Na BERNARDINE MUTANU

Mfanyibiashara mmoja alikamatwa Jumatatu na makachero wa Tume ya Maadili na Kupambana na Ufisadi (EACC) kwa kujaribu kumhonga Gavana Mike Sonko.

Mfanyibiashara huyo, Praful Kumar, alikuwa ameenda nyumbani mwa Sonko, Kanamai, jijini Mombasa akiwa amebeba Sh1 milioni, alisema msimamizi wa EACC, eneo la chini la Pwani, Bw George Ojowi.

Mfanyibiashara huyo aliye na makao yake Nairobi, alilenga kumhonga gavana huyo kwa lengo la kupata idhini ya kuendelea na kujenga hoteli yake eneo la Gigiri, Nairobi, alieleza Bw Ojowi.

Mkahawa huo umo karibu na afisi za Umoja wa Mataifa (UN) Gigiri. Kulingana na EACC, atafikishwa mahakamani Jumatano.