mabasi hayo yalipatikana na magunia 105. Polisi walidokezewa baadhi ya visa hivyo na umma.

 

 

Mganda Chesang’ avunja utawala wa Kenya mita 10,000

Na GEOFFREY ANENE

MGANDA Stella Chesang’ amevunja utawala wa Kenya katika mbio za mita 10,000 za Michezo ya Jumuiya ya Madola uliokuwa umedumu tangu mwaka 1998 kwa kunyakua dhahabu nchini Australia, Jumatatu.

Kenya, ambayo ilikuwa imenyakua mataji ya mbio hizi za mizunguko 25 kupitia Esther Wanjiru mwaka 1998, Salina Kosgei (2002), Lucy Kabuu (2006), Grace Momanyi (2010) na Joyce Chepkirui (2014), imeridhika na fedha kupitia Stacy Ndiwa.

Wakenya Ndiwa, Sandrafelis Chebet na Beatrice Mutai walikuwa bega kwa bega katika kundi la kwanza kwa muda mrefu kabla ya Chesang’ kuwacha wapinzani wake hoi alipochomoka katika mzunguko wa mwisho na kubeba taji kwa dakika 31:45.30.

Ndiwa alikamilisha kwa dakika 31:46:36, huku Mganda Mercyline Chelangat akifunga tatu-bora (31:48.41). Mutai (31:49.81) na Chebet (32:11.92) walimaliza katika nafasi za nne na 10, mtawalia.

Kenya sasa ina medali tatu baada ya kupata shaba Jumapili kupitia Edward Zakayo (mita 5,000) na Samuel Gathimba (matembezi ya kilomita 20).

MAKALA MAALUM: Wiper yaanza kusaka kura za 2022 mapema

Na KITAVI MUTUA

CHAMA cha Wiper kimeanza mikakati ya kuwarai vijana kutoka sehemu mbalimbali nchini kujiunga nacho kwenye harakati za matayarisho ya Uchaguzi Mkuu wa 2022.

Kwenye mikakati hiyo, chama kinawashinikiza vijana kuchukua nyadhifa za uongozi ili kukipa sura ya kitaifa.

Wale watakaochukua nyadhifa hizo watatwikwa majukumu ya kuwatafuta wanachama zaidi, ili kuondoa dhana kwamba uwepo wake ni katika eneo la Ukambani pekee.

Mwenyekiti wake wa kitaifa, Prof Kivutha Kibwana, alisema kuwa wanapanga kuitisha Kongamano la Kitaifa la Wajumbe ili kujadiliana kuhusu mpango wa kubadili jina lake kutoka Wiper hadi One Kenya Movement (OKM).

Mipango mingine iliyowekwa ni maandalizi ya ziara za viongozi wake wakuu chini ya uongozi Kalonzo Musyoka katika nchi za Ulaya. Ziara hizo ni za kuwawezesha viongozi hao kufahamu njia za kuendesha vyama vya kisiasa ili kuviimarisha kuwa vya kitaifa.

“Tunakigeuza chama ili kuwafikia Wakenya zaidi kama njia moja ya kutuwezesha kufikisha ushindani wetu katika kiwango cha kitaifa, hasa tunapojitayarisha kwa uchaguzi wa urais mnamo 2022,” akasema Prof Kibwana, aliye pia Gavana wa Makueni.

Mwenyekiti huyo alisema kwamba Bw Musyoka atazuru Uingereza, ili kushauriana na viongozi wa vyama vya Conservative na Labour. Katika ziara hiyo, Bw Musyoka pia atakutana na Wakenya wanaoishi jijini London, kwenye juhudi za kutafuta uungwaji mkono kwa Wakenya wanaoishi ughaibuni.

 

Kumvumisha Kalonzo

Kulingana na waandani wa karibu chamani, mpango huo unalenga kuimarisha ushawishi wa Bw Musyoka kisiasa. Vile vile, unalenga kumsaidia kutafuta miungano zaidi ya kisiasa itakayompa nguvu kisiasa anapojitayarisha kuwania urais kwa mara ya pili.

Miaka minane iliyopita, chama hicho kilibadilisha jina lake kutoka ODM Kenya hadi Wiper Democratic Movement (WDM).

Chama pia kilibadilisha nembo zake kutoka chungwa moja na nusu na kuanza kutumia mwamvuli.

Zaidi ya hayo, kilibadilisha rangi yake kutoka rangi ya chungwa ambapo kilianza kutumia samawati, kuashiria matumaini.

