Wanariadha na wapenzi wa kutunza mazingira walikusanyika katika Hifadhi ya Taifa ya Ol Donyo Sabuk, Kaunti ya Machakos, kushiriki Mbio za Kilimambogo Trail Marathon 2026 zilizolenga kuhamasisha uhifadhi wa mazingira na utalii.

Mashindano hayo yalijumuisha mbio za kilomita 5, 10 na nusu marathon ya kilomita 21, huku washiriki wakianza safari yao katika kingo za Mto Athi kabla ya kuelekea kileleni mwa Mlima Kilimambogo.

Kabla ya kuanza mbio, walishiriki zoezi la kupanda miti katika maeneo ya ukingo wa mto Athi. Miche hiyo ilitolewa na Huduma ya Misitu ya Kenya (KFS), Serikali ya Kaunti ya Machakos na  Seedballs Kenya.

Baada ya hapo, walipitia Ol Donyo mjini kuelekea Hifadhi ya Taifa ya Mbuga za Wanyama ya Ol Donyo Sabuk. Askari wa Huduma ya Wanyamapori Kenya (KWS) walipiga kambi katika maeneo mbalimbali ya njia hiyo kuhakikisha usalama wa walioshiriki mbio hizo.

Mbio hizo zilihitimishwa kwa hafla ya utoaji zawadi, ambapo washindi walitambuliwa huku kila aliyekamilisha mashindano akipewa medali.

Washindi wa Kilomita 5 ni pamoja na: Lamwel Ndanga (mshindi wa wanaume) Cynthia Omwega  (mshindi wa wanawake) na Hazel Ndanga (nafasi ya pili wanawake)

Kilomita 10; Joseph Muinduko (mshindi wa wanaume), Gideon Masinde  (nafasi ya pili wanaume) na Nyawira Maina (mshindi wa wanawake)

Kilomita 21; Edward Maina (mshindi wa wanaume), George Wafula (nafasi ya pili) na Gedion Mule (nafasi ya tatu)

Mbio hizo ziliandaliwa na East Trail Sports Series Ltd wakilenga kuwaleta wanariadha wa kiwango cha juu, wanaofanya mazoezi kuboresha afya yao na pia kuboresha mazingira. bu