MBEE, Machakos:

POLO aliacha watu vinywa wazi baada ya kukiri hadharani kwamba amekuwa akitafuta waganga wa kienyeji ili kuwaroga watoto wa kaka zake wasifaulu maishani.

Jamaa alidai alisukumwa na wivu mkali baada ya kuona ndugu zake wakiimarika maishani ilhali yeye amezidi kudidimia.

Aliamini kwamba kuzuia watoto hao kufaulu shuleni na maishani kungewafanya wazazi wao wapate huzuni kama alivyokuwa akihisi yeye.

Hata hivyo, amesema sasa anaishi na majuto makubwa baada ya kutambua aliumiza watoto wasio na hatia.

Simulizi yake imezua mjadala kuhusu madhara ya wivu na ushirikina, na umuhimu wa kutatua migogoro ya kifamilia kwa njia ya amani badala ya kuendeleza uhasama unaoweza kudumu vizazi.