Hii ni mara ya pili kwa chama kubadilisha mwonekano wake, japo ingali kubainika ikiwa kitabadili nembo na rangi zake.

Kulingana na Prof Kibwana, chama kilianza mikakati ya mageuzi pindi tu baada ya Uchaguzi Mkuu wa Agosti, ili kurekebisha mapungufu yaliyojitokeza baada ya uchaguzi huo. Mojawapo ya mipango hiyo ilikuwa kuimarisha udhibiti wake wa kisiasa katika eneo la Ukambani.

Hatua ya kwanza ilikuwa kutia saini mwafaka wa kisiasa na chama cha Narc, ambacho kinaongozwa na Gavana Charity Ngilu wa Kitu.

 

Wiper kumsaidia Ngilu

Kwenye mwafaka huo, Wiper itamsaidia Bi Ngilu kutekeleza manifesto yake, ikizingatiwa chama chake kina idadi ndogo wa madiwani katika Bunge la Kaunti ya Kitui. Kwa upande wake, Bi Ngilu atamsaidia Bw Musyoka kuyafikia maeneo mengine.

Na kutokana na mwafaka huo, huenda Bi Ngilu akatetea kiti chake cha ugavana kwa tiketi ya chama cha Bw Musyoka mnamo 2022, kama walivyofanya Prof Kibwana na Bi Wavinya Ndeti, aliyewania ugavana katika Kaunti ya Machakos.

Mnamo 2013, wawili hao waliwania nyadhifa hizo kwa Chama Cha Muungano (CCM) na Chama Cha Uzalendo (CCU) mtawalia. Hata hivyo, waliwania kwa tiketi ya Wiper kwenye uchaguzi wa Agosti.

Aidha, Prof Kibwana alisema kwamba ushirikiano huo wa kisiasa utavifaidi vyama hivyo viwili, hasa katika uendeshaji wa serikali za kaunti.

Mwafaka huo ndio ulipelekea kuandaliwa kwa mkutano wa viongozi wa jamii ya Akamba katika eneo la Komarock, Machakos, mapema wiki iliyopita.

Kwenye mkutano huo, Bw Musyoka alipewa kibali cha kutafuta uungwaji mkono na ushirikiano wa kisiasa kutoka maeneo mengine.

Aliyekuwa Seneta wa Machakos, Johnstone Muthama, alitangaza kurudi kwake katika Wiper, ili kumsaidia Bw Musyoka kufikia malengo yake. Awali, Bw Muthama alikuwa ametangaza kujiondoa katika chama hicho, akidai ukosefu wa uongozi mzuri.

Kwa miaka mingi, siasa za Ukambani zimehimiliwa na uhasama mkubwa wa kisiasa kati ya Bw Musyoka na Bi Ngilu, ambaye ashatangaza nia ya kumuunga mkono Musyoka kuwania urais mnamo 2022.

 

Vigumu kuvuruga

Na kutokana kuungana kwa wawili hao, wale ambao wataupinga watakuwa na kibarua kigumu kujinadi kisiasa katika eneo hilo.

Bi Ngilu alitangaza kwamba wale ambao wanalenga kugawanya kura za Ukambani watakuwa na kazi ngumu.

“Lazima tuungane sote ili kuhakikisha kwamba jamii ya Akamba inamuunga mkono mtoto wetu (Kalonzo) ili kuanza harakati za kutafuta uungwaji mkono wa kisiasa mapema,” akasema.

Kuna kambi mbili zinazompinga Bw Musyoka, moja ikiongozwa na Gavana Alfred Mutua wa Machakos, huki nyingine ikiongozwa na wabunge Victor Munyaka (Machakos Mjini), Rachael Nyamai (Kitui Kusini) na Nimrod Mbai (Kitui Mashariki).

Hata hivyo, kambi hizo zina miegemeo tofauti ya kisiasa; kwani Dkt Mutua ametangaza kuwania urais mnamo 2022, huku wabunge hao wakitangaza kumuunga mkono Naibu Rais William Ruto.

 

Mbunge ateua baraza la mawaziri kumsaidia kazini

Na MARY WAMBUI

MBUNGE wa Thika Mjini Patrick Wainaina amezindua baraza la mawaziri wanane, ambalo litamsaidia kutimiza ahadi alizotoa kwa wakazi wa eneobunge hilo.

Kulingana naye, kundi hilo litaangazia uimarishaji wa uchumi, miundomsingi, kilimo, elimu/talanta, afya, mazingira na hali ya usalama.

Kundi hilo pia litamsaidia kuimarisha hali ya masomo katika shule zote za umma, kufufua sekta ya Jua Kali, kuimarisha usambazaji wa umeme kwa wakazi kati ya masuala mengine.

