Kichuna akemea bosi aliyejaribu kumbusu ofisini huku akimuonya vikali
MWANADADA anayefanya kazi katika ofisi moja mjini hapa alimfokea mdosi wake aliyejaribu kumbusu na kumlamu kwa kuvuka mipaka.
Inasemekana meneja huyo alikuwa akimmezea mate demu huyo na mara kwa mara alikuwa akimrushia mistari ambayo alihepa kwa ujanja.
Siku ya kisa, demu alienda kwa ofisi ya meneja kusaka ushauri kuhusiana na kazi naye jamaa akamchangamkia.
Alimsalimia na kumsongea akitaka kumpiga busu naye demu akamkomesha kwa kufoka.
“Unafikiri unafanya nini? Sasa umevuka mipaka na kunikosea heshima. Hapa nilikuja kazi na si kuchepuka na waume wa watu.”
“Iwapo unaona kazi yangu haitoshi, naenda kwa mwenye kampuni kumweleza aniongezee jukumu la ziada la kukuburudisha,”demu aliwaka na kuvutia wafanyakazi wenzake.
Meneja alimuomba radhi kipusa na nusura ampigie magoti ili asimripoti kwa mwenye kampuni.