Chifu anayekabili uasherati, HIV kwa kutandika wazinifu mijeledi

Na BERNARD OJWANG

KAUNTI ya Homa Bay imegonga vichwa vya habari mara nyingi kwa sababu zisizo njema kama vile kukithiri kwa maambuizi ya HIV, mimba za mapema na kadhalika.

Lakini sasa, chifu mmoja katika kaunti hiyo ameamua kudumisha nidhamu kwa kukabiliana na uasherati katika eneo lake kwa njia ya kipekee.

Chifu Bob Odhiambo wa lokesheni ya Arujo, humchapa viboko mtu yeyote anayepatikana akifanya mapenzi hadharani, anayepatikana akizini ama yeyote anayedhulumu mtoto kimapenzi.

Anaamini kuwa hatua hiyo itasaidia kukabili maambukizi mapya ya virusi vya Ukimwi.

Ripoti ya hivi punde kabisa kutoka kwenye Baraza la Kukabili Ukimwi Nchini ilisema kuwa Kaunti ya Homa Bay inaongoza katika maambukizi mapya ya virusi hivyo.

Takwimu zinaonyesha kuwa wanawake ndio wanaathiriwa zaidi, wakiwa ni asilimia 21.1 huku asimilia 19 ya wanaume ikiwa imeathiriwa.

Utafiti umebainisha kwamba usherati unachangia pakubwa ueneaji wa maambukizi hayo kwa kasi.

Jitihada kadhaa zimefanywa kukabili mtindo huu lakini mbinu hii ni muhali.

Kila asubuhi, Bw Lang’o huamka kujitayarisha kwa siku iliyo mbele yake na katika masuala ya familia.

Nyumbani kwake, ni wazi jinsi yeye ni kielelezo kwani mapenzi na uwiano wa kifamilia ni bayana kwa mgeni yeyote anayewatembelea.

Anasema ni nidhamu hii anayoitaka miongoni mwa wakazi wa kata ya Arujo.

Katika mahojiano, alisema aliamua kuchukua hatua ya kuchapa viboko washerati kwa sababu alikuwa akipokea ripoti kila siku kuhusu watu wanaozini.

Bw Odhiambo aliamua kunyoosha tabia za wakazi katika eneo lake.

“Tumegundua kwamba wanaume ndio huhusika zaidi katika uasherati. Ijapokuwa inasemekana wanawake wamekuwa wakiwanyima wanaume haki zao, hiyo si sababu ya watu kujihusisha katika uasherati. Lazima turudishe nidhamu. Sitaki uasherati katika kata yangu,” akasema.

Alieleza jinsi hali imekuwa mbaya hadi watu hushiriki ngono hadharani bila kujali, huku wanawake wakongwe pia wakinyemelea vijana wadogo.

“Juzi kuna mama alikuja kwangu akaniambia kuna mama mzee anajamiiana na kijana wake. Nilimwita nikamtwanga kwelikweli! Watoto wa shule wanafaa kuachwa wasome,” akasema.

Wakazi wa kata hiyo wamesifu hatua za chifu wao na kusema imesaidia sana kudumisha ndoa na kuepusha watu kuhatarisha maisha yao kwa magonjwa ya zinaa.

Mkazi Samwel Omondi alisema tangu chifu huyo alipoanza kuchapa watu viboko, nidhamu imeanza kurejea katika eneo hilo na uasherati umepungua.

“Hapa ilikuwa mambo ni usherati kila mahali. Ukitembea kwa kichochoro unakuta tu mwanamke amekamatwa na bwana ya mtu…mwanamume na bibi ya mtu, hata watoto wa shule. Hali ilikuwa mbaya sana na usherati ilikuwa juu. Tangu chifu aanze kutumia viboko, kuna heshima sasa,” akasema Bw Omondi.

Mkazi mwingine, Bi Beatrice Akinyi alieleza jinsi wanaume walianza kutoa vijisababu visivyo na msingi walipokuwa wakiulizwa kwa nini wanajihusisha katika usherati ilhali wameacha wake zao nyumbani.

“Hata unapowauliza kuhusu kile kinawafanya watoke, hawasemi. Wanatoa tu maneno yasiyo na msingi…mara kusema kwamba hawapati chakula. Acha kiboko iendelee,” akasema Bi Akinyi.

Chifu Odhiambo anaogopwa na wengi. Anaamini kuwa anachokifanya kitasaidia kuzuia kusambaa kwa virusi vya Ukimwi.

Kulingana naye, idadi ya walio na Ukimwi katika eneo hilo ni ya kutamausha, ndiposa anawaadhibu wasiozingatia maadili.

Anasema kuwa hajali iwapo kuna watu wanamchukia kwa misimamo yake, bora lengo lake liafikiwe.

“Hata wakinichukia au la, mimi sijali. Heshima lazima idumu na ugonjwa wa Ukimwi pia upungue,” akasema chifu huyo.

Juhudi zake zimeleta tabasamu katika nyuso za baadhi ya vijana walio kwenye ndoa.

Bi Pamela Adoyo ni mmoja wa walionufaika kwa kiboko cha chifu.

Anasema alikuwa na ndoa yenye misukosuko lakini baada ya kuripoti kwa chifu, sasa ana furaha.

