MWANADADA aliye na mazoea ya kunyemelea waume za wengine alisutwa vikali na buda mmoja kwa kuenda kukaa karibu naye mtaani hapa Chebole, Sotik, Kaunti ya Bomet.

Inasemekana buda alikuwa ameketi kwenye kiti nje ya duka la hapa akifurahia soda demu huyo alipofika na kuitisha kinywaji kisha akaketi karibu naye.

“Demu alinunua soda kubwa maarufu kama ‘madiaba’ kisha akafurahia huku akimwangalia buda huyo kimahaba,” mdaku akaarifu.

Inasemekana mzee alihofia watu wangedhani kuwa yeye ndiye aliyemnunulia kipusa kinywaji hicho. Mara moja, buda alisimama na kumfokea kwa kumnyemelea mbele ya watu wengi kwani ilikiwa siku ya soko. Mwanadada alicheka na kusema buda huyo anamwogopa sana mkewe.