Umuhimu wa vitamini E

• By
• August 28, 2021

Na MARGARET MAINA

[email protected]

VITAMINI E kwa kawaida ni ya asili ya mafuta mafuta.

Hupatikana katika mafuta ya mimea, nafaka na mboga za majani

Vitamini E hufanya kazi kama anti-oxidant inayosaidia kupunguza kiwango cha seli kuharibika na kufa. Hii ina maana anti-oxidant hulinda seli dhidi ya kemikali haribifu.

Vitamini E huhifadhiwa katika sehemu mbalimbali mwilin hasa:

• katika tishu za mafuta
• moyo
• misuli
• kwenye damu
• mafuta yatokanayo na mimea na mbogamboga
• viazi vitamu
• kiini cha yai
• ini
• maharage jamii ya soya
• maziwa

Kukaanga au kuchemsha au kugandisha kwenye jokovu kwa muda mrefu husababisha vyakula kupoteza kiwango fulani cha Vitamini E.

Matatizo yatokanayo na upungufu wa Vitamini E

Ikizingatiwa kwamba Vitamini E huwa tele kwenye vyakula, upungufu wa mwanzo kabisa wa Vitamini E ni nadra kutokea.

Lakini imeripotiwa kutokea kwa watoto waliozaliwa chini ya uzani wa kawaida ambao hupewa maziwa ya ng’ombe yenye kiwango kidogo cha Vitamini E na kwa wenye matatizo ya utumbo.

Dalili ambazo huashiria upungufu wa Vitamin E ni kama zifuatazo:

• Upungufu wa damu (Haemolytic anaemia)
• Matatizo yahusuyo mfumo wa kinga ya mwili
• Matatizo yahusuyo mfumo wa fahamu
• Matatizo ya ugandaji wa damu mwilini
• Mafuta mengi kwenye damu

Matumizi ya Vitamini E kitaalamu

• Kujikinga na matatizo yatokanayo na upungufu wa Vitamini E
• Matibabu ya magonjwa ya moyo
• Matibabu ya magonjwa ya akili na uelewa
• Huboresha kinga ya mwili kwa wazee
• Husaidia kupunguza dalili zinazotokea kabla ya kupata hedhi
• Matibabu ya maumivu ya miguu
• Matibabu ya ngozi
• Kwa wenye matatizo ya kutembea
• Kwa walio na ugonjwa wa kisukari
• Pumu na mzio au allergy nyinginezo.
• Homa ya ini

TANBIHI: Mama mjamzito anaweza kupewa Vitamini E kama ana historia ya mimba kutoka mara kwa mara.

• Tags
• vitamini e