“Zamani nilikuwa naishi maisha mabaya. Mume wangu alikuwa analala nje, tunalala njaa na watoto. Yeye mara ameenda na bibi ya mtu mwingine kwa lojing’i, akirudi ananipiga vibaya. Nilienda kwa kanisa ili niombe lakini hilo halikusaidia,” akasema.

Bi Adoyo alichukua hatua na kwenda kwa chifu wa micharazo ndipo akapata usaidizi.

“Nakwambia alichapwa mbele yangu kwelikweli. Hadi wa leo tunaishi kwa amani. Ikifika saa kumi na mbili jioni unakuta asharudi kwa nyumba akiwa amebebea familia kitu kwa mkoba. Chifu amenisaidia,” akasema.

Bi Elizabeth Akoth mwenye umri wa miaka 47 pia alimshukuru Chifu Odhiambo kwa kumsaidia. Anadai kuwa uzinzi ulikuwa umeathiri ndoa yake pakubwa lakini sasa mambo yameimarika.

“Mimi nilikuwa napigwa. Maisha yangu yalikuwa magumu sana. Tangu anyoroshwe, mambo sasa yako safi. Ameniheshimu,” akasema.

Katika kitongoji cha Shauri Yako, kata ya Arujo mkazi Collince Olang, anasema ngono za kiholela zilikuwa jambo la kawaida hapa.

Bw Olang ambaye alikiri pia alikuwa akijihusisha na tabia hiyo, kwa sasa amefungua ukurasa mpya maishani.

“Tulikuwa tunaelekea pale Sofia (kituo cha kibiashara). Ukiona bibi ya mtu amevaa nguo imemshika mwili vizuri, unachukua namba yake kisha unampa Sh200…mambo kwisha,” anaeleza.

Chifu Odhiambo anasema kuwa, kituo hicho cha kibiashara kilikuwa mojawapo ya maeneo sugu zaidi ya usherati.

“Nilienda huko nikapata kila kitu kimesambaratika. Katika uwanja kulikuwa na watu wanalala na wake au mabwana za watu. Nilitwanga kweli kweli! Ilikuwa ni aibu sana kila mahali ukigeuka ni mipira ya kondomu. Kuna wengine wengi walikuwa wakitenda usherati bila kutumia kinga. Ilikuwa ni Sodoma na Gomora,” akasema.

Bw Olang anakumbuka kilichofanyika mwaka jana baada ya sherehe za siku ya Jamhuri.

Alijiunga na rafiki yake katika uwanja wa Homa Bay kama kawaida, kuwasubiri wanawake wanaoenda sokoni na kuwapa Sh200 ili wakubali kulala nao.

Walishikwa papo hapo na chifu Odhiambo wakirushana roho. Viboko alivyovipokea vilibadilisha maisha yake.

Inadaiwa kuwa chifu aliwawekea mtego baada ya kupashwa habari na wakaazi wenye ghadhabu.

“Hapo kulikuwa kubaya. Ukishamalizana na huyu unatafuta mwingine, na saa hizo huyo ni bibi ya mtu,” akasema Bw Olang.

Bw Olang sasa ni mwingi wa toba. Kwa sasa anashirikiana na chifu kukabiliana na ngono za kiholela. Anasaidia chifu kufika maeneo yote ambako usherati umekuwa ukifanyika.

“Kwa wenye nililala na mabibi zao naomba msamaha, sikujua. Saa hizi naunga chifu mkono na hii tabia lazima tumalize,” akasema.

Wakaazi wa hapa, haswa kina mama walioolewa, wamepongeza sana juhudi za chifu Odhiambo.

Mke mhanyaji ataka wahame usiku

Na TOBBIE WEKESA

KANGEMI, NAIROBI

Kioja kilizuka kwenye ploti moja mtaani humu baada ya mwanadada kumshurutisha jamaa kuhama ploti alipotishiwa maisha na mke wa landilodi kwa kumnyemelea mumewe.

Inadaiwa kwamba jamaa hakufurahishwa na shinikizo la mkewe na akashuku alitaka kukwepa jambo fulani.

“Mimi nimechoshwa na maisha ya huku. Hebu tuhame haraka. Tusimweleze yeyote tutakohamia na pia tutahama usiku,” kipusa alimueleza jamaa

Maneno haya yalimshtua polo zaidi. “Mwezi ulipoanza hukuniambia lolote kuhusiana na kuhama. Tena mbona tuhame usiku,” jamaa alimuuliza kipusa. Duru zinasema mwanadada alitishia kumuacha jamaa asipokubali kuhama.

“Kama hutaki kusikia ninachosema basi mimi nitakuacha hapa. Ishi peke yako. Sitakubembeleza,” mwanadada alitishia.

Jamaa alionekana kukerwa na maneno ya mkewe. “Hujaniambia sababu ya kutaka kuhama ghafla. Sitaki kusikia tena huo upuzi wako,” alimkaripia mkewe.

Inadaiwa mwanadada alipandwa na hamaki na kuanza kumfokea polo.

“Kama unataka nikueleze sababu ya kutaka kuhama utangoja milele. Ni wewe unakaa mbumbumbu. Elewa haraka,” kipusa alimfokea polo. Penyenye zinasema kipusa alitaka kuhama ploti baada ya kutishiwa maisha na mke wa landilodi.

