RIPOTI mpya ya Zero Mercury Working Group (ZMWG) imefichua kuwa baadhi ya bidhaa za kubadilisha rangi ya ngozi zina viwango hatari vya kemikali ya zebaki yenye sumu.

Bidhaa hizo ni pamoja na krimu za kupaka.Bidhaa hizo kwa kawaida huuzwa kama mafuta ya kulainisha ngozi na kuzuia kuzeeka ambazo huondoa madoa ya uzee na vipele.

Zebaki huongezwa kwa bidhaa hizo ili kuzuia mwili kutoa melanini na kubadilisha rangi ya ngozi.

Hata hivyo, matumizi ya muda mrefu unaweza kusababisha madhara makubwa kiafya, kutoka kwa vipele na hata kufanya figo ishindwe kufanya kazi kikamilifu, kuharibu neva na hata kupigana na kinga ya mwili.

Ripoti hiyo ‘Zero Out Toxic Production’ ilifanywa kwa ushirikiano na mashirika matano wanachama wa ZMWG.

Mashirika hayo yalinunua bidhaa hizo kutoka maduka ya rejareja na tovuti rasmi .za watengenezaji nchini Pakistani, na kutoka kwa majukwaa ya mtandaoni yanayosambaza bidhaa hizi duniani kote: Daraz ya Pakistan; Jiji, Jumia na Kilimall; Shopee na Lazada ya Ufilipino; na mifumo miwili ya mtandaoni nchini Marekani – Aleena Cosmetics na Axabee Skincare.

Zilizonunuliwa Ufilipino na Kenya zilichambuliwa na maabara ya Mifumo ya Uhakikisho wa Ubora na Udhibiti (QACS) Athens, Ugiriki.Matokeo yalionyesha kuwa bidhaa hizo zilikuwa na viwango vya zebaki vilivyo juu 14,000 milioni (ppm).

Baadhi ya bidhaa hizo ni pamoja na Aneeza Gold Beauty Cream with Avocado & Aloe Vera cream, Faiza Beauty Cream, Golden Pearl Beauty Cream, Goree Beauty Cream with Lycopene na Parley Goldie Advanced Beauty Cream- Pearl &Shine.

Nchini Kenya, Aneeza Gold ilikuwa na kiwango cha juu zaidi cha zebaki (14,167 ppm), ikifuatiwa na Golden Pearl (10,409) na Faiza (9,609 ppm).

Ripoti inaonyesha kuwa bidhaa nyingi, kulingana na lebo zinaonekana kuwa zilitoka Pakistani.Ripoti hiyo inabainisha kuwa ‘bidhaa hizo zilinunuliwa hapa nchini kutoka kwa maduka ya rejareja na kutoka kwa majukwaa makubwa ya mtandaoni yanayouza krimu hizo kimataifa na ndani ya nchi.’

“Viwango vya zebaki katika krimu za kung’arisha ngozi (SWCs) vilionyesha kutofautiana kwa kiasi kikubwa, kubadilika-badilika kulingana na chapa mahususi, nchi ambayo bidhaa hiyo ilinunuliwa.’Krimu zilizolengwa zilionekana kuwa zinapatikana kwa ujumla mtandaoni. Hasa, ‘Faiza’ na ‘Golden Pearl Beauty Cream’ SWCs zilitolewa kwa mauzo katika nchi zote nne zilizojumuishwa katika utafiti huu,’ ripoti inasema.