Waislamu wamlilia DCI akomeshe utekaji

By
September 11, 2021

Na WINNIE ONYANDO

VIONGOZI wa dini ya Kiislamu Ijumaa waliwasilisha malalamishi kwa ofisi ya Mkurugenzi wa Uchunguzi wa Makosa ya Jinai (DCI) wakiomba serikali iingilie kati kukomesha utekaji nyara na kuuawa kwa watu.

Wakiongozwa na mwenyekiti wa Baraza Kuu la Viongozi wa Waislamu, Al-Hajj Hassan Ole Naado, viongozi hao walidai kuwa watu wa dini ya Kiislamu wamekuwa wakitekwa nyara kila mara bila serikali kuchukua hatua yoyote.

“Serikali haifai kukichukulia kikundi kimoja cha dini kuwa na hatia. Sheria inasema kuwa kila mmoja ana haki ya kulindwa na serikali . Tunaomba haki itendewe familia za waathiriwa,” akasema.