Inadaiwa mke wa landilodi alikuwa amempata akila fuska na mumewe na akaapa kumuadhibu na kumuaibisha kwa wapangaji wenzake.

Hata hivyo, hakumfichulia mumewe sababu ya kumtaka wahame.

Duru zinasema kipusa aliamua kuondoka na kumuacha jamaa plotini.

“Kuna uwezekano unahepa jambo fulani. Kama si hivyo basi umeanza kutumia bangi. Sitakubali kubebwa kama mtu mjinga,” jamaa alimfokea kipusa.

Mwanadada alipoondoka ndipo jamaa alifahamishwa na wambea kilichotendeka naye akampigia simu kumfahamishwa kwamba alifanya vizuri kuondoka ili asiendelee kumuaibisha plotini.

Vipusa wahamia kwa polo mkora

Na TOBBIE WEKESA

NETIMA, BUNGOMA

POLO mmoja kutoka eneo hili alijipata taabani baada ya warembo wawili kumvamia wakitaka awaoe wote.

Inadaiwa warembo hao waliudhika sana walipogundua kuwa polo anawachezea shere akichovya asali ya kila mmoja kisiri.

Kulingana na mdokezi, mabanati hao walipata fununu kutoka kwa wenyeji kuhusu mienendo ya polo, na alivyokuwa akiwacheza kimapenzi.

Kutia msumari moto kwenye kidonda, vipusa hao walikuwa wakijuana kwani walisomea shule moja ya msingi licha yao kuishi vijiji tofauti.

Duru zinasema walisikizana kumuwekea polo mtego.

Siku ya tukio, polo alimpigia mrembo mmoja simu aende kumhudumia kama ilivyokuwa desturi.

Punde tu mrembo huyo akamjuza mwenzake na wakaamua kukutana kwa polo.

Walipofika nyumbani kwa jamaa kila mmoja alikuwa amebeba mkoba ulioonekana kuwa na nguo mke ndani.

“Tumekuja utuoe sote sasa. Hakuna haja ya wewe kula kwangu kisha unapagusa mdomo kama paka na kumrukia mwenzangu pia,” kipusa mmoja alifoka.

Habari zilizotufikia zinasema kuwa jamaa alimaka na kubaki mdomo wazi.

“Hakuna pahali tunaenda. Kuanzia leo tumekubali kuwa wake wenza. Tumekuletea asali karibu, tena mizinga yote miwili,” mabinti hao walimkaripia polo.

Waliendelea: “Hatubanduki sisi. Umekuwa na mazoea ya kutoka kwangu unaenda kwake. Ukitoka kwake unakuja kwangu. Leo unatuoa sote wawili!”

Kalameni alijaribu kuwarai warudi kwao ili kwanza ajipange, lakini vidosho hao wenye hasira hawakutaka kusikia lolote.

“Umekuwa ukitupiga mashuti papa hapa ndani ya hii nyumba, jinsi ilivyo. Hakuna kujipanga. Tutaishi na wewe hapa,” polo aliambiwa.

Duru zinasema polo aliamua kutorokea kwa mamake mambo yalipomzidia, akajifungia humo.

“Anafikiri sisi ni wajinga. Hatuondoki hapa. Tabia zake tunazijua. Hata pengine kuna wengine kadhaa kule nje,” mrembo mmoja alidai.

Zogo mke kuvukishwa mto na ‘ex’

Na Leah Makena

GACIONGO, THARAKA NITHI

Sinema ya bure ilishuhudiwa eneo hili mume alipompapura mke wake kwa kuvukishwa mto na mpenzi wake wa kitambo akishuku walikuwa na mpango wa kurudiana.

Mke wa polo alikuwa amejiunga na baadhi ya wanakijiji kuhudhuria sherehe ya kuhitimu kwa binamu yao mjini. Safari ilikuwa shwari ila walipokuwa wakirejea nyumbani wakafungiwa njia na mto uliokuwa umevunja kingo.

Wasafiri walilazimika kungoja kwa masaa kadhaa kabla ya mto huo kurejelea hali yake. Hata hivyo, hawakuwa na budi kulipa barobaro waliokuwa wakivukisha wasafiri na ndipo kidosho akapata ofa ya kuvukishwa bila malipo na mpenzi wa kitambo.

Baadhi ya waliojua kuwa jamaa huyo alikuwa akirushia kidosho mistari hapo awali walivutia polo waya na kumfahamisha yaliyokuwa yakijiri. Mume aliyekuwa dereva wa boda boda alifika hapo haraka upesi na kuzua kioja.

Aliposhindwa kukabili hasidi wake ambaye alipiga mbizi kwenye maji na kuvuka hadi ng’ambo ya pili, aligeukia mke wake na kumtandika akidai alikuwa mkosa heshima.

“Kati ya wanaume wote hawa huyo nyang’au ndiye umeona akuvukishe? Mbona basi hujapotea naye majini mkafufue uhusiano wenu? Hivi unataka kuonyesha watu hawa mimi sikufai? Nitakupa adabu leo,” polo alichemka.

Ilibidi wasafiri waingilie kati na kumnasua kidosho kutoka kwa mikono ya mume aliyelewa kwa hasira huku akimtaka kurejea kwa wazazi wake baada ya kukataa kuamini maelezo ya kidosho kuwa hawakuwa na uhusiano wowote kwa sasa.

