Jitihada ni madini

By T L
February 12, 2022

Na Assumptah Wausi

Salamu zangu pokea, himizo kama mpini
Waliyasema ya kale , juhudi pato amini
Usiseme ni ya kale , tafakari kwa makini
Jitihada ni madini , jitahidi jitumeni

Wa jitihada hulipwa , msichoke tafuteni
Biabu Katana zidi , talipwa endeleeni
Mbegu mlizozipanda, kusomesha wake nchini
Jitihada ni madini , jitahidi jitumeni

Wa kutafuta upata ,hata kwa mtandaoni
AWE hufunza wake , kuwekeza benkini
Jitihada ina heri , utapata hayo mapeni
Jitihada ni madini , jitahidi jitumeni

Pato haliji kwa mkato , wake nasema someni
Mkifanikiwa kuzeni , wengine kama Amani
Na mchumia juani , na hulia kivulini .
Jitihada ni madini , jitahidi jitumeni .