FASIHI SIMULIZI: Udhaifu wa mbinu za ukusanyaji data

• By T L
• May 26, 2022

JUMA lililopita, tuliangazia umuhimu wa mbinu za ukusanyaji data ya Fasihi Simulizi.

Leo tutajadili udhaifu wa mbinu zizo hizo kwa manufaa ya mtafiti.

MAHOJIANO

Udhaifu

• Ni mbinu inayohitaji muda mrefu kwani mtafiti na mtafitiwa hutumia wakati mwingi kukutana ana kwa ana.
• Mhojiwa anaweza kutoa habari za uwongo kwa sababu hawajuani.Kikwazo cha mawasiliano iwapo watafitiwa au jamii lengwa haijui kusoma na kuandika.
• Ni mbinu ghali kutokana na gharama ya usafiri ikiwa walengwa ni wa mbali.
• Ufisadi – wahojiwa wakati mwingine huitisha mlungula/hongo kabla ya kukubali kushiriki katika mahojiano.

KUTAZAMA/UTAZAMAJI

Udhaifu

• Hata kama huhitaji kitendo cha kutazama tu, mawasiliano yaweza kuwa kikwazo iwapo mtafiti hafahamu lugha ya watafitiwa.
• Ukosefu wa uaminifu humfanya mtafitiwa kukosa kutoa ujumbe wa kweli.
• Ni ghali kwa sababu mtafiti lazima asafiri hadi nyanjani mwa watafitiwa.

KUREKODI KATIKA KANDA ZA SAUTI/TEPUREKODA/VIDEO/FILAMU

• Nguvu za umeme zinaweza kukosekana/kutoweka hivyo utafiti kuathiriwa.
• Vifaa hivi haviwezi kunasa hisia, viziada lugha na uigizaji kwa jumla.
• Fanani anaweza kuupiga chuku uwasilishaji wake hata kupoteza ujumbe kwa sababu anajua kuwa anarekodiwa.
• Ni mbinu ghali kwani mtafiti anahitaji kununua kifaa na kumbidi mtafiti kusafiri.

HOJAJI

Udhaifu wa Hojaji

• Kunaweza kutokea utata wa maswali na hivyo kusababisha majibu yasiyo sahihi.
• Wasiojua kusoma na kuandika hawatatumia mbinu hii
• Itakuwa vigumu kupata sifa za uwasilishaji kama vile kiimbo, toni na ishara/viziada lugha.
• Wahojiwa wanaweza kukataa kuijaza kutokana na mwelekeo hasi dhidi ya hojaji na hivyo kukwamiza utafiti.

Kipkoros Borwo

Alliance Girls High School

• Tags