Kidosho alisikika akisema hangerejea kwa polo tena licha ya wazazi wa pande zote mbili kufanya kikao cha kutatua mgogoro huo. Polo alitakiwa kuomba msamaha kwa kutandika mke hadharani.

Kipusa agawa asali kulipiza kisasi

Na Tobbie Wekesa

KABUCHAI, BUNGOMA

POLO mmoja wa eneo hili, alishindwa kujieleza alipogundua kuwa mkewe alitekeleza tishio lake la kugawa asali.

Inasemekana kipusa alikuwa ametishia kuchepuka iwapo polo asingekoma kuwa na mipango ya kando.

Kulingana na mdokezi, kipusa alikuwa amekasirishwa na tabia ya jamaa ya kutongoza wanawake wa wenyewe.

Inadaiwa kipusa alijaribu kumkanya polo aachane na tabia hiyo lakini hakukoma.

Inasemekana mara kwa mara wawili hawa walikuwa wakigombana.

Kulingana na mdokezi, kipusa alipoona polo hakuwa tayari kuacha tabia hiyo, naye aliamua kufuata njia hiyo hiyo.

“Usifikirie mimi ni jiwe. Wazungu walisema ‘you do me, I do you’. Sitaki kusikia ukilalamika,” kipusa alimfokea polo.

Penyenye zinasema polo alianza kumzomea kipusa lakini mwanadada alikuwa ameamua.

Juzi jamaa aligundua kuwa kipusa alikuwa ameanza kutekeleza tishio lake.

Inadaiwa polo aliondoka asubuhi na aliporejea jioni, hakumpata mkewe. Alipojaribu kumpigia simu, kipusa hakupokea ila alimtumia ujumbe kumuarifu ajipange.

Inasemekana polo alibaki mdomo wazi. Kipusa aliporejea, alimkuta polo kwenye kochi.

“Mbona leo umerudi mapema hivi? Ama hukuwa na mteja?” kipusa alimuuliza polo.

Duru zinasema polo alipomuuliza kipusa alikotoka, jibu la kipusa karibu limpe polo mshtuko wa moyo.

“Tangu tuoane hatujapata mtoto. Shida ni wewe. Unalima mashamba mengi kisha ukirudi kwangu huwa umechoka. Acha nitafute vijana barobaro huko nje wanaoweza hii kazi,” kipusa alimfokea polo.

“Shughulikia hali yako nami nishughulikie yangu. Ukifanya nami nafanya. Ukirudi kwa nyumba hata nami narudi. Kwani kuna nini,” kipusa aliuliza.

“Ukitembelea vimada wako, nami natembelea wangu. Tuwe sambamba,” mwanadada alieleza bila kupesa jicho.

Kipusa awaka kupata sketi kitandani

Na LEAH MAKENA

SABAKI, SYOKIMAU

Mgogoro ulizuka katika nyumba moja eneo hili kipusa aliyemtembelea mpenzi wake alipowaka kwa hasira baada yakupata sketi ya mwanamke kwenye kitanda.

Mrembo alikuwa na mazoea ya kufika kwa mpenzi bila kumwarifu aliposhuku alikuwa na warembo wengi.

Siku moja kabla ya kidosho kufika, jamaa alikuwa amealika kikundi cha vijana wa kanisa lao kwake ili kuandaa mlo kwa ajili ya hafla waliyokuwa nayo kwa sababu nyumba yake ina nafasi ya kutosha.

Baada ya shughuli hiyo kukamilika usiku wa manane, polo aliwapa nafasi za kulala ili waraukie shughuli keshoye. Kwa heshima, jamaa alikubali warembo kujimwaga kwenye kitanda chake huku waume wakijilaza sakafuni na kwenye kochi.

Katika harakati za kuondoka mmoja wa warembo hao alisahau vazi lake kitandani na likazua zogo kidosho alipolipata saa saba mchana jamaa alipokuwa akihudhuria ibada.

Kwa machungu, kidosho alianza kutumia mpenzi jumbe za kushtua akimtaja kuwa kahaba aliyezoea kubadilisha wanawake kama nguo.

“Siku yako ya arobaini imefika leo, nimekuwa nikikushuku ila leo shetani amekuanika. Baada ya kurambishwa asali ulisahau kukumbusha mpita njia kubeba nguo zote?” kidosho alikejeli.

Jamaa alilazimika kuacha ibada ili kufika kusuluhisha mzozo huo ila akashindwa kidosho alipokosa kuelewa kuwa alikuwa na wageni usiku wa kuamkia siku hiyo.

Juhudi za polo za kuita majirani wamshawishi mpenzi wake ziligonga mwamba kwani alishikilia kuwa alikuwa akichezewa shere.

Kipusa aliondoka kwa dharau baada ya kurushia jamaa funguo sakafuni na kumtaka aendelee kualika warembo na kumtaka jamaa amsahau maishani.

Jombi azimia kung’amua mke ana mwanaharamu

NA NICHOLAS CHERUIYOT

BELGUT, KERICHO

Jombi wa hapa, alizimia kwa muda baada ya kugundua kuwa mkewe ana mtoto wa kiume aliyezaa kabla ya kuoana.