Akizungumza na Taifa Leo kwa mara ya kwanza, Bw Munene alisema kwamba mkakati huo unalenga kuhakikisha ametekeleza mipango yake ya maendeleo.

“Kaulimbiu yangu ni: Hapa Kazi Tu. Ningetaka kukumbukwa kwa kutoa uongozi bora ambao utachangia kuimarisha maisha ya wakazi. Lazima tuhakikishe kwamba eneo hilo limerejesha hadhi yake kama kitovu cha biashara,” akasema.

 

Amri ya kubomoa jengo la gavana yakoroga seneta

Na DENNIS LUBANGA

SENETA wa Kaunti ya Nandi, Bw Kiprotich Cherargei, ametishia kushtaki Mamlaka ya Kitaifa ya Ujenzi (NCA) baada ya kuagiza kubomolewa kwa afisi ya gavana kwa msingi kuwa jengo hilo si salama.

Bw Cherargei aliikashifu NCA kwa kutaka jengo hilo libomolewe ilhali mamlaka hiyo ndiyo iliidhinisha ujenzi wake.

“Nilidhani kuwa katika uhandisi, kila awamu ya ujenzi huidhinishwa na mhandisi pamoja na mwanakandarasi. Katika hali hii ni NCA iliyoidhinisha ujenzi wa jengo hilo na sasa inataka libomolewe. Nitawashtaki kama watachukua hatua hiyo ya ubomoaji,” akasema Bw Cherargei.

Kwenye ripoti ya mapema iliyoandikwa Machi 23, 2018, NCA ilitilia shaka uthabiti na usalama wa muundo uliotumiwa kwa ujenzi huo.

Ripoti hiyo inasema usanifu ujenzi wa awali wa jengo hilo ulibadilishwa wakati ujenzi ukiendelea ili kuongeza orofa zaidi, na hivyo basi msingi wa jengo uko hatarini kuwa hafifu.

Kwenye mahojiano na Taifa Leo Jumapili, seneta huyo alimkashifu pia Gavana Stephen Sang, kwa kukubaliana na msimamo wa NCA.

“Hili jengo lilitumia zaidi ya Sh150 milioni za mlipa ushuru. Ubomoaji wake utatumia karibu Sh20 milioni au zaidi,” akasema.

Alidai uamuzi wa NCA umechochewa kisiasa ili kunufaisha watu ambao watapewa kandarasi ya ujenzi upya, akasisitiza uamuzi kama huo lazima ufanywe kwa kushirikisha maoni ya wananchi.

Aliomba utawala wa Bw Sang ujishughulishe na ujenzi wa nyumba ya gavana badala ya kujiingiza kwa mipango ya kubomoa afisi yake.

“Tuko katika awamu ya mwisho ya kupeana fedha za kaunti ambazo zilitengwa katika mwaka wa kifedha uliopita kwa hivyo inafaa tujihadhari kuhusu jinsi tunavyotumia pesa za kaunti. Sitakubali jengo hilo libomolewe. Linahitaji tu kuimarishwa zaidi,” akasema.

Waziri wa miundomsingi katika kaunti, Bw Hillary Koech, alisema serikali ya kaunti iliwaalika maafisa wa NCA kuthibitisha uthabiti wa jengo hilo wakati lilipopata nyufa.

Kaunti ilikuwa imetumia Sh124 milioni kwa ujenzi wake, na Sh10 milioni zingine zimepangiwa kutumiwa kulikamilisha.

Bw Cherargei alikanusha madai kuwa pingamizi lake linatokana na sababu za kibinafsi dhidi ya gavana akasema hana nia ya kuwania ugavana bali anataka utumizi bora wa pesa za umma.

ODM yaionya Jubilee dhidi ya kuvuruga muafaka

Na BARACK ODUOR

WABUNGE wa Chama cha ODM wameonya wenzao wa Jubilee dhidi ya kujaribu kuvuruga maelewano kati ya Rais Uhuru Kenyatta na kiongozi wa upinzani, Bw Raila Odinga.

Mbunge Mwakilishi wa Kaunti ya Homa Bay, Bi Gladys Wanga, na Mbunge wa Dagoretti Kaskazini, Bw Simba Arati, wamedai kuna wabunge wa Jubilee ambao wanafanya njama kisiri kusambaratisha maelewano ya viongozi hao wawili.

Wakizungumza katika harambee ya kusaidia Kanisa la Gendia Seventh Day Adventist lililo katika Kaunti ya Homa Bay, viongozi hao walisema maelewano yaliyofanywa yamenuia kuleta umoja nchini.

