MAPISHI KIKWETU: Tia vipande vya kuku kwa mchanganyiko wenye tangawizi kabla ya kukaanga na kuongeza lozi

• By T L
• December 13, 2022

NA MARGARET MAINA

[email protected]

VIPANDE vya kuku bila mfupa, bila ngozi hutiwa kwa muda mfupi katika mchanganyiko wa giligilani ya poda, tangawizi ya kusaga, siki na mafuta, kisha hukaangwa na tangawizi na vitunguu.

Unaweza kuchanganya na achali kidogo ya maembe na kunyunyuzia mlozi uliokaangwa kabla ya kuliwa.

Muda wa kuandaa: Dakika 15

Muda wa mapishi: Dakika 30

Walaji: 2

Vinavyohitajika

• Kilo 1 ya mnofu wa kuku bila mfupa, bila ngozi
• Vijiko 2 vya poda ya giligilani
• Kijiko 1 cha tangawizi iliyokunwa
• Vijiko 4 vya mafuta ya canola au mafuta ya mboga
• Vijiko 2 vya siki nyeupe
• Kijiko 1 cha unga wa mahindi
• Chumvi
• Pilipili
• Vitunguu maji 2 vilivyokatwa
• Kikombe ¼ achali ya maembe
• Kikombe 1 cha mchuzi wa kuku
• Punje 3 vitunguu saumu vilivyopondwa
• Kikombe ¼ cha lozi iliyokaangwa

Maelekezo

Kata kuku katika vipande vya unene wa inchi ½ .

Loweka vipande vya kuku:

Changanya poda ya giligilani, tangawizi iliyopondwa, vijiko 2 vya mafuta, siki, wanga ya mahindi, chumvi na pilipili kwenye bakuli la kati, kisha loweka kuku kwenye mchanganyiko huu.Funika na uache kwa dakika 30.

Katakata vitunguu viwe vipande vyembamba halafu changanya pamoja na achali ya maembe, hisa ya kuku na vitunguu saumu katika bakuli ndogo.

Kaanga:

Pasha mafuta vijiko viwili vilivyobaki kwenye sufuria juu ya moto wa wastani.

Ongeza mchanganyiko wa vitunguu na tangawizi; koroga-kaanga kwa dakika moja.

Ongeza kuku na kaanga hadi vipande hivyo vive vizuri.

Ongeza mchanganyiko wa achali ya maembe na upike ukikoroga kwa dakika mbili.

Pakua, hamisha kwenye bakuli za kina, kisha nyunyuzia vipande vya mlozi na ufurahie na chochote ukipendacho.

• Tags