Inaarifiwa kuwa jamaa na mkewe walioana miaka kumi iliyopita na wamekuwa na maisha ya ndoa ya furaha.

Siku ya tukio, jamaa alikuwa akitangatanga mtaani alipopigiwa simu na shemeji yake mmoja.

Baada ya salamu za kawaida, jamaa aliambiwa ajitayarishe kwa sherehe ya kabla na baada ya jandoni kwa mwanawe.

“Alishauriwa kuwa atagharimia kila kitu lakini sherehe itafanyika kwa wakwe zake,” mdaku aarifu.

Jamaa alicheka akidai kuwa aliyempigia simu alikuwa amekosea nambari lakini akaelezwa kwa kina vile mkewe alivyozaa akiwa bado katika shule ya sekondari.

Alifahamishwa polepole kuwa baba ya kijana huyo hajulikani na kwa hivyo sharti awajibike kama baba kwa kuwa alimuoa mama yake.

Ufichuzi huo ulimchoma jombi sana na akafululiza hadi kwake kumdadisi mkewe.

“Kumbe tayari ulikuwa mzazi wakati tukichumbiana? Ndoa hii itaporomoka leo nikijua kuwa yale niliambiwa ni ukweli,” jamaa alinguruma huku akitetemeka kwa hasira.

“Mrembo alivamiwa na wasiwasi na kusitasita kabla ya kuongea vizuri,” mdaku aarifu.

“Naomba msamaha kwa kuficha habari ya mwanangu wa kiume. Hata nilikuwa na mpango wa kukuelezea. Hata hivyo, usiwe na shaka maana sitakutwika jukumu la kumlea au kumlipia karo. Nimejipanga na hutatoa hata senti,” mrembo alisema kwa ukakamavu.

Inaelezwa kuwa ufichuzi ulikuwa mzito kwa jombi na akazirai. Ilikuwa afueni kwa jamaa zake polo aliporudiwa na fahamu upesi na akaanza kupatiwa ushauri moja kwa moja.

Kibarua adungwa kisu alipofumaniwa na mke wa mtu kitandani

Na GEORGE MUNENE

MAISHA ya kibarua mmoja katika Kaunti ya Kirinyaga yako hatarini baada ya kudungwa kwa kisu na mwanamume ambaye alimpata kitandani na mkewe.

Inadaiwa kuwa mume huyo alikuwa ameondoka nyumbani kuelekea kazini Jumatatu asubuhi, lakini akagundua alikuwa amesahau kitambulisho.

Hata hivyo, aliporejea nyumbani alishangaa kumpata mfanyakazi huyo kitandani na mkewe, ndipo akapandwa na hasira na kuchukua kisu, akamdunga mikononi na sehemu nyingine za mwili, akimsababishia majeraha tele mwilini.

Kisa hicho kilitokea katika kituo cha kibiashara cha Mutithi.

Mshukiwa alipiga mayowe akitafuta usaidizi, nduru zake zikiwavutia wakazi wengi ambao walimwokoa na kumkimbiza katika hospitali ya kibinafsi ya White Rose, ambapo bado anatibiwa baada ya kushonwa majeraha.

Mume husika alikamatwa na polisi wa utawala eneo hilo na bado anazuiliwa akihojiwa, wakazi wakisema alikuwa karibu kumuua mfanyakazi huyo.

“Ikiwa wakazi wasingefika kwa haraka na kuingilia kati, angemuua mwathiriwa,” akasema Bi Caroline Wambui, mkazi.

Wakazi walisema kuwa wakati hali bado ilikuwa tete mshukiwa na mfanyakazi huyo wakikabiliana, mwanamke husika alitoroka na kuenda pasipojulikana.

“Alitoroka kutoka ndani ya nyumba na kumuacha mumewe akimvamia mfanyakazi huyo,” Bi Wambui akasema. Bw John Mwangi, jirani mwingine alisema kuwa alikuwa nyumbani wakati huo ndipo akasikia kemi kutoka kwa mwathiriwa, akisema alipofika alimpata akigaagaa chini kwa uchungu.

Polo ahama baada ya kufumania mke akitafunwa na rafiki

Na TOBBIE WEKESA

USENGE, BONDO

Kalameni mmoja wa eneo hili aliwashangaza wengi alipoamua kugura boma baada ya kumpata mkewe akila uroda na rafiki yake. Inasemekana polo alifunganya virago na kuondoka bila kumueleza yeyote alikokuwa akienda.

Kulingana na mdokezi, polo alikuwa ameondoka nyumbani kuhudhuria mkutano uliokuwa umeandaliwa na wazee wa ukoo wake.

Duru zinaarifu kwamba mkewe naye alitumia fursa hiyo kumualika jamaa ambaye wengi walikuwa wakimfahamu kama rafiki wa karibu wa polo.

Inadaiwa mwanadada na jamaa huyo waliingia kitandani na kuanza kulishana tunda bila wasiwasi wowote. Penyenye zinasema kabla ya muda mfupi, polo aliwasili bila kubisha.

Mdokezi anasema kwamba polo alimkuta jamaa aliyemchukua kama mwandani wake akichovya asali yake bila wasiwasi.