Bi Wanga alimkashifu Kiongozi wa Wengi Bungeni, Bw Aden Duale, kwa kudai kuna wabunge wa ODM ambao wanapinga maelewano hayo.

“Ninataka kumwonya Bw Duale kuhusu matamshi aliyotoa hivi majuzi kwamba baadhi ya wabunge wa ODM hawaungi mkono maelewano. Hii ni kwa sababu sote tunaunga mkono hatua hiyo ambayo ndiyo pekee inayoweza kudumisha amani na utangamano nchini,” akasema.

Kwa upande wake, Bw Arati aliambia wabunge wa Jubilee wajitenge na matamshi ambayo yanaweza kusababisha mgawanyiko nchini.

Alisema matamshi aina hiyo yanaweza kufanya malengo ya maelewano hayo yasifanikishwe na hali hiyo itasababisha janga la kisiasa nchini.

“Kuna nia ya baadhi ya wenzetu katika Jubilee kuingilia makubaliano kati ya kiongozi wetu na kiongozi wao. Lakini haifai watudharau kwa sababu tunajua tulikotoka,” akasema Bw Arati.

Alitoa wito kuwe na heshima kati ya wabunge wa ODM na Jubilee ili kuendeleza mbele malengo ya makubaliano hayo.

“Kama wanataka kusambaratisha makubaliano hayo, pia sisi tunaweza kufanya hivyo kwa hivyo inafaa tuheshimiane,” akasema.

Bi Wanga pia alitumia nafasi hiyo kusambaza vyakula kwa zaidi ya familia 50 zilizoathirika na mafuriko katika wadi ya Karachuonyo Kaskazini, eneobunge la Karachuonyo.

Alisema maendeleo nchini yanaweza kupatikana tu kama kuna amani na utangamano nchini kote.

Wataka bunge lipitishe sheria kulinda tiba za kiasili

Na TITUS OMINDE

MADAKTARI wa tiba za kiasili wanataka bunge kupitisha sheria kuhusu tiba hizo. 

Madaktari hao walisema kupitishwa kwa sheria hiyo kutakabiliana na matapeli katika sekta hiyo mbali nakutoa mazingira bora ya wahudumu wa tiba za kiasili.

Daktari Shadrack Moimet wa zahanati ya Koibatek mjini Eldoret alisema kukosekana kwa sheria na sera kuhusu tiba hizo kumechangia katika ongezekeo la matapeli katika tiba husika.

Dkt Moimet alisema iwapo wabunge watapitisha sheria hiyo Wakenya wataondoa dhana potovu kwamba tiba za kiasili ni uchawi.

“Ikiwa sheria hii itapitishwa matapeli ambao wamevamia sekta hii watadhibitiwa mbali na kuondoa dhana potovu kwamba tiba za kiasili ni ushirikina na uchawi.”

Anataka wahudumu katika tiba hizo kushirikiana ili kuona kwamba matakwa yao yanatekelezwa.

Mswada kuhusu tiba hizo umekuwa bungeni tangu bunge la tisa ambapo umekuwa ikihairishwa mara kwa mara.

Madaktari wa tiba za kiasli wanadai kuwa iwapo watapewa mazingira bora ya kuendelezea kazi zao watashirikiana na madaktari wa tiba za kisasa kukubiliana na changamoto ya maradhi tata.

“Dawa zetu zina uwezo wa kutibu ugonjwa kama vile saratani na maradhi mengine ambayo hayana tiba zakisasa, kile tunataka ni kutambuliwa na kushirikishwa vilivyo katika utafiti wa maradhi husika,” akasema.

Vile madaktari hao wanataka serikali kuwatengea fedha za kuendeleza utafiti kupitia tiba za kiasili kama ilivyo nchini Uchina.
 

Vijana wapanga kuvumisha utamaduni

Na KAZUNGU SAMUEL

BARAZA la vijana kuhusu turathi na utamaduni Jumapili lilisema kwamba litaanzisha mikakati kabambe ya kuvumisha utamaduni.

Katibu mkuu wa baraza hilo, Bi Mati Rua, alisema kuwa vijana ndio ambao wanafaa kuchukulia hifadhi ya turathi na tamaduni zao kwa kiwango cha juu kuliko hata mtu mwengine yeyote.

Alikuwa akiongea baada ya kutembelea afisi za Taifa Leo, hapo Jumapili.

