Cristiano Ronaldo amesimamishwa kucheza kwa siku 30 na kutozwa faini ya pauni 215 m (Sh37.3 b) kufuatia kuondoka kambini mwa timu ya taifa ya Ureno baada ya kutofautiana na kocha Jorge Jesus.

Shirikisho la Soka la Ureno halikubainisha rasmi tarehe ambayo adhabu hiyo inaanza, lakini kwa mujibu wa taarifa, inaanzia Septemba 30, siku ambayo Ronaldo aliondoka kambini nchini Denmark.

Hata hivyo, nyota huyo mwenye umri wa miaka 41 atakuwa huru kucheza mechi za Ligi ya Mataifa dhidi ya Denmark na Wales mwezi ujao, iwapo ataitwa na Jesus.

Ronaldo alidai kocha huyo alivunja ahadi na kuharibu uaminifu wao baada ya kutomchezesha katika ushindi wa 2-1 dhidi ya Norway. Jesus alikanusha kuwahi kufikia makubaliano hayo na mshambuliaji huyo.

Mshindi huyo mara tano wa tuzo ya Ballon d’Or aliomba aadhibiwe bila upendeleo, akisema anastahili kuwajibishwa kwa kitendo chake.

Ronaldo, ambaye anatajwa kuwa miongoni mwa wanasoka wanaolipwa zaidi duniani, hupata takriban pauni 488,000  (Sh 84m) kila siku katika klabu ya Al Nassr ya Saudi Arabia.

Kamati ya nidhamu ya shirikisho hilo ilisema adhabu hiyo inatosha kutokana na kosa lake kubwa.

Ronaldo ndiye mfungaji bora na mchezaji mwenye mechi nyingi zaidi katika historia ya Ureno, akiwa na mabao 146 katika mechi 234 za kimataifa.

Kocha Jesus sasa ndiye atakayeamua iwapo atamjumuisha katika kikosi kitakachocheza mechi zijazo za kimataifa.