“Mnafanya nini,” polo alifoka naye jamaa akamkodolea macho tu asijue la kufanya. “Unawezaje kufanya tendo kama hili kwenye kitanda changu,” polo alizidi kumfokea mkewe.

Inasemekana polo aliwaeleza waendelee na shughuli zao. “Nimekuchukua kama rafiki wangu wa karibu sana. Sikujua unanikula kichinichini. Nimekuachia mke huyo ukitaka kumuoa mchukue,” polo alimfokea jamaa.

Penyenye zinasema polo alianza kukusanya vitu vyake huku jamaa akipata mwanya wa kuhepa. “Mwambie mpango wako wa kando arudi akuoe.

“Hata nyumba na kitanda nimemuachia. Mimi naenda zangu,” polo alimueleza kipusa huku akianza safari. Kulingana na mdokezi polo alimueleza kila aliyekutana naye sababu ya kugura boma lake. Wenyeji walishangazwa sana na tukio hilo.

“Huyu mwanamke amenikosea heshima sana. Siwezi kuishi naye tena katika chumba kimoja,” polo aliwaeleza majirani.

Inasemekana mkewe alifunganya virago na kutoweka boma likabaki bila mtu.

KIKOLEZO: Utamu wa mchepuko

Mariah Carey. Picha/ Hisani

Afumaniwa akigawia ‘mjomba wa ughaibuni’ asali

Na TOBBIE WEKESA

UTAWALA, NAIROBI

ILIKUWA ni mguu niponye kwa kipusa mmoja eneo hili baada ya kunaswa na mume wake akigawa tunda.? Inasemekana kipusa alinaswa katika kitanda cha ndoa akiwa na jamaa mwingine wakilishana uroda.

Kulingana na mdokezi, jamaa alipenda kumtambulisha jamaa kwa watu kama kijana wa mjomba wake.

Mara kwa mara, jamaa huyo alikuwa akitembea na kipusa na yeyote akitaka kujua uhusiano kati yao, jibu lake kwao lilikuwa kwamba ni mmoja wa jamaa zake.

Duru zinasema kwamba mume wa kipusa alikuwa akishuku polo kwa sababu alikuwa akiwafahamu jamaa wote wa kipusa.

“Huyu ni mtoto wa mjomba wangu. Hauwezi kumjua kwa sababu hajalelewa wala kusomea humu nchini,” kipusa alimueleza mumewe.

Duru zinasema mume wa kipusa aliamua kuweka mtego. Inadaiwa aliamua kupanga safari ya ghafla huku akieleza mkewe ingechukua siku tatu.

Kulingana na mdokezi, polo alienda na kujificha katika hoteli moja iliyoko mtaani. Baada ya saa kadhaa alirudi kwake.

“Alipofika kwake, hakuamini macho yake. Alimkuta jamaa aliyeambiwa na mkewe alikuwa kijana wa mjomba akiwa juu ya mzinga akiguguna asali,” alieleza mdokezi.

Alipogundua kwamba mumewe alikuwa ameingia ghafla, kipusa aliruka na kumsukuma kisha akachomoka mbio lakini akamkamata.

“Unafikiri mimi ni mjinga. Nilijua mchezo wako siku moja utafika ukingoni,” polo alimkemea kipusa huku akimuangushia makofi. ? Kipusa alijaribu kuomba msamaha lakini wapi.

“Huwa nakupa kila kitu lakini bado unagawa nje. Mbona huridhiki,” polo alimkaripia kipusa. ? Wenyeji walibaki midomo wazi.

“Umenidanganya sana. Haya mambo hujaanza leo. Na kwanza mnafanyia vituko vyenu kwenye kitanda changu,” polo alimfokea.

Natoka na mumeo, kipusa ajigamba

Na MIRRIAM MUTUNGA

SOUTH B, NAIROBI

SINEMA ya bure ilishuhudiwa kwenye ploti moja mtaani hapa vipusa wawili walipotwangana makonde mmoja alipomwambia mwenzake mumewe alikuwa mpenzi wake kwa muda mrefu.

Kulingana na mdokezi, kipusa huyo alikuwa akifanya kazi kwenye baa moja mtaani hapa na alikuwa na mazoea ya kulewa chopi. Fununu za mitaani zinatuarifu kwamba kipusa huyo alikuwa na tabia ya kuwateka wanaume.

Siku ya kisanga, alikuwa amelewa chakari na akaanza kupayukapayuka hadi akafichua siri.

“Mimi nimeumbwa nikaumbika na ndio maana nimemvutia mumeo hadi akaingia kwenye mtego wangu. Mumeo amekuwa mpenzi wangu kwa muda mrefu na bado mapenzi yetu yamepamba moto,” kipusa aliropoka alipokutana na mwenzake.

Kusikia hivyo mwenzake alichemka kwa hasira na kumfokea vikali.

“Nugu wewe, kwa nini unaniendea kinyume ilhali mimi ni jirani yako. Muda huo wote umekuwa ukimtongoza mume wangu na kuzuia penzi lake kwangu,” kipusa alimfokea mwenzake kwa hasira. Wawili hao walianza kurushiana cheche za matusi zilizoibua vita vikali.

“Lazima umkome mume wangu upende usipende. Na kwa taarifa yako utakiona cha mtema kuni,” kipusa aliendelea kufoka. Wapangaji kuona wawili hao wakimenyana waliingilia kati na kuzima mzozo huo ili kuepusha balaa.

