Je, kuna chakula cha kukusaidia usizeeke haraka?

NA MARGARET MAINA

KULA chakula chenye virutubisho vingi ni mojawapo ya njia kuu zinazoweza kukusaidia ujisikie vizuri na uonekana kijana.

Kwa kula chakula kinachofaa, unaweza kuzuia kuzeeka mapema, kulainisha viungo vyako, na kukuza uundaji wa kolageni, ambayo ni muhimu kwa ngozi yenye afya.

Kwa kuwa mwili huchukua vitamini na madini kwa urahisi kutoka kwa chakula kuliko kutoka kwa virutubisho, kula chakula bora ni njia bora zaidi ya kukidhi mahitaji yako ya kila siku ya lishe.

Karanga

Karanga ni chakula kitamu chenye Vitamini E, ambayo huongeza uimara wa ngozi na unyevu. Aidha, ni chakula kizuri kwa mtu anayepambana na uzito unaohusiana na umri.

Brokoli

Uundaji wa kolageni, ambayo hulainisha viungo na kupunguza ugonjwa wa yabisi huchochewa na brokoli. Brokoli ni kimojawapo cha vyakula muhimu katika kusaidia mwili kujilimbikizia vitamini C na flavonoids. Vyakula vilivyo na vitamini C vinasaidia kolageni na kudumisha ngozi ya ujana na iliyo thabiti. Vitamini C inaboresha kolageni.

Parachichi

Parachichi huwa na madini yenye afya kama vile potasiamu, magnesiamu, vitamini A, vitamini K, na vitamini E. Pia maparachichi yana mafuta mengi ya afya, ambayo hupunguza lehemu mbaya. Kula angalau parachichi nusu kila siku ulitaka uwe na ngozi yenye unyevu na bila mikunjo na mistari yenye makunyanzi.

Komamanga