NA JANET KAVUNGA

MTOPANGA, MOMBASA

JOMBI mmoja wa hapa aliwashangaza dada zake alipowaomba wamsaidie kumwingiza boksi mwanadada aliyekuwa akimmezea mate.

Jamaa alipoteza bahati alipoingiwa na tumbojoto majuzi akaogopa kumrushia chambo demu huyo ambaye kulingana na mdokezi, amejaliwa umbo na urembo wa kuwafanya wanaume kudondokwa mate.

Aliwaomba dada zake kumsaidia kumrushia mistari kidosho huyo nao wakakubali kumsaidia kwa masharti kuwa akimkubali hatawaangusha kamwe.

“Sisi tutakusaidia kumpata huyu mwanadada mradi tu akiingia boksi usituangushe. Uwe ukimhudumia vilivyo na kukidhi mahitaji yake kama mume. Itabidi upunguze dozi kwanza,” dada mkubwa wa demu alimweleza.

Jamaa alikubali masharti yote ya dada zake kwa kuwa alikuwa amepagawishwa na demu huyo.