MAWAIDHA YA KIISLAMU: Umuhimu wa kumshukuru Mwenyezi Mungu

NA HAWA ALI

SIFA zote njema anastahiki Mwenyezi Mungu Subuhaanahu wata’ala, mwingi wa rehema na mwenye kurehemu.

Swala na salamu zimwendee mtume wetu Muhammad swalla Allahu a’alayhi wasallam, swahaba zake kiram na watangu wote wema wote hadi siku ya kiyamaah.

Mwenyezi Mungu amesema: “Basi nikumbukeni Mimi; Nitakukumbuka. Nishukuruni, wala msinikatae.”(Sura al-Baqarah 2:152)

Na anatuambia kwamba ni wale tu wanaomshukuru ndio wanaomuabudu.”… na mumshukuru Mwenyezi Mungu ikiwa nyinyi kweli mnamuabudu.”(Sura al-Baqarah 2:172).

Mwenyezi Mungu ametaja shukurani pamoja na iman, na akabainisha kwamba hafaidiki kwa kuwaadhibu watu wake ikiwa wao watamshukuru na kumuamini.

“Mwenyezi Mungu atafaidika nini kwa adhabu yenu ikiwa mtashukuru na mkaamini?”(Sura an-Nisaa 4:147)

Mwenyezi Mungu amewagawanya watu katika makundi mawili, watu wa kushukuru (shukr) na watu wa kufuru (kufr). Kitu anachochukia zaidi ni ukafiri, kitu anachopenda zaidi ni kushukuru na watu wa kushukuru.

“Tukamwonyesha (mwanadamu) njia: awe ni mwenye kushukuru au mwenye kukufuru.(Surah al-Insan 76:3)

Kwa mujibu wa Qur’an, Mtume Sulayman, amani iwe juu yake, alisema: “…Haya ni kwa fadhila za Mola wangu Mlezi! – kunijaribu kama ninashukuru au sina shukrani!

Na anayeshukuru, basi shukrani yake ni kwa ajili ya nafsi yake. Na anayekufuru, basi Mola wangu Mlezi ni Mkwasi wa haja yoyote, Mwenye utukufu.(Sura an-Naml 27:40)

Na Mwenyezi Mungu akasema:”Na kumbuka! Mola wenu Mlezi alitangaza: “Kama nyinyi mkishukuru nitawazidishieni neema, lakini mkikufuru, basi hakika adhabu yangu ni kubwa. (Sura Ibrahim 14:7)

“Mkimkataa (Mwenyezi Mungu), hakika Mwenyezi Mungu hana haja na nyinyi; lakini hapendi kufuru kutoka kwa waja wake, mkishukuru, Yeye yuko radhi nanyi.”(Sura az-Zumar 39:7). Kuna aya nyingi ndani ya Qur’an ambapo Mwenyezi Mungu anatofautisha baina ya shukrani (shukr) na kutokushukuru (kufr).

Kwa mfano: “Muhammad si ila ni Mtume tu, na Mitume wengi walio pita kabla yake. Je, akifa au akauliwa, basi nyinyi mtarudi nyuma kwa visigino vyenu? Na atakayerudi nyuma kwa visigino vyake, hatamdhuru chochote Mwenyezi Mungu, lakini Mwenyezi Mungu atawalipa upesi wenye kushukuru.(Sura Al ‘Imran 3:144)

Mtume (Swalla Allaahu ‘alayhi wa aalihi wa sallam) amesema:

“Sifa zipo nne, aliyepewa kwa hakika amepewa aliye bora zaidi katika dunia hii na ijayo. Nazo ni: Moyo wenye shukurani (unaomshukuru Mwenyezi Mungu), ulimi unaokumbuka (unao mtaja Mwenyezi Mungu mara kwa mara), mwili wenye kudumu (kustahimili mitihani ambayo Mwenyezi Mungu huileta), na mke mwaminifu (asiye mdhulumu). mwili wake au mali yake).

Mtume, Swallallahu Alayhi Wasallam, amesema:

“Hakuna baraka yoyote anayopewa mja na akatambua kuwa imetoka kwa Mwenyezi Mungu, lakini malipo ya kushukuru yameandikwa kwa ajili yake. Mwenyezi Mungu hajui majuto ya mja wake kwa kosa alilolitenda, lakini Mwenyezi Mungu humsamehe kosa lake alilolifanya, lakini Mwenyezi Mungu humsamehe makosa yake kabla ya mja kuomba msamaha. Hakuna mtu anayenunua nguo kwa pesa yake kisha akaivaa na kumshukuru Mwenyezi Mungu, lakini Mwenyezi Mungu atakuwa amemsamehe makosa yake yote kabla nguo hiyo haijamfikia magotini.”