NA PAULINE ONGAJI
TATIZO la mwanamke kuendelea kuvuja damu kutoka ukeni, miezi baada ya kujifungua linafahamika kama Lochia kwa lugha ya kitaalamu, na hutegemea na upesi wa mwili kuondoa uchafu kama kamasi, mabaki ya maji na damu baada ya kujifungua.
Lochia, huwa sawa na kuvuja damu kunakotokea wakati wa hedhi, lakini wakati huu damu hii huwa nyingi sana. Huanza saa kadhaa baada ya kujifungua na huendelea kwa muda wa kati ya wiki mbili na tatu.
Lakini kwa wanawake wengine, shida hii hudumu kwa hata wiki sita.
Dalili za Lochia
Kutokwa na damu nyingi kutoka sehemu ya uke, inayoambatana na migando ya damu
Kisunzi, kuumwa na kichwa na uchovu
Jinsi ya kupambana na hali hii
Pumzika sana huku ukiepuka kusimama na kutembea kwingi
Tumia visodo vizito ili kudhibiti kiwango cha damu kinachotoka
Usitumie visodo vya kuingiza ukeni kwa wiki sita baada ya kujifungua kwani, vyaweza leta bakteria ukeni na hata kusababisha maambukizi.
ITAENDELEA WIKI IJAYO