NYALI, MOMBASA

KIPUSA wa hapa alikemewa vikali na wenzake kwa kukiri kwamba jamaa aliyekuwa akitoka naye kimapenzi ni mjomba wake. Jamaa amejaliwa pesa kama njugu na amekuwa akiwatunza vizuri marafiki za kipusa.

Juzi walipokuwa wakipiga gumzo katika kilabu kimoja hapa, demu aliwaambia kwake mapenzi hayana mipaka na akafunguka kuwa mpenzi wake ni mjomba wake.

Alisema uhusiano wao haujulikani na watu wa familia na kwamba hawana nia ya kuoana au kuzaa.

Wenzake hawakufurahishwa na ufichuzi huo wakimwambia kipusa kuwa yeye na mjomba huyo wake wanaalika laana katika maisha yao.

“Yenu ni mapenzi ya laana. Uhusiano wenu haukubaliki kwa vyovyote,” demu mmoja alimweleza kipusa na wenzake wakakubaliana naye.