Waliwakemea vikali vipusa hao kwa kuzua kisirani kwenye ploti huku wakimlaumu kipusa kwa kuvuruga ndoa ya mwenzake. Lakini mwanadada huyo alijigamba kuwa gwiji wa kuwaingiza boksi waume wa watu na kuwalaumu wanawake mtaani kwa kushindwa kuwaburudisha mabwana zao.

“Niacheni, ikiwa wanawake wameshindwa kuwatimizia waume zao hawafai kunilaunu nikijaza pengo hilo,” mwanadada aliwaeleza wapangaji na kuwaacha midomo wazi.

Polo aliyeacha dirisha wazi kurina asali ya kando afumaniwa na mpenzi

Na TOBBIE WEKESA

DANDORA, NAIROBI.

Kioja kilizuka kwenye ploti moja mtaani hapa baada ya kipusa kumfumania mchumba wake akila uroda na mpango wa kando.

Inasemekana demu alimpata polo juu ya mzinga akichovya asali huku dirisha likiwa wazi.?

Duru zinasema kipusa alikuwa na wasiwasi kwa sababu hakuwa amewasiliana na polo siku nzima.

Kulingana na mdokezi, simu ya polo ilikuwa mteja na akaamua kwenda hadi alikoishi kubaini kilichokuwa kikiendelea. ? I

nadaiwa alipofika kwa mlango wa nyumba ya jamaa, alikaribishwa na viatu vya kidosho aliyekuwa chumbani.

Inasemekana mwanadada aliamua kujitupa ndani ya nyumba mara moja. Jamaa alisikia sauti ya mlango ukisukumwa lakini akafikiri ni paka aliyependa kuwasumbua.

Kipusa alifululiza moja kwa moja hadi chumba cha kulala cha polo na kumpata juu ya mzinga.? “Huyu ni nani,” alimfokea jamaa alipompata na kidosho kitandani naye jombi akashindwa la kusema. “Nauliza huyu ni nani na mnafanya nini,” mwanadada alimkaripia jamaa.

Inadaiwa jombi alianza kugugumiza maneno. ? Duru zinasema kipusa alichukua kufuli kisha akachomoka nje na kuwafungia ndani ya nyumba huku akiwashambulia kwa maneno.

“Huwezi kunitumia kama karatasi shashi hivi. Leo ujanja wako umefika mwisho. Mwizi leo hana lake,” kipusa alifoka. ? Inadaiwa polo alijaribu kumrai demu aufungue mlango lakini wapi.

“Uliamua kuifunga simu kumbe haya ndiyo mambo unafanya, basi endeleeni,” alimkaripia jamaa. ? Wenyeji kwenye ploti walibaki kutazama sinema iliyokuwa ikiendelea.

“Hata kama ni njaa ya tunda. Jana nilikuwa hapa, nikampa uroda mpaka akasema ametosheka. Sasa anafanya nini, fisi huyu” kipusa aliteta.

Duru zinasema mrembo alikataa kabisa kuufungua mlango hadi landilodi akaitwa kumshawishi.

Atwangwa na mke kumsingizia ufuska

Na TOBBIE WEKESA

Kakamega

Kizaazaa kilizuka hapa baada ya polo kupewa kichapo kwa kudai mkewe na shemejiye wana uhusiano wa kimapenzi.

Duru zinasema ndugu ya jamaa aliposikia madai ya polo, aliamua kumweleza yule mama. “Huyu bwana yako ana shida gan? Anafikiria mimi siwezi kutafuta mrembo ndio nidoee mkewe!” ndugu ya polo alichemka.

Inadaiwa mwanadada alimshauri shemeji yake waandamane ili wamuonye polo.

Walipofika kwa polo, wawili hawa waliungana na kuanza kumkemea. “Nimesikia umeniharibia jina sana. Mimi simtongozi mkeo. Na kama utaendelea na hayo madai yako walahi nitakuadhibu,” polo alionywa.

Inasemekana polo alirudia tena kauli yake. “Wewe umeonekana ukitembea na mke wangu. Unafanya nini na yeye?” polo aliuliza.

Maneno hayo hayakumfurahisha kakake na mkewe huyo. Wawili hao waliamua kwa pamoja kumnyorosha polo. “Hata mimi nimechoka na wewe. Umenizoea sana,” kipusa alisema huku akimuangushia mumewe kofi.

Kwa upande wake, ndugu ya polo aliendelea kumtandika ndugu yake bila huruma. “Hiyo bangi uliyovuta lazima iishe leo,” polo alimwambia nduguye.

Duru zinasema polo aliomba msamaha huku akiapa kutorudia tena lakini waliendelea kumuadhibu.

“Kama umeshindwa na majukumu yako kama mwanaume sema. Lakini kunisingizia maneno eti namtaka mkeo huo ni upuzi na ukome, sina haja naye kabisa,” polo alifoka.

Iliwabidi majirani kuingilia kati na kumuokoa lakini nao pia walimuonya akome kusingizia watu mambo yasiyo ya ukweli.