“Tunajua kwamba vijana ni wepesi wa kutumia mitandao na teknolojia za kisasa. Na ndio maana katika baraza, tunataka watumie wepesi huo huo kuhakikisha kwamba wanahifadhi tamaduni na maeneo ya turathi,” akasema Bi Mati.

Alisema hivi karibuni, wataanza mikakati ya kukutana na vijana katika kaunti zote 47 ili kuwatumia katika kutoa hamasisho juu ya umuhimu wa hifadhi ya turathi zinazopatikana katika maeneo yao.

“Ukiangalia kwa mfano katika maeneo ya Kaya za Pwani, kumekuwa na visa vya misitu kuharibiwa lakini vijana hawaonekani kujali hilo.

Tunataka sasa kuanza kuwapa elimu ya jinsi gani wanavyoweza kuchukulia kwa umuhimu mkubwa shughuli za kulinda misitu hiyo isiharibiwe.

Vile vile tunataka kuwafunza vijana umuhimu wa wazee katika jamii ili kukabiliana na tatizo la kuuawa kwa wazee na vijana hasa katika maeneo ya Pwani,” akasema.

Baraza hilo lilianzishwa mwezi ulipita katika kongamano la vijana kuhusu turathi na utamaduni ambalo liliandaliwa jijini Nairobi kwa udhamini wa shirika la KNATCOM pamoja na UNESCO.

Mkurugenzi wa utamaduni katika KNATCOM Bw John Omare alisema kuwa mojawapo ya mikakati ambayo inatekelezwa na baraza hilo ni kuwapa fursa vijana kujifahamisha na utamaduni wao.

 

Mwanamke alilia haki kufuatia mateso Uarabuni

Na MOHAMED AHMED

MACHOZI ya furaha yalibubujika kutoka machoni mwa mzee Ndolo Baya baada ya mtoto wake wa mwisho aliyekuwa anatumikia kifungo nchini Saudi Arabia kurudi nchini.

Mawazo ya Bw Baya, 71, kuwa ataenda kupokea maiti ya bintiye yaligeuka Jumapili baada ya kitinda mimba wake kurudi nchini salama.

Levina Mapenzi, 27, alirudi nyumbani baada ya kukaa nchini humo miaka minne.

Baada ya kufanya kazi kwa mwaka mmoja na nusu alikamatwa na kufungwa jela kwa madai ya kufanya zinaa.

Aidha katika mahojiano na Taifa Leo Jumapili,  Bi Mapenzi alidai kuwa alibakwa na dereva wa tajiri yake.

levina Mapenzi Ngolo akihadithia wanahabari Aprili 8, 2018 yaliyomsibu alipokuwa Saudi Arabia. Analilia haki baada ya kutupwa jela kwa mwaka mmoja nchini humo kwa kile alichokitaja kuwa madai ya uongo dhidi yake. Picha/ Laban Walloga

“Nilifungwa kwa madai ya kufanya ngono. Lakini sikuwa nimefanya hilo. Nilibakwa na jamaa huyo ambaye yeye alichapwa viboko kama ilivyo kulingana na sheria za kule,” akasema huku akitokwa na machozi ya uchungu.

Bi Mapenzi alitumikia mwaka mmoja jela ambapo alijifungua mtoto wake wa kiume aliyerudi naye baada ya kupatikana na masaibu katika nchi hiyo ambayo imeshutumiwa mara nyingi kufuatia kuteswa kwa Wakenya wanaoenda kufanya kazi hususan wanawake.

“Kwa sababu niliiambia mahakama kuwa nilifanyiwa dhuluma za kimapenzi ndio nikapewa adhabu hiyo ya kifungo cha mwaka. Nashukuru nimerudi salama lakini sikupata lile nililoendea,” akasema.

Bi Mapenzi aliondoka humu nchini mwaka 2014 bila ya ruhusa ya babake ili kutafuta riziki na aweze kukimu mahitaji ya mtoto wake wa kwanza aliyemuacha humu nchini.

Alieleza kuwa baada ya kupatikana na mimba ya miezi miwili na tajiri yake aliweza kuwapeleka yeye pamoja na mwanamume huyo polisi na baadaye kuhukumiwa.

 

Gharama hii ya harusi na mahari inaogofya vijana kuasi ukapera – Duale

Na GALGALO BOCHA

KIONGOZI wa wengi bungeni Aden Duale amelalamikia gharama kubwa ya harusi na mahari za jamii ya waislamu kuwa chanzo cha maelfu ya vijana kushindwa kuasi ukapera.

