Dereva wa basi akamatwa akiiba chupi za wanawake Kitengela
SIKU 40 za mwanamume ambaye huiba chupi za wanawake zilitimia baada ya kunyakwa mjini Kitengela, Kajiado Mashariki.
Mwanamume huyo ambaye ni dereva wa basi moja la Nairobi – Kitengela, alinyakwa akiiba chupi zilizokuwa zimeanikwa kwenye kamba.
Kwenye video ambayo imesambaa sana mitandaoni, majirani waliokuwa wamelemewa na ghadhabu walimshika mwanamume huyo, wakamhangaisha kisha kuelekea naye kwenye chumba anakoishi pekee yake.
Walipatwa na mshutuko baada ya kupata chupi na sidiria za wanawake.
Chupi hizo zilikuwa za rangi tofauti, na nyingine zilikuwa ndogo na pia kubwa.