MAPISHI: Pancakes

MUDA wa kuandaa: Dakika 10

Muda wa mapishi: Dakika 30

Walaji: 4

Mlo wa asubuhi ama kiamsha kinywa ni wa muhimu sana. Watu wengi hufurahia kula pancakes kama kiamsha kinywa. Ni rahisi kuandaa na hazichukui muda mrefu wa mwandaaji.

Vinavyohitajika

Vikombe 3 vya unga wa ngano
Kijiko 1 cha baking powder
Kijiko ¼ cha baking soda
Kijiko ¼ cha chumvi
Kikombe 1 cha maziwa
Kikombe ¼ sukari
Yai 1
Kijiko 1 cha vanilla extract
Kikombe ¼ siagi iliyoyeyushwa
Mdalasini kijiko 1 cha chai

Maelekezo

Kwenye bakuli kubwa changanya unga wa ngano, cocoa powder, baking soda, baking powder, chumvi na sukari. Changanya vizuri.

Hatua ya mwanzo kabisa ya kuandaa pancakes. Picha/ Margaret Maina

Kwenye bakuli jingine, changanya maziwa, siagi iliyoyeyushwa, yai na vanilla extract mpaka ichanganyike vizuri.

Chukua mchanganyiko wenye maziwa, mimina kwenye mchanganyiko wenye unga. Sasa changanya vizuri hakikisha hauwi mzito sana wala mwepesi sana.

Kwenye kikaangio kisichoshika chini (non-stick), katika moto wa chini, mwagia unga kiasi cha robo kikombe. Pika mpaka upande wa chini uwe kahawia kwa mbali, na pancake itune kwa juu.