JUMA hili naomba tushughulikie sifa na umuhimu wa Lonare kwa kurejelea swali lifuatalo:

“Naam, jipu. Usumbufu wa jipu sasa umefikia kikomo. Jipu liliwakera na ku wakosesha usingizi. Basi, siku ya kuli tumbua ili usaha utoke imefika.”

(a) Eleza muktadha wa dondoo hili.
Msemaji – Lonare
Msemewa – Mangwasha
Mahali – Ofisini mwa Chifu Mshabaha.
Kiini – Lonare na Mangwasha wanazungumza kuhusu njama aliyopanga Chifu Mshabaha ya kuwahamisha Waketwa kutoka kwenye makao yao.

(b) Bainisha vipengele vya kimtindo vilivyotumika katika dondoo hili.
Jazanda/Sitiari – Jipu – Njama ya kuwahamisha Waketwa.
Tashihisi/uhuishaji – Jipu linapewa uwezo wa kukera na kukosesha wa tu usingizi.
Taswira oni – “…siku ya kulitumbua…”

(c) Fafanua dhana ya ‘jipu’ inayore jelewa na msemaji.
Jipu ni njama ya Mtemi Lesulia kuwaondoa Waketwa katika eneo lao.

(d) Mbali na mbinu inayojitokeza kwenye dondoo, eleza mbinu nyingine alizotumia Mtemi Lesulia kubaki uongozini.
Udikteta – Aliamrisha aliyotaka ya tendeke bila pingamizi.
Vibaraka – Aliwatuza vibaraka wake ili watekeleze maovu – Sagilu, Sihaba.
Mauaji – Alitishia kuwaua wapinzani wao kama vile Lonare.
Ukabila – Aliwaajiri Wakule kuwa wanajeshi.
Ufisadi – Alitoa milungula ili kuungwa mkono – Mrima alihongwa.
Vitisho – Waketwa wanatishwa kufurushwa.
Utekaji nyara – Lonare kutoweshwa kabla ya uchaguzi.
Kuwahangaisha wapinzani kibiashara – Lonare.
Kupigwa kalamu – Mangwasha alifutwa kazi kwa kumfanyia Lonare kampeni.

(e) Eleza sifa za msemaji wa dondoo.
Mtetezi wa haki – Lonare alipigania haki za wananchi wote wa Matuo pasi kubagua kwa misingi ya ukabila au jinsia.
Mwanamapinduzi – Aliingia katika kampeni za kisiasa bila kujali vitisho vya Mtemi Lesulia ili kuikomboa nchi yake.
Ni jasiri kampeni – Kuwania kiti cha mtemi wa Matuo licha ya vitisho na masumbufu aliyokabiliana nayo ambayo yalihitaji ujasiri.
Mvumilivu – Alivumilia kuhangaishwa kibiashara. Japo magari na madereva wake walisumbuliwa bila sababu yoyote, Lonare hakufa moyo.

Mzalendo – Lonare aliipenda nchi yake hadi kiwango cha kuhatarisha maisha yake ili aikomboe kutoka kwa utawala dhalimu.
Mpenda msamaha – Alimkumbusha Mangwasha kuwasamehe wote waliomdhulumu.
Mwenye hekima – Mangwasha alimtegemea kwa ushauri wake.

(f) Jadili umuhimu wa msemaji katika kujenga riwaya hii.
Msemaji ni Lonare.
Kielelezo cha uongozi bora unaotetea haki za wananchi. Aliwatetea Waketwa ili wasifurushwe kutoka kwenye ardhi yao ya Matango.
Anaendeleza maudhui ya uzalendo – Anawania kiti cha uongozi ili aikomboe nchi yake kutoka kwa mikono ya wafisadi.
Ni kielelezo cha viongozi shupavu ambao hawaogopi kupinga maovu yaliyotekelezwa ndani ya serikali pamoja na maovu ya kijamii.