Waliovamia wanahabari wamulikwa

• By T L
• December 25, 2022

NA MARY WANGARI

BARAZA la Vyombo vya Habari nchini (MCK) limeanzisha uchunguzi kuhusu kisa ambapo wanahabari watatu walishambuliwa na maafisa wa serikali ya Kaunti ya Kilifi.

Bw Elias Yaa (gazeti la The Star), Daniel Peshu na Maureen Ongala (Daily Nation) walishambuliwa Ijumaa na watu wanaodaiwa kutoka afisi ya gavana wa kaunti hiyo. Walikuwa wanaangazia maandamano dhidi ya Gavana katika uwanja wa Karisa Maitha.

Kisa hicho kinachohusu waajiriwa waliokuwa wameandamana na Mkuu wa Wafanyakazi katika Kaunti kimeripotiwa katika Kituo cha Polisi kwenye nambari ya OB 33/23/12/2023.

“MCK ingependa kufahamisha waliohusika na umma kuwa mashambulizi yoyote dhidi ya wanahabari ni kitendo cha uhalifu na ni kinyume cha haki za wanahabari,” ilisema MCK kupitia taarifa.

• Tags