NA MARGARET MAINA
NDIZI zina vipengele mbalimbali vya lishe ambavyo vinaweza kusaidia kurejesha nywele zilizoharibika.
Unaweza kuandaa maski laini ya ndizi.
Kabla ya kufika kwenye maski ya nywele, kuna tahadhari chache muhimu za kuchukua wakati wa kutumia ndizi kama maski ya nywele. Kwanza, hakikisha kwamba ndizi imepondwa kabisa kwani vipande vyovyote vikubwa vya ndizi vitanaswa kwenye nywele zako na kuwa ngumu kuondoa. Pili, hakikisha kuwa vinyago vya nywele havikauki kabisa kwani maski ni rahisi kuziondoa wakati zina unyevu. Hatimaye, hakikisha huna mzio wa ndizi; yaani allergy.
Unaweza kuchemsha ndizi pamoja na ganda lake kwenye maji kwa takriban dakika 10. Maji huloweka virutubisho vyote kutoka kwenye ndizi na ngozi yake. Unaweza kuongeza maji haya kwenye vinyago na vifurushi vya nywele bila kuwa na wasiwasi kwamba vipande vya ndizi vitanaswa kwenye nywele zako.
Maski ya parachichi na ndizi
Ponda na uchanganye parachichi na ndizi pamoja hadi mchanganyiko uwe laini.
Ongeza mafuta ya mzeituni kwenye mchanganyiko huu na uchanganye vizuri.
Osha nywele zako ila usizikaushe kabisa.
Gawanya nywele zako katika sehemu na uanze kutumia maski.
Hakikisha unapaka nywele zako zote kutoka mizizi hadi juu vizuri.
Weka kofia ya kuoga na ukae kwa dakika 30.
Osha nywele zako kuondoa maski ukitumia maji ya uvuguvugu na shampoo.
Maski ya nywele iliyotengenezwa kwa ndizi na mafuta ya nazi
Mafuta ya nazi yana umuhimu mkubwa. Aidha, asidi yake ya mafuta hupenya mizizi ya nywele kwa urahisi ili kujaza nywele zako na kuongeza kiasi chake.
Ponda ndizi kwenye bakuli.
Ongeza mafuta ya nazi na tui la nazi, na uchanganye viungo hadi mchanganyiko uwe mzito.
Tumia shampoo na kausha nywele zako kabla ya kutumia maski hii.
Gawanya nywele zako na uanze kutumia maski kutoka mizizi hadi juu.
Hakikisha kufunika kichwa chako na nywele zako zote.
Weka kofia ya kuoga na uiruhusu ikae kwa dakika 30.
Osha nywele zako na maji na shampoo kama kawaida.
Maski ya nywele iliyotengenezwa kwa ndizi na yai
Maski hii ya nywele ina uwezo wa kuweka nywele zako ziwe na mng’ao na zenye afya.
Peptidi katika kiini cha yai huboresha ukuaji wa nywele. Mayai pia ni kimojawapo cha vyanzo bora vya protini, ambayo ni muhimu kwa ukuaji wa nywele.