LONDON, Uingereza:

KOCHA wa Arsenal, Mikel Arteta, amekiri kuwa tayari anaanza kuhisi presha ya kutetea ubingwa wa Ligi Kuu ya Uingereza (EPL), licha ya kucheza mechi mbili pekee.

The Gunners iliendeleza mwanzo wake mzuri msimu huu baada ya kuilaza Aston Villa 1-0 Jumatatu usiku kwenye Uwanja wa Villa Park, huku Bukayo Saka akifunga bao pekee la kipindi cha pili.

Ushindi huo umeifanya Arsenal kushinda mechi zake mbili za kwanza za mismu kwa mara ya saba katika misimu minane iliyopita, huku ikiwa ni mara ya tano mfululizo kufanya hivyo.

Arteta alisema presha ya kupata matokeo imeanza mapema kutokana na ushindani mkali EPL.

“Tuko kwenye mchezo wa pili na tayari ni kama, ‘lazima tushinde mchezo huu!’ Tunajua ilivyokuwa msimu uliopita. Tunajua kiwango cha ligi hii na jinsi ilivyo vigumu kwa kila timu kupata alama,” alisema Arteta.

Aliongeza: “Tunapaswa kujivunia sana usiku huu. Ni ushindi mkubwa. Ni vigumu kuja hapa na kuondoka na pointi tatu, lakini nadhani tulistahili ushindi.”

Arteta pia alisema kumbukumbu ya kufungwa na Villa msimu uliopita katika uwanja huo iliwapa ari ya kupigania ushindi wa Jumatatu.

“Jambo hilo bado lilikuwa moyoni. Nilizungumza na wachezaji kuhusu hilo. Picha ya wachezaji wakiwa chini wamelala chini uwanjani wamekata tamaa ilikuwa ngumu sana kuisahau,” alisema.

Alisema Arsenal ilitumia maumivu hayo kuongeza nguvu, kujiamini na imani kabla ya kukutana tena na Villa.

“Leo tulipolazimika kuvumilia presha, tulifanya hivyo, na tulipohitaji kutawala mchezo, tulifanya hivyo. Hilo limenifurahisha sana,” aliongeza.

Mchezo huo pia ulikuwa wa kipekee kwa Ezri Konsa, ambaye alilazimika kuingia uwanjani baada ya Cristhian Mosquera kuumia.

Arteta alimsifu Konsa kwa kuonyesha utulivu mkubwa licha ya kukutana na timu yake ya zamani katika mazingira yenye presha.

“Ezri alicheza mechi yake ya kwanza katika mazingira magumu. Si rahisi kihisia kuja hapa na kucheza, lakini alionekana mtulivu, mwenye kujiamini na anayesimamia mambo vizuri,” alisema Arteta.

Arteta alifurahishwa na nidhamu ya safu yake ya ulinzi, akisema ilikuwa muhimu sana kupata ushindi ugenini dhidi ya timu yenye uzoefu mkubwa.

Baada ya ushindi huo, Arsenal iko nafasi ya pili kwa alama sita alama sawa na vinara Manchester City, Hull City nafasi ya tatu na Chelsea walio nafasi ya nne.