Akizungumza wakati wa sherehe ya kitamaduni ya jamii ya Wasomali eneo la Eastleigh, Bw Duale amesema vijana wengi waliofika umri wa kuoa, wanashindwa kuposa kwa hofu ya kutozwa mamilioni kama ada ya mahari.

Mbunge huyo wa Garissa Mjini alitoa mfano wa jamii yake ya Kisomali aliyosema imefika kiwango cha kuitisha dola 10,000 kama mahari kabla ya ndoa kufungwa.

“Gharama ya ndoa za kiislamu lazima ishukishwe. Kutaka vijana kulipa dola 10,000 ili kuoa ni kosa. Kama waislamu tumekosea na lazima kufanya ndoa kuwa nyepesi na isiyokuwa na gharama ili vijana waachane na mambo mengine ya kando kando,”

Alisema atakutakana na viongozi wa kidini haswa mashekhe wa msikiti wa Jamia, Nairobi, kuanzisha mchakato wa kupunguza mahari na gharama za harusi.

Alisema tatizo hilo limepelekea idadi kubwa ya vijana wa Kiislamu kukosa matumaini ya kuoa na badala yake kujihusisha na hulka ya mapenzi kinyume na mafunzo ya dini.

“Jambo la kuitisha mahari ya dola elfu kumi kabla ya kufungisha binti yako nikaa, kama kwamba unanunua gorofa au gari lazima ikomeshwe. Nitakwenda msikiti wa Jamia siku ya Ijumaa na kuzungumza na mashekhe tutafute suluhisho,” akaeleza Bw Duale katika sherehe hiyo iliyofanyika Shule ya Upili ya Eastleigh.

Alisema jamii ya waislamu imekiuka utaratibu wa dini kuhusu jambo la ndoa.

Kiongozi huyo ya walio wengi bungeni, alisema harusi nyingi zinatekelezwa kinyume na mafundisho ya Mtume Muhammad.

“Wakati wa Mtume, unaulizwa kama una jamvi na kibanda cha kuanzia maisha kama wana ndoa kabla ya harusi kufanyika. Siku hizi unaulizwa uko na dola ngapi,” akalalama.

Bw Duale alisema chanzo cha jamii yake ya Kisomali kufanya ndoa kuwa na ghama ilitokana na watu wanaoishi mataifa ya ughaibuni ambao hulipa mari kwa dola za kimarekani.

Vile vile, mkoani Pwani vijana wengi wamekuwa wakilalamikia kiwango kikubwa cha mahari inayoitishwa na familia za wasichana.

Vijana wanaofanya kazi njee ya nchi haswa maeneo ya Mashariki ya Kati ndio wanaolaumiwa kufanya gharama ya ndoa kuwa juu.

Vijana hao wanalipwa mahari ya juu kutokana na thamani ya sarafu za mataifa za kiarabu, Uingereza na Marekani miongoni mwa zingine.

Aidha mbunge huyo wa Garissa Mjini amewahimiza wanawake wa kiislamu kuzingatia kwa dhati vazi la hijab ambalo alisema ndilo pambo rasmi la waislamu kote duniani.

Aliwahimiza waume pia kuhakikisha wamewajibika katika ndoa na vile vile mke zaidi ya mmoja

 

Hali si shwari: Waiguru ayumbishwa na kimbunga cha siasa

Na WANDERI KAMAU

GAVANA wa Kirinyaga, Anne Waiguru wa Kirinyaga amejipata tena katika utando wa kisiasa, hali inayohatarisha kipindi alichobakisha kuhudumu kama gavana.

Kwa muda wa miezi saba pekee ambayo amehudumu kama gavana, Bi Waiguru amejipata katikati ya mawimbi makali ya kisiasa, wadadisi wakionya kwamba huenda yakayumbisha merikebu yake kisiasa.

Kisa cha Ijumaa, ambapo baadhi ya wakazi walimpigia kelele kwenye mkutano uliohutubiwa na Naibu Rais William Ruto wakimtaka kutowahutubia, kiliashiria upeo wa uhasama wa kisiasa ambao umekuwepo kati yake na Mbunge Mwakilishi wa Wanawake, Bi Wangui Ngirichi.

Kufikia sasa, Bi Waiguru anakabiliwa na kesi inayopinga kuchaguliwa kwake iliyowasilishwa na Bi Martha Karua (Narc-Kenya), ambapo juhudi zake za kuiomba mahakama isisikizwe tena zimeambulia patupu.

Kisiki kingine kinachomwandama ni madai ya baadhi ya viongozi, kwamba amekuwa akiyatenga baadhi ya maeneo kimaendeleo.

