Chukua tahadhari dhidi ya vyakula hivi ikiwa una tatizo la mawe kwenye kibofu

NA MARGARET MAINA

SASA kwa kuwa tunajua ni vyakula gani tunapaswa kujumuisha katika lishe yetu kwa kibofu chenye afya, hebu tuangalie baadhi ambavyo tunapaswa kuepuka.

Mkate na wanga

Baadhi ya kabohaidreti ambazo unahitaji kujiepusha nazo ni:-

vyakula vya kuoka vilivyochakatwa
chakula kilichoongezwa sukari, tamutamu na chokoleti
unga mweupe na nafaka iliyosafishwa

Mafuta

Nyongo inayozalishwa kwenye kibofu husaidia kuyeyusha mafuta. Hata hivyo, ni vigumu kuvunja mafuta yaliyojaa, ambayo yanaweza kuongeza mkazo kwenye kibofu. Baadhi ya vyanzo vikubwa vya mafuta haya yasiyofaa ni:-

nyama iliyosindikwa na nyama nyekundu
bidhaa za maziwa (usijumuishe zile zenye mafuta kidogo)
vyakula vilivyosindikwa na kukaangwa
chokoleti na aiskrimu

Vidokezo kadhaa vya kupona haraka baada ya kuondolewa kwa kibofu

Uondoaji wa kibofu cha nyongo hauna madhara yoyote mabaya kwenye mfumo wa utumbo wa mwili.

Walakini, mifumo yao itachukua muda kurekebishika, wakati ambao lazima wafanye mabadiliko fulani ya lishe ili kuendana na hali ya mwili. Baadhi ya vidokezo vya kawaida ni pamoja na:-

kula milo midogo lakini ya mara kwa mara
punguza ulaji wa mafuta na utumie vyakula mbadala vyenye mafuta kidogo au kiasi
epuka kafeini; vyakula vyenye viungo na chochote ambacho kinaweza kusumbua mfumo wako wa usagaji chakula
kula vyakula vyepesi vilivyo rahisi kusagika
daima hakikisha unashauriana na daktari wako ikiwa unakabiliwa na kichefuchefu na maumivu