RAIS wa Amerika Donald Trump Jumamosi aliitaka Ukraine kumbadilisha kiongozi wake Volodymyr Zelenskiy huku akifokea mashambulizi ya Ukraine dhidi ya miundomsingi ya mafuta Urusi, siku moja baada ya kutangaza mkataba wa dizeli na Urusi uliovuta shutuma kali kutoka kwa Zelenskiy. 

Katika mojawapo wa shutuma kali zaidi dhidi ya  White House, Zelenskiy alihusisha Amerika kuondolea vikwazo dizeli ya Urusi na shambulizi la Urusi Jumamosi lililowaua watu 20, wakiwemo watoto watatu katika mji wa Ukraine, Zaporizhzhia. 

Ongezeko pakubwa la bei ya dizeli duniani, kufuatia mlipuko wa vita Iran Februari, limekuwa mzigo kwa chama cha Trump cha Republican kabla ya chaguzi zijazo za katikati ya muhula, wakati ambapo Democrats huenda wakapata udhibiti wa bunge zote mbili. 

“Nafikiri wakati umewadia kwa Ukraine kupata rais mpya,” Trump alieleza wanahabari katika ikulu ya White House, akisema  Zelenskiy imeumiza bidhaa za dizeli duniani kupitia mashambulizi dhidi ya viwanda vya kusafisha mafuta vya Urusi. 

“Anataka kuwasababishia matatizo wakulima wetu, wafugaji wetu, kupitia mafuta ya dizeli kwa sababu Urusi inatoa sehemu kubwa ya mafuta ya dizeli ulimwenguni kote.” 

Awali, Zelenskiy alisema tangazo la Trump Ijumaa kuhusu mkataba wa dizeli na Rais wa Urusi Vladimir Putin umepatia Moscow ujasiri. 

 Kyiv badala yake imeirai Washington kushinikiza Moscow kwa mazungumzo thabiti ili kumaliza mapigano ya miaka minne na nusu. 

Serikali ya Urusi ilisema Jumamosi kuwa imefuta sehemu ya marufuku dhidi ya uuzaji bidhaa za dizeli katika mafuta ya kigeni. 

Zaporizhzhia, Ukraine Kusini, imelengwa mara kwa mara katika mashambulizi makali ya Urusi ambayo yameongezeka katika miezi michache iliyopita. 

Trump alitangaza mkataba wa dizeli mazungumzo yalipokuwa yakiendelea, hatua ambayo Zelenskiy alisema haikutarajiwa na Kyiv. 

Wajumbe wa Ukraine walikuwa wakielekea nyumbani Jumamosi, msaidizi wa rais Dmytro Lytvyn alinukuliwa akisema na kituo cha habari cha  Interfax Ukraine. 

Putin alisema baada ya mawasiliano kupitia simu na Trump Ijumaa kwamba hakuna uwezekano wa mazungumzo ya amani kurejea, akitaja mashambulizi ya droni kutoka Ukraine dhidi ya Moscow. 

Wapatanishi wa Amerika Steve Witkoff na Jared Kushner huenda wakazuru Moscow katika  wiki chache zijazo, Idhaa ya Kitaifa ya Habari Urusi,  TASS, iliripoti Jumamosi. 

Katika matamshi yake  White House, Trump alimkosoa  Zelenskiy kuhusu ukosefu wa mkataba wa amani, huku akiitisha kukomesha mashambulizi ya Ukraine dhidi ya vituo vya nishati vya Urusi. 

“Nilimwambia, ‘Fanya unachotaka. Usilenge vituo vya kusafisha mafuta. Kuna vituo vingi vya kushambulia. Usishambulie vituo vya kusafisha mafuta.’ Na akaenda akavishambulia,” alisema Trump. “Itakuwa bora ikiwa atakoma.” 

“Napendekeza tupate kiongozi mpya anayeweza kufanya mkataba kwa sababu angeweza kufanya mikataba mingi, lakini kwa sababu fulani, huwa hafanyi hivyo kamwe.“