• Nairobi
  • Last Updated February 26th, 2024 10:37 AM
MAPISHI KIKWETU: Lasagna ya uyoga

MAPISHI KIKWETU: Lasagna ya uyoga

NA MARGARET MAINA

[email protected]

Muda wa kuandaa: Dakika 15

Muda wa mapishi: Saa 1

Walaji: 3

Vinavyohitajika

  • boksi 1 tambi za lasagna
  • vijiko 3 vya mafuta ya mzeituni
  • uyoga kilo 1
  • chumvi
  • karoti 2 kubwa zilizokatwa laini
  • punje 5 za vitunguu saumu
  • vitunguu maji 2 vilivyokatwa
  • vijiko 6 vya siagi isiyo na chumvi
  • vijiko 4 vya unga
  • vikombe 4 vya maziwa
  • ¼ kijiko cha kungumanga
  • pilipili nyeusi ¼ ya kijiko cha chai
  • kikombe 1 ya krimu nzito
  • kikombe 1 cha jibini ya parmesan iliyokatwa vizuri
  • vikombe 2 vya jibini ya mozzarella iliyokatwa
  • majani ya giligilani
Lasagna ya uyoga. PICHA | MARGARET MAINA

Maelekezo

Washa ovena nyuzi 180 kwa dakika 20.

Weka sufuria kubwa la maji yenye chumvi juu ya moto mkali na uyachemshe. Ongeza lasagna na upike kulingana na maelekezo kwenye boksi. Epua na umwage maji ya ziada.

Wakati huo huo, pasha vijiko viwili vya mafuta ya mzeituni kwenye sufuria kubwa juu ya moto wa kati. Wakati mafuta yanapata moto, ongeza uyoga na chumvi nusu kijiko.

Pika uyoga mpaka uanze kuwa kahawia; itakuchukua muda wa dakika tatu hadi nne. Endelea kupika, kuchochea mara kwa mara, mpaka uyoga uwe na rangi ya dhahabu; dakika nne au tano zaidi. Uhamishe uyoga kwenye sahani.

Katika sufuria hiyo hiyo, pasha kijiko kilichobaki cha mafuta juu ya moto wa wastani.

Ongeza vitunguu maji na kupika, kuchochea mara kwa mara, hadi laini, kama dakika tatu. Ongeza vitunguu na kupika huku ukichochea, hadi harufu nzuri itokee. Itakuchukua muda wa kama dakika moja zaidi. Koroga siagi. Baada ya kuyeyuka, nyunyiza unga na upike, ukichochea mara kwa mara, hadi unga uingizwe, kama dakika mbili.

Polepole changanya katika maziwa. Koroga kungumanga na pilipili na kupika hadi mchuzi uwe nzito (kama dakika nne zaidi). Koroga krimu na jibini ya parmesan hadi ichanganyike kikamilifu.

Mimina mchuzi robo kikombe kwenye chombo cha kuokea. Ongeza safu sawia ya lasagna kisha ongeza mchuzi uliobaki. Ongeza krimu ya jibini na ueneze kwa safu sawa. Nyunyiza na kikombe kimoja cha jibini ya mozzarella iliyokatwa juu ya uyoga. Rudia na lasagna iliyobaki, mchuzi, jibini mozzarella na uyoga.

Funika bakuli la kuoka kwa karatasi ya alumini na oka kwa muda wa dakika 30, kisha uondoe karatasi na uoke, bila kufunikwa, kwa dakika nyingine 15, au mpaka iwe na rangi ya hudhurungi.

Ondoa lasagna kutoka kwenye ovena na uiruhusu ipoe kwa angalau dakika tano kabla ya kuliwa.

Pakua na pilipili ikiwa utapenda, jibini la parmesan na majani ya giligilani.

Furahia mlo wako.

  • Tags

You can share this post!

NMG yazindua safari ya kidijitali

TAHARIRI: Pendekezo la Askofu Oginde lipewe uzito

T L