Mchepuko wavuruga harusi siku ya mwisho

MASHIRIKA na PETER MBURU

MWANAMKE mmoja Uingereza ameshangaza ulimwengu baada ya kuvuruga harusi kati yake na mumewe dakika za mwisho, alipogundua kuwa mumewe huyo alikuwa akimchepukia.

Shirika moja la habari kutoka UK liliripoti kuwa Casey* na Dan* (majina yasiyo yao) walikuwa wamepanga harusi kwa njia bora kabisa, lakini usiku wa mwisho kabla ya siku ya harusi Casey akabaini kuwa Dan alikuwa na uhusiano mwingine.

Hii ilikuwa baada ya Casey kupokea jumbe kwenye simu yake zikibeba skrinishoti zilizoonyesha namna mumewe Dan alikuwa akizungumza na mpango wake wa kando, na hata picha za selfie ambazo walikuwa wamepiga wakiwa pamoja.

Inadaiwa kuwa mwanamke huyo, ambaye pamoja na mumewe wana watoto wawili, alilia alipokuwa akipitia jumbe hizo, mara moja akibaini kuwa hatimaye mapenzi kati yake na mumewe yalikuwa yameisha.

Baadhi ya jumbe zilisema “Wikendi hii, mimi na wewe. Tutakuwa na mambo moto, leta mchezo wako.”

Mwingine ulisema “Mwili wako ni mzuri sana na natumai unafahamu jinsi ya kuutumia.”

Alitumiwa na nambari asiyoijua, huku ikimwambia “Ingekuwa ni mimi singemuoa. Utamuoa?”

Mwanamke huyo alisema kuwa kilichomshangaza pia ni kuwa jamaa alimwambia mpango wa kando kuwa alikuwa na maumbile kinyume kabisa na ya Casey, akiongeza “Sijawahi kuwa na uhusiano wa aina hii mbeleni.”

Japo marafiki zake walimshauri ampigie Dan na kumwambia kuwa harusi imekatika, Casey aliamua kulipiza kisasi kwa njia ya aina yake.

“Nilipokuwa nikipita kanisani, miguu haikuwa na nguvu na vazi langu la harusi lilipoteza maana na kuwa vazi tu. Alipoona uso wangu, alijua sikuwa mwanamke mwenye furaha haswa siku hiyo lakini hakufahamu kilichomsubiri,” Casey akasema.

Alipofika mbele, umati ulishtuka kumsikia akitangaza kuwa hakuna harusi ingefanyika, akieleza “Inaonekana Dan si mtu niliyemdhani kuwa ndiye.”

Baadaye aliweka maua chini na kutoa simu yake, kisha akaanza kusomea familia na marafiki jumbe alizotumiwa.

Wakati huo huo, jamaa naye alitoka nje ya kanisa mbio mbio, huku akiandamwa na mwanaume aliyekuwa msimamizi wake wa harusi

Mwanamke huyo baada ya kutoboa ukweli huo anadaiwa kwenda kujiburudisha vilivyo, kusherehekea kuwa alipata ukweli mapema.

Ashangaza mpenzi kuchepuka bila haya akiiga mamake

Na BENSON MATHEKA

KAREN, NAIROBI

KIPUSA mmoja kutoka familia ya mabwanyenye mtaani hapa, alimshangaza mpenzi wake alipomfichulia kwamba alikuwa akila uroda na wanaume wengine kama afanyavyo mamake.

Mwanadada huyo alikiri kwamba amekuwa akimsaliti mpenzi wake kwa kuwalisha uroda wanaume wengine akiiga tabia ya mama yake ambaye ana mipango kadha ya kando.

Inasemekana kuwa kipusa alifichua hayo baada ya mpenzi wake kumpata akipapasana na mwanamume katika kilabu moja maarufu mtaani hapa.

Kulingana na mdokezi, mwanadada ana kazi nzuri, anaendesha magari ya kifahari na huwa ana pesa za kutosha.

“Hauwezi ukasema ni tamaa ya pesa inayomfanya kuchepuka. Pamoja na kuzaliwa katika familia ya matajiri, ana kazi ya mshahara mnono. Anamiliki biashara kadhaa na mpenzi wake pia sio mchache kwa hela,” alieleza mdokezi.

Kipusa huyo alisema hana tatizo lolote na mpenzi wake na kumsifu kama gwiji wa mapenzi na kurushana roho. Hata hivyo, alisema huwa anajipata akiiga tabia ya mama yake ambaye ana wapenzi wengi.

“Alimweleza mpenzi wake kwamba amekuwa akijaribu kuacha tabia hiyo lakini ameshindwa,” alisema mdokezi.

Mwanadada alimweleza jamaa kwamba kila wiki ni lazima awaburudishe wanaume wanne tofauti anaopatana nao kwenye vilabu.

Inasemekana kuwa jamaa alimfumania mwanadada huyo baada ya kushuku mienendo yake kwa muda.

Alipomweleza mwanadada kuwa anampatia nafasi ya kuendelea na tabia yake hadi atakaporidhika, alianza kulia akisema hawezi kuishi bila yeye.

“Alimweleza kuwa hana mpenzi mwingine na kwamba hata yeye hafurahishwi na tabia ya kushiriki ufuska,” alisema mdokezi.

Jamaa aliamua kumsaidia kupata ushauri nasaha ili aone iwapo ataweza kubadilisha tabia.

…WAZO BONZO…