Obiri ang’ara mbio za mita 10,000

Na GEOFFREY ANENE

BINGWA wa dunia wa mbio za mita 5,000 Hellen Obiri alitwaa ubingwa wa mbio za mita 10,000 ugani Kasarani, Jumamosi.

Mshindi huyo medali ya fedha ya Olimpiki ya mbio za mita 5,000 alikuwa ameapa kutumia tuzo ya kifahari ya Wanawake ya Forbes aliyopata mapema juma hili kama kichocheo cha kushinda mbio hizo za kuzunguka uwanja mara 25. Alitimiza ahadi hiyo kwa kukamilisha umbali huo kwa dakika 31:24.7, sekunde 4.53 mbele ya mpinzani wake wa karibu Eva Cherono (31:29.6) naye Vicoty Chepng’eno akaridhika katika nafasi ya tatu (31:42.9).

Naye Mark Otieno alidhihirisha tena nani mbabe katika mbio za mita 100 kati yake na Ferdinand Omanyala alipombwaga katika fainali. Otieno, ambaye alimlemea Omanyala katika nusu-fainali Ijumaa, alimuonyesha kivumbi tena alitawala fainali kwa sekunde 10.24. Omanyala aliridhika tena na nafasi ya pili kwa sekunde 10.40 naye Tazana Kamanga akamaliza akawa wa tatu (10.49).

Duru ijayo itafanyika Aprili 2-3.

Matokeo (Machi 13):

Mita 1,500 (wanawake)

Josephine Chelagat dakika 4:10.6

Winny Chebet 4:11.0

Loice Chemnung 4:15.2

Joyce Munani 4:17.2

Vivian Kosgei 4:17.6

Juliet Cherubet 4:18.9

Monica Margaret 4:23.1

Matembezi ya kilomita 15 (wanaume)

Samuel Gathimba saa 1:01:54