Demu afokea mashemeji waliotaka mumewe pekee abebe gharama ya mapochopocho ya Krismasi
MWANADADA wa hapa Mwatate, Kaunti ya Taita Taveta, aliwafokea mashemeji waliomtaka mumewe kugharimia sherehe za Krismasi za familia peke yake.
Demu aliwaambia kuwa hatakubali wamtumie vibaya mumewe ilhali wana pesa.
“Ikiwa hamtatoa mchango wenu basi kila mmoja awe na sherehe kwake! Mbona mnataka kaka yenu agharimike peke yake ilhali mko na pesa? Kila mmoja achangie au msahau sherehe ya familia,” demu aliwaka na Mzee wa boma akamuunga mkono.