Katika kisa hicho, majibizano makali yalizuka kati yake na Bi Wangui Ngirici, ambapo Bi Waiguru alimlaumu (Ngirici) kwa kuwalipa vijana ili kumpigia kelele.

“Ngirici na mumewe (Andrew) ndio waliohusika katika njama za kuwalipa vijana ili kusambaratisha mkutano wa Bw Ruto na ajenda zangu za maendeleo,” akasema Bi Waiguru.

Hata hivyo, Bi Ngirichi alimjibu vikali, akikanusha ufahamu wowote wa njama hizo.

“Anapaswa kutoa ushahidi wowote alio nao ikiwa nilihusika katika vitendo anavyodai. Sitakubali mtu aniharibie jina bila thibitisho,” akasema Bi Ngirichi.

Wawili hao wamekuwa katika vita vikali vya kisiasa, ambapo Bi Ngirici amekuwa akiendesha miradi yake ya maendeleo kupitia kundi la Ngirici Rescue Team, ambako amekuwa akimlaumu Bi Waiguru kwa kutotimiza ahadi alizotoa kwa wakazi.

Katika kesi ya Bi Karua, juhudi za Bi Waiguru kuisimamisha mahakama ziligonga mwamba, mahakama ikishikilia kwamba ni haki ya mlalamishi katika kesi hiyo kusikilizwa tena.

 

Kutatua matatizo

Kwa hayo mchanganuzi wa kisiasa Ndegwa Njiru anasema kwamba itabidi viongozi wa sasa katika kaunti hiyo kutatua matatizo hayo, ili kumrahisishia kazi gavana huyo.

“Ingawa changamoto hizi huenda zikaonekana kumkabili Bi Waiguru, uhalisia ni kwamba mwananchi ndiye atakayeumia. Hivyo, ni muhimu sasa kwa viongozi kushauriana,” asema Bw Njiru.

Masaibu hayo yanamtokea Bi Waiguru aliyechaguliwa kama gavana baada ya kulazimika kujiuzulu hapo awali kama Waziri wa Ugatuzi katika Serikali ya Rais Uhuru Kenyatta kutokana na sakata ya madai ya ufisadi katika Huduma ya Kitaifa kwa Vijana (NYS).

Katika sakata hiyo, inakisiwa kwamba karibu Sh791 milioni zilipotea katika hali tatanishi, ila Bi Waiguru amekuwa akishikilia kuwa hakuhusika kwa vyovyote vile.

Baadhi ya wachanganuzi pia wanasema kuwa ni wakati mzuri kwa serikali kuingilia kati ili kuzuia mgawanyiko zaidi katika kaunti hiyo muhimu.

 

Mke wa mwanamume achukuliwa na mwenzake baada ya kupoteza ubashiri wa mechi

Na CHRIS ADUNGO

MWANAMUME mmoja atatazama kupoteza mkewe na kulala chumbani kwa rafiki yake wa kamari kwa wiki nzima baada ya kupoteza ubashiri wa mechi ya Man City dhidi ya Man United Jumamosi.

Kwenye makubaliano waliyoandikiana kwa mkono kwenye kijikaratasi, wanaume hao wawili kutoka Tanzania, kila mmoja aliapa kumpa mwenzake mkewe kwa muda wa wiki moja endapo angeshindwa kwenye utabiri wa matokeo ya mechi hiyo.

Ingawa Taifa Leo haiwezi kuthibitisha ukweli wa makubalino hayo yaliyosambazwa mitandaoni, mmoja wa wanaume hao sasa huenda akampoteza mkewe baada ya Man United kupigana kufa kupona na kuweza kuilaza Man City 3-2 katika mechi iliyochezwa uwanjani Etihad.

Makubaliano kati ya Amani Stanely na Shilla Tony kabla ya mechi ya debi ya Manchester. Picha/ Hisani

Katika kijikaratasi hiki hapa juu, Amani Stanley, ambaye ni shabiki sugu wa Man City, aliweka mkewe kama dhamana kabla ya timu yake kupigwa, huku mwezake Shilla Tony pia akikubali kupena mkewe Man United ingelimwa.

Ikiwa makubaliano haya yalikuwa ya kweli, basi utakuwa ni mfano wa hivi karibuni wa mashabiki sugu kusahau thamani ya pesa na badala yake kutumia wake zao kama dhamana katika ubashiri wa mechi.

 

 

Wakenya wengi wanapenda simu za Tecno – Utafiti

Na CHRIS ADUNGO

KAMPUNI ya Uchina, Transsion Holdings inaongoza kwa mauzo ya simu za mkononi katika soko la Kenya kulingan na utafiti wa hivi majuzi.  

Bradi zake tatu, Tecno, Infinix na iTel ni miongoni mwa tano bora zinazoenziwa na Wakenya kote nchini, kulingana na utafiti wa Consumer Insight.

Kwenye ripoti yake, brandi hizo tatu zina jumla ya asilimia 54 ya simu zote zinazomilikiwa na Wakenya. Mwaka 2016, brandi mbili za kampuni hiyo – Tecno na iTel – zilikuwa na asilimia 34 ya soko la simu nchini.

Kwa watu waliohojiwa katika utafiti huo, asilimia 28 wanatumia simu za Tecno, asilimia 16 simu za Samsung, asilimia 12 Nokoa na asilimia 10 Infinix.

Katika ripoti tofauti, kampuni ya Jumia imeonyesha kuwa Kenya inaongoza kote ulimwenguni kwa trafiki ya intaneti kutokana na ununuzi wa simu na kuipiku Nigeria, ambayo iliongoza mwaka 2017.

Ripoti hiyo pia ilionyesha kuwa kampuni ya Transsion Holdings imechochea pakubwa kupanuka kwa utumizi wa simu za kisasa humu nchini. Kampuni hiyo kutoka Hong Kong ndiyo kubwa zaidi barani Afrika kwa mauzo.

Brandi za simu za Korea Kusini kama Samsung, Huawei, LG  na Nokia zimepata ushindani mkali kutoka kwa brandi za Uchina zinazowapa Wakenya simu za kifahari kwa bei nafuu.

Shujaa yalemewa na Fiji kwenye fainali

Na CHRIS ADUNGO

TIMU ya Kenya ya raga ya wachezaji saba kila upande, Shujaa, Jumapili ilipata kadi mbili za manjano katika kipindi cha kwanza na kuzima matumaini ya kutwaa ubingwa wa Hong Kong Sevens, baada ya fiji kuipiga 24-12 na kuetetea ubingwa wa kombe hilo.

Collins Injera na William Ambaka, ambao walikuwa mashujaa katika ushindi wa 21-12 dhidi ya New Zealand kwenye nusu fainali, walilishwa kadi ya manjano.

Fiji ilitumia wingi wao uwanjani kufunga trai mbili kupitia kwa Eroni Sau na Amenoni na kuongezea kwa trai ya ufunguzi ya Josua Vakurunabili.

Fiji iliongoza 17-0 katika kipindi cha mapumziko katikafainali hiyo iliyokuwa marudio ya fainali ya Canada Sevens ambapo Fiji pia ilishinda 29-7.

Kenya ilijaribu kuwafuata Fiji kupitia mchezo wa kuridhisha uliomwezesha Billy Odhiambo kufunga, lakini trai ya Valemo Ravouvou ilipoteea Kenya imani.

Nahodha Oscar Ouma alijaribu kuonyesha uwezo wa Kenya kwa trai yake kupitia penalti, lakini maji yalikuwa yashamwagika kwa Shujaa.

Dereva aliyemsaidia mama kujifungua atuzwa

Na CHRIS ADUNGO

DEREVA aliyemsaida abiria mama mjamzito kujifungua katika barabara kuu ya Thika ametuzwa likizo yabei ghali na kampuni moja ya utalii humu nchini.

Mwanamke huyo, Philomena Mbithi, alisimulia jinsi dereva huyo, George Kariuki, alimsaidia kujifungua mtoto wa kiume baada ya kupatwa na uchungu wa uchu wa kujifungua baada ya kuabiri basi linalomilikiwa na kampuni ya 44 Company Sacco.

Dereva huyo, ambaye alikuwa anakumbushwa na kondakta kuhusu alivyokuwa akiendelea mama huyo ndani ya basi, alisitisha shughuli zote na kumsaidia mama huyo akajifungua.

 

Dereva huyo na kondakta wake wamemiminiwa sifa na Wakenya mitandaoni kwa ujasiri wao ambao ulitambuliwa na kampuni ya utalii ya Bonfire Adventures.

Ijumaa, kampuni hiyo iliamua kumtunuku dereva huyo likizo iliyolipiwa kupitia akaunti yake ya Twitter.

“Shujaa wa kweli – dereva aliyesaidia mama kujifungua mtoto salama. Hiki ni kitendo cha ukarimu na wakati tunasherehekea mashujaa wetu, tungependa kumpongeza dereva huyo kwa kumpa likizo. Tupe maoni ni wapi pazuri zaidi anafaa kuzuru,” ikasema taarifa ya kampuni hiyo.