Na GEOFFREY ANENE

CRANES ya Uganda imeanza kampeni ya kutafuta medali yake ya pili kwenye Kombe la Afrika (AFCON) baada ya nishani ya fedha mwaka 1978 kwa kucharaza Leopards ya DR Congo uwanjani Cairo International jijini Cairo nchini Misri, Jumamosi.

Vijana wa kocha Sebastien Desabre walizamisha mabingwa wa Afrika mwaka 1968 na 1974 kupitia mabao yaliyofungwa kupitia vichwa vya Patrick Kaddu na Emmanuel Okwi katika dakika za 14 na 48 mtawalia.

Licha ya kumiliki mpira kwa asilimia 48 dhidi ya 52, Uganda ilipata nafasi nyingi nzuri za mabao kuliko Leopards ya Florent Ibenge. Hata hivyo, baada ya 90 Uganda ndiyo ilionyesha kuwa iko nchini kama mgombezi kamili wa taji.

Huu ni ushindi wa pili mfululizo wa nambari 80 duniani Uganda dhidi ya nambari 49 duniani DR Congo na wa tatu dhidi ya majirani hawa katika mechi nne zilizopita.

Uganda ilichapa DR Congo 1-0 mwaka 2004 na kulimwa 4-0 katika mechi za kufuzu kushiriki Kombe la Dunia kabla ya kulipiza kisasi 1-0 katika mechi ya kupimana nguvu.

Ushindi huu ni wa pili mfululizo dhidi ya mabingwa wa zamani wa AFCON baada ya kulipua washindi wa mwaka 2015 Ivory Coast 1-0 katika mechi ya kirafiki hapo Juni 15 mjini Abu Dhabi nchini Milki za Kiarabu.

Uganda sasa inaongoza Kundi A kwa alama tatu sawa na wenyeji Misri waliolima Zimbabwe katika mechi ya kufungua mashindano mnamo Juni 21 usiku.

Cranes ilipigwa na Black Stars ya Ghana 2-0 katika fainali ya mwaka 1978. Waganda walirejea katika AFCON mwaka 2017 baada ya kuwa nje miaka 39. Hawakushinda mechi mwaka 2017 baada ya kulemewa na Ghana (1-0), Misri (1-0) na kutoka sare 1-1 dhidi ya Mali katika mechi zake za makundi.

MSIMAMO WA AFCON 2019:

Timu                          P   W   D    L    F    A   GD   Pts

Kundi A

Uganda                     1     1    0    0     2     0    +2    3

Misri                         1      1    0    0     1      0   +1     3

Zimbabwe               1      0    0    1     0     -1     0     0

DR Congo                1      0    0    1     0    -2     0     0

Kundi B

Nigeria                    0      0     0     0    0     0     0     0

Guinea                     0     0     0     0    0     0     0     0

Madagascar            0     0     0     0    0     0     0     0

Burundi                   0     0     0     0    0    0     0      0

Kundi C

Senegal                    0     0     0     0     0     0     0     0

Algeria                     0     0     0     0     0     0     0     0

Kenya                       0     0     0     0     0     0     0     0

Tanzania                  0     0     0     0     0     0     0     0

Kundi D

Morocco                   0     0     0     0     0     0    0     0

Ivory Coast              0      0    0     0     0     0    0     0

South Africa            0      0     0    0     0     0    0      0

Namibia                    0     0     0     0     0     0    0     0

Kundi E

Tunisia                      0     0    0      0      0     0    0    0

Mali                           0      0    0      0      0     0    0    0

Mauritania               0      0    0      0     0      0    0    0

Angola                       0      0    0      0     0      0    0    0

Kundi F

Cameroon                0      0    0     0     0     0      0     0

Ghana                       0      0    0     0     0      0      0    0

Benin                        0      0     0    0     0      0     0     0

Guinea-Bissau        0      0      0    0    0     0     0      0