Faida za kuwa na kijishamba cha mboga nyumbani

NA MARGARET MAINA

MBOGA za nyumbani zina faida tele kwa familia yako.

Ladha iliyoimarishwa

Hakuna shaka kwamba kitu chochote safi kina ladha nzuri zaidi, na utakuwa na uhakika wa hili unapokuza mboga zako mwenyewe. Hakuna vihifadhio vitahitajika kwa sababu utapanga wakati mboga zako zitakuwa tayari kuliwa.

Afya zaidi

Mazao ya nyumbani yana afya bora kwa kuliwa kwa sababu huhifadhi zaidi virutubisho ambavyo miili yetu hutegemea.

Mtu yeyote ambaye ana mzio wa chakula anaweza kujua hasa ni nini anakikuza kwenye shamba lake.

Huokoa muda mwingi wa kusoma lebo za viungo na kujaribu kuamua kama kula chakula fulani kilichosindikwa kutaleta hatari kwa afya yako.

Ni salama zaidi kula mazao ambayo umekuza.

Kukuza mboga nyumbani ni shughuli bora ya kudumisha afya njema ya mwili kwa sababu ya mazoezi ya ziada ya asili ambayo hukupa.

Kupanda mboga ni hatua nzuri kwa afya yako ya akili kwa kuwa husaidia kulegeza akili kutokana na shughuli nyingi za kimwili na hivyo hukuondoa katika kufikiria kero za siku ambazo zitaelekea kukwamisha mawazo na maamuzi mengine.

Kulima ni shughuli yenye afya ambayo itatuweka mbali na shughuli ambazo si nzuri sana kwetu. Kwa mfano, tunaweza kuwashawishi watoto kutoka kwenye skrini zao za kompyuta na simu mahiri ili kusaidia katika kazi za nyumbani.

‘Rafiki wa mazingira’

Ni njia mwafaka kwa mazingira tunapopanda mboga na kula moja kwa moja kutoka shambani. Hii ni kwa sababu hakutakuwa na vifungashio vya kuhitaji kutupa. Baadhi ya vifungashio haviwezi kuoza.

Uchafuzi wa mazingira utatolewa kila wakati ambapo kuna mimea ya uzalishaji wa chakula. Mkulima wa nyumbani ataondoa baadhi ya haya katika kukidhi mahitaji yake na ya